Mark 13
13
1Wa gil mīs lāwils lāḵā temple, la āsī da numūqī lāḵ disciplesas nīk yuk, Ade, dok ḵūḵ qīxdumāk sa tīsum īḵ gla wūḵ qīxdumāḵ sa gūqīḵ!
2Lī Jesus nīk yuk, dūqilā mā sī ḵwā awāwīḵ gī‐gūqa ā? kīyos‐kl numskumā yāwīklisa tīsum īḵ muqsumālīs‐kl ḵā ūgwilā, yiḵā kīs kla klīhiāḵūyū‐kl.
3Wa yiḵs lā i k̤wāskumā līsūḵ nuges Olives, nuḵk̤iūdīsā sa temple, lī Peter glū James glū John glū Andrew wuklāk,
4Nītlāla gāḵunūh, wīlāq klūḵ hī qīh‐īd klī, mās klī ḵā ī māmātltīkī klā kū lā klūḵ da nāhwāḵ hī qīh‐īd klī?
5Lī Jesus nānāḵmī nīk lāh dāḵwuk, yāklaula āklas nānūtltsīlāq lāḵs ungwe bagwānumā!
6Kā īḵs kīnumī klī da gāḵ kla lāḵun glīkumī, nīk‐kl, nūgwa‐um Christ; lā klī nānūtl tsīlāqila kla ḵā kīnum klā.
7Gil um‐kl wīsis wuklilā‐kl ḵā wīnāpa kla, qālā nūtlāḵ; kā īḵs he las ma ī qelī; kīs um‐kl wīs glī da wulbī klā.
8Kā ī da līlqilāklāyāḵs wīnī klāḵ līlqilāklāyī, glū gīkāsī wīnā kluḵ gīkāsī, lā‐kl ḵa ī da nīnīne kla lāḵā ātl‐ūgwakīs awīnāgwīs, lā‐kl ḵa ī da pīpaula kla gla wa tlī‐tlālāwūtlilā kla, gestā um gālabī‐kl sa wīwūsīlākā unḵ klā.
9Yāklauh dāḵw lā hyī glāḵs sau īḵ; kā īḵs lāh dāḵwī klī zaw klūs lāḵā k̤wī‐k̤wīḵulā; lāh dāḵw‐kl ḵa ās hwisā sūkl lāḵā kāpīkawāzī, lāh dāḵw kla ḵa ās lāyū‐kl lāḵā gīgikumāyī gla wa kings kā un, kā wātldum lāh dāḵwuk.
10La mā wīs gla klī da ek zik̤iālum, lā nīgim‐kl lāḵ nāhwā līlqilāklāyā.
11Gil nāhwā um‐kl wīs glā klis lā‐kl wāduq‐kl kās le zaw ūs, qālā qātlila naukī gīla kās wātldum ūs, qālā hyī ḵād nīnk̤īkātlgīwāla lāḵ; au umā hī um wātldum nāhwā klī da lā‐nāhwā kla ūdāh‐īdāyū nāhwa um‐kl zawe nāhwa klūkl kās wātldum ūs: kā kīzīnāyas sū yāk̤untālas, he āglā sī da Holy Spirit.
12Wa lā klī da numwiyūt zaw sīs numwiyūt kā tlilīs, lā‐kl ḵa ī da ūmpā sīs ḵwanūqī: lā klī da sāsumī hāyūtā‐kl ḵīs gīga‐ūtl nūqī, lā‐kl ḵa ī tlītlilā mas dāḵw kluk.
13Lāh dāḵw kla ḵa ās klīzitl klis nāhwā bagwānum kā un glīkumī; wa yiglā ḵī da lābund kla tloqātlā‐kl, hī um qāqila‐āq klī.
14Gilh dāḵw um‐kl wīs glas lā‐kl dūqilā kluḵ kyil‐kyiltī gīlākīs aūzūtlila glāḵwātl lāḵīs kīs lāḵī glāḵwātla ās lāḵ (wīga hyī da k̤iāk̤iāduq‐sīle ayūsilā) wa wīga hyī da he lī Judæa hītl‐tsau lāḵā na‐unge:
15Qālā hyī ḵa ī da hī lī da ūgwesī, lā‐ḵā kās la‐īklī lāk, kās uḵawilsā sū nūqī lāḵ lāḵīs gūqī.
16Qālā hyī ḵa ī da hī kla gāḵ līs awīnāgwīs aīdaākā kās uḵ‐īdī ḵīs qītlqela.
17Kīkiālāsūh dāḵw glākl tsī da bībawīq kla, glūh dāḵw klī da gīgintlilā kla lāḵī da hīh dum kla qīh‐īd klī!
18Hawāḵulāh dāḵw lā hyī ḵād kās kīsa ūs hī hītl‐tsauh dumī da zawunḵī.
19Kā klūma īnī kla sī da tlālāwūtlilā kla lāḵī da hīh dum kla qīh‐īd klī, ḵā kīzīnūḵwā hī gāḵ qīx sīs qīx zas kla gāyābāl lāḵā gālābālīs wūtlāḵs la ūtlūḵ da nālāḵ uḵe sa Ike Gīkumī gāḵ‐āklil lāḵwā nālāḵ, kīyozīnūḵ kla ḵād hī qