Mark 14
14
1La qātl mātl pun hwāsa la ī da k̤wīlasa sa hiyākutl‐tsumāyī, gla wī da kīsī bābāwa‐āq k̤wāk̤wuh‐sumā: lī da gīgīkumayī la‐ulbled gla wī da kī‐k̤iātīnūḵ hāyātla ḵa ā kās qayūglas dāḵwuk, k̤wīḵula kās tlilā mas dāḵwīk.
2Lāh dāḵw glā tā nīkia, qālā hyī hī dī da k̤wīlas dumī nālā, āklūḵ da nāhwāḵ bagwānum ḵūmātlilā.
3Wa lāḵs he ī lī Bethany, lāḵ gūqas Simon ḵā zihkūlum nūqa sa yāksāmī zihkūlumā, yiḵs la ī k̤wa‐ītl humāpa, gāḵa ā sa zidāk dālā ḵā tlāhwila ek‐pāla klātumā, la uḵ‐kiyinduk kās gwuḵ‐īdīs lāḵ hyūmsas.
4La‐ās tlulwīzī‐kulī da wa‐ūqī k̤wizītl lāk, nīkia, māzī mūmasīlasū gwītla sūḵ da klātumh dīḵ?
5Kā īḵs k̤īkinī lāḵs dīḵ, lā lāḵs dī kilūm lāḵs deq, la yāqum ḵā wī‐awūsīlākā: lāh dāḵw wunwunk̤iāl yek̤iāla ḵā zidāk.
6Lī Jesus nīkia, qātlas gitālāḵ gāda zidākik; māzīs yāwīnāla gītlā kuk? ekī‐gās ga qīh‐īdaās gās gāḵun.
7Kā īs hīmunātla īnīh dāḵw mā glūs uḵnūgwā tsa wī‐awūsīlākā, hīmī suḵs gilh dāḵw ma ākūs nīk kās qīgīlas nūqa ūs ḵā ekī kāh dāḵwī, lamī sis hī um qelī, lāh dāḵw glā tas kīs hīmunātla‐um uḵnūgwādin.
8La mī gas gada zidākuk hī qīh‐īdīs lā qīh‐īdaāsa: lī gas klātīd gin ūqīnīk kā gū lākl wunumtā sū klū.
9Aulā kias tin nīkiūkl, lāḵ nāhwā kla glīḵsāla yū wās‐kl sa ekī wātldum lāḵwā nāhwāḵ awīnāgwīs, la um‐kl wīsī qīh‐īda asas gada zidākik’ wātldum nāhwā‐kl kās kīsī‐kl klilīwī sū‐kl lākik’.
10¶ La āsī Judas Iscariot ḵā gāyūtlī lāḵā mālūgwigīyū kās‐īd kās le lāḵā gīgikumāyī la‐ulbled, kās zawes lāh dāḵwuk.
11Wa yih dāḵwuk, yiḵs lāh dāḵwa ī wūklilāk, lāh dāḵw ekīkula, lāh dāḵw hutlāk̤āla sa dālā lāk: la āle kās hītlāḵa ās kās zawes lāh dāḵwuk.
12Wa lāḵ gālābayī nāla sī da kīsī bābāwaāq qunīqā, lāh dāḵwa ī k̤īlāh‐īd ḵā hiyākutl tsimayī, lī disciplesas nīk yuk, wī dīs qayau ūs kunūh la‐as kunūh qālītla mazas kās humaās klūsā ḵā hiyākutl‐tsimāyī?
13La yālaḵ‐īd tsa mālūqī lāḵīs disciples, la nīk yuk, hāgih dāḵw la lāḵā gūqila, hīmīsis lā‐kl nākawās‐kl gla wa bagwānum nākāzī yinqilā; legī lāk.
14Wa yiḵ la‐īglasas, las nīk ḵī da bagwānum gūgwād tsa gūqī, nīkī Gīyā, wīdī lin k̤wāgālīlas kla un, ḵun humaās klā ḵā hiyākutl tsimāyī gla wun disciples.
15Lā klī zāzumq‐sīlā kl tsa līḵītla lāḵā īk̤iāziyā āek̤iaāgwītla, hīmīsis lūs qālītla matsū‐wī kunts uḵ‐āskl.
16Lī disciplesas kās‐īda, gāḵ lāḵā gūqila, la aulāmī wātldumas lāh dāḵwuk, lāh dāḵw qālītlā mas ḵā hiyākutl tsimāyī.
17Gāḵa ās gla wī da mālūgwigīyū ḵī da la zāqā.
18Wa yiḵs lāh dāḵwa ī k̤wazītl humāpā, lī Jesus nīkia, aulin nīkiūkl, numūqū lūklūḵ da nītlā kla un, lāḵwā humāpīḵ gla wun.
19Lāh dāḵw hwils‐īda, lāh dāḵw klāklāyūqil nīk yuk, k̤īsa nūgwa ā.
20La ās nīk lāh dāḵwuk, numūqū lāḵwā mālūgwagīyūḵ, hīmīda zupīd kla gla wun lāḵ gāda zibāzīk.
21Kā īḵs hīma ī qīyūtlilatsa Ḵwanūqa sa bagwānum k̤iāduq mī kā ī: lamīs gla wīwūsīlākā klī da bagwānum lāḵūdis! ekī lāḵsdī kā ī da bagwānum kū k̤īs gāḵ māyūglumū.
22Wa yiḵs lāh dāḵwa ī humālā lītla, lī Jesus uḵ‐īd ḵā qinīq, wa gil mīs qātl ekīlāk, la wuh‐īduk, kās zawes lāh dāḵwuk, nīkia, uḵ‐īdāq, humh‐īdāq, gamun ūqīnīk.
23La uḵ‐īd ḵā nākāstāla, gil mīs qātl mūmul‐k̤iāla, la‐ās zaws lāh dāḵwuk, lāh dāḵw wīla‐um nāḵ‐īd lāk.
24La nīk lāh dāḵwuk, gamun ulqāk yisī da ātl wātldumā, yiḵā lāwe matsū‐wī kā ī da kīnum ī.
25Aulā kias tin nīkiūkl, k̤īs klin lākl ītīd‐kl nāḵ‐īdkl lāḵ klūklapīmasa sa k̤wāḵula, ātl um klin kla ḵī da nālā kla kunklū lākl nāḵ‐īd kluk ālūmasa lāḵī da gīkasa sī da Ik̤e Gīkumī.
26Wa gilh dāḵw mīs dunḵ‐īda, lāh dāḵw lawilsa kās le lāḵī da nuges Olives.
27Lī Jesus nīk lāh dāḵwuk, nāhwāh dāḵw um klis wānīḵ‐īd klin; kā k̤iāduk̤wīnī mas, k̤īlāh‐īd klin klā ḵā aāḵsīle ḵī da lāmādū, lā klī da lāmādū lākl gwītlumīstālā‐kl.
28Kā glin klū lākl qilāh‐īda āgūtl‐kl, lā klin gāgālatl gīwī klūs lāḵ Galilee.
29Aumīsī Peter nīk yuk, wāh mī klāḵ sa nāhwāḵ wanīḵ‐īd klūs, k̤īs glā tā klin.
30Lī Jesus nīk yuk, aula kiasin nīkiūkl, kīs mī klī da kākā‐ū mātl pun zāqā‐kl, kāsū lākl yūdūh punā‐kl hīhwā‐kl gāḵun ḵwā nālāḵ ya um ḵwā kānūklīḵ.
31Aumīs tlāwīzigātl nīkia, kunklū wāh umkl tlil‐kl glūs, k̤īsā las tin hīhwū‐kl, hīmīs nāhwāh dāḵw um wātldums.
32Wa gāḵ dāḵwa ās lāḵā awīnāgwīs glīkādis Gethsemane: la nīk ḵīs disciples, yūh dāḵw umā k̤wazīsūḵ, kun le hawāḵulā.
33La uḵ‐īduḵ Peter glū James glū John kā les gla wī, la‐ās hwils‐īd klūmā yekilkula.
34La nīk lāh dāḵwuk, la umk klūma wos gin naukīk tlītlālā‐īkula: yūh dāḵw umas lūḵ kās k̤āk̤ālāla ūs.
35La hī‐nāqil qāqīsgīlā‐līsila, la humhw‐wālīs lāḵā awīnāgwīs, la hawāḵula, kā gil mī lāḵs qīh‐īdaās nūqī tlālāwūtlila unḵ ḵās, hekā lagi lāk.
36La nīkia, Abba, Ump, kīyosa ākūs wāhsūwā, klīḵ‐wīdagāḵ gada k̤wāstāk gāḵun, k̤īs hī din nūs naukāyā, hūs umā hyī glī naukī‐kl.
37Gāḵa ās, la dūqila kīḵs mīḵmaḵīsa ī, la nīk yuḵ Peter, Simon, mīḵāsa, lamas kīyos qīh‐īdaās num‐zākīl k̤āk̤ālālā ā.
38Kāk̤ālālāh dāḵw la glū hawāḵulāḵ, kās k̤īs dāḵwa ūs qestā lāḵā tlalā‐īkulyū: wāh maā sī da naukayī suqzā, au mīs weklīmasī da bagwanum īnayī.
39La ītīd kās‐īda kās hawāḵulī, hī um wātldumīs wātldumh dī.
40Wa gāḵ ītīda, lāh dāḵw um ḵa ā wīs mīḵā, kā īs kiyākus dāḵwāḵs aula ī qunta: k̤īs dāḵw tā kauklila kās wātldumh dāḵwuk.
41Gāḵ ḵa ā ītīda la yūdūh penīstā, kās nīkī lāh dāḵwuk, wīga mīḵātlāḵ kās hyūs‐īda ūs: la um hītl‐ā, gāḵ mūḵ gāḵ‐āklila, dok, la um zaw‐yī da Ḵwanūqa sa bagwanum lāḵ ayasau sī da yaīksāmī.
42Glāḵwilīs laga kunts lālāgī, dok, yiḵī da zaw yin gāḵ mūḵ.
43Wa hīh‐īdāmī sīḵs k̤īs ma ī k̤wītl‐īd, gāḵī Judas, numūq gayūtl lāḵā mālūgwagīyū, gāḵ gla wa kīnum bagwanuma qīqīḵāyū wunqila gla wa hwīhweyū, gāyānāqil lāḵā gīgikumāyī la‐ulbled gla wī da scribes gla wa qilsqilyāq.
44Wa yiḵī da zawes māmātl‐tīkī nūq kāh dāḵwī, nīkia, yiḵī da mīzih‐īd tsū kla un, hī um: dāh‐īdāk, kās lā ūs wātilāk.
45Wa gil mīs gāḵā, hī‐nāqila mīs gāḵ lāk, kās nīkī, Gīkumī; kās mīzih‐īdīk.
46Lāh dāḵw dāgaā‐klilāk kās dāh‐īdīk.
47Lī da numūqī lāḵī da glāh‐glawīsī tlūhw‐wūtlzūd ḵīs qīḵāyū, kās qīḵ‐īdīḵ k̤ākiau sī da gīkumī labled, qī‐ḵūdīḵ puspayaus.
48Lī Jesus yāk̤ugātl nīk lāh dāḵwuk, gāḵ dāḵwas hī qīx uḵuḵ gilūklīqā qīqīḵā‐yūnqil gāḵ dāhīd gāḵun.
49Hīmunātla mīh dīk hī lī da temple glūh daḵwis ḵūḵ nīnālāḵ k̤āk̤ūklāmasa, lāh daḵw dis kīs dāh‐īd gāḵun: lamīs glūḵ hī lāgītl tsūḵ hī qīh‐īdī, kā aulāh‐īdī sa wātlduma sa k̤iaduqī.
50Lāh dāḵw wīla um bos, kās hītltsū‐wī.
51Lāskumī tī da numūqī ātlūstau bagwanumk nuhwunāla ḵā yāwābazū, lāḵīs au‐īnī um ḵānāla: lāh dāḵw wāh dāh‐īdūk.
52Aumīs ḵungitl unāla ḵā yāwābazauḵs la ī ḵānāl hītl‐tsau.
53¶ Lāh dāḵw wātilāḵ Jesus lās lāḵā gīkumī labled: wa gāḵ k̤āpīkū gla wī nāhwī da gīgikumāyī la‐ulbled gla wī da qilsqilyāq gla wī da kī‐k̤iātīnūḵ.
54Lī Peter lāskumīk qīsāḵkleyā, la‐īkl um lāḵ awīkliles dādalīta‐āze sī da gīkumāyī lableda, la qa‐ītl gla wī da hīlūbātl‐zānāyī, tutlzā lāḵā luqītlī.
55Lamīsī da gīgikumayī la‐ulbled gla wī da wāḵa ās māsī da k̤wātla āleḵ witnessā kā hayūts Jesus kās k̤īlakiā gītluk kā tlilīs; kīyos tā khā sūh dāḵws.
56Kīnum mī sī da wūtl‐um nīk sīs wātldumī kā ī, kīyoza mīs nākautlas wātldumh dāḵwas.
57La ās glāḵwilītlī da glāḵwilītlī, kās nīkī sīs wātldumī kā ī, nīkia,
58Wuklilā‐nūhwā kūḵs nīkia īḵ klīh‐īd klin kla ḵwā umyāḵulazīḵ ḵwā āyasūs‐dānāḵ, yūduhw pun hwās umkl kunklū lākl qātlā mas kluḵ ūgwila um kla k̤īs‐kl āyasūs‐dānākl.
59Kīs dāḵw um ḵa ā wīsī wātldumas nākautla.
60La ās glāḵ‐wālītlī da gīkumāyī labled lāḵā nuḵzaulītl, kās wūklīḵ Jesus, nīkia, kīyosas wātlduma ā, mā sūḵ wātldumāḵ sūḵ da lūkl.
61Aumīs k̤wīklātla, kīyos wātlduma: la ītīdī da gīkumāyī labled wuklāk, nīkia, sūma ī da Christ ā, Ḵwanūqā sī da Ekiā.
62Lī Jesus nīkia, Nūgwa‐um, lāh dāḵw mīsis dūqilā‐kl ḵī da Ḵwanūqas bagwanum k̤wātlā lāḵ hītlk̤iūtl‐zane sa Tloqīmas, gāḵ bunūtlilā‐kl lāḵ unwāya sa īk̤ī.
63La āsī da gīkumāyī labled qāpīd ḵīs qītlqela kās nīkī, mā zints wūtlītl um kla nīk kunts witness nūqī.
64Lāh dāḵw ma ā kūs wuklilāḵ yāksamī wātldum sik, mā sūḵs nīnaukāyā kūs? lāh dāḵw nāhwā um nīk kā tlilā gīs.
65Lī da wa‐ūqī qīqisumh‐īduk glū nāhwūmduk glū māhyāpuk, lā ḵa ā nīk yuk, yāk̤untāla laga: lamīsī da hīlūbātl‐zānī klākāpuk.
66¶ Wa lāḵ hī‐īnāyas lī Peter ī da auḵālītlā sa dādalīta‐azī, gāḵa ās sī da numūqī lāḵ ginginānumkās sā sī da gīkumāyī labled:
67La dūḵ‐wāklilāḵ Peter‐ḵs tutlzā ī, lī da zidāk dūḵ‐wīduk, la nīkia, sū um ḵād wa‐ūq disā Nazarene yiḵ Jesus.
68Aumīs hīhwā, nīkia, k̤īsin mātltelāk, k̤īs um ḵa ā wīsin kauklilāḵs wātldumā kūs: la lotlzaulītl kās le lāḵā klāsihsaulītl, la āsa kāka‐ū kāka‐ūk̤wigātla.
69La dūḵ‐wāglitl ītīd tsa ūgwila zidākā, la nīk ḵī da glāh‐glawītl, ga um gāyūtl lāh dāḵwuk.
70Aumīs ītīd hīhwā: k̤īs tā kaitluḵs lā ī da glāh‐glawītlī nīk yuḵ Peter, aulā zau ums gāyūtl lāh dāḵwuk, kāḵs Galilæan ma ā kūs.
71Aumīs yākpāḵstāh‐īda glū nīkia, k̤īsin mātltela ḵwā bagwanumā kūs qayau.
72La ās hīh‐īda um ītīd kāka‐ū k̤wigātla: la āsī Peter mulḵ‐wāklilāḵ wātldumh des Jesusāk, k̤īs mī klas mātl pun zāqā‐kl kāka‐ū k̤wigātl klī da kāka‐ū, kāsū lā‐kl yūduh pun zāqā‐kl hīhwā‐kl gāḵun: wa gil mīs gīgāīḵāklilāk, la k̤wegātla.
Цяпер абрана:
Mark 14: Kwak
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Historical texts first published by the British and Foreign Bible Society 1882-1897. These texts were digitised for the Canadian Bible Society.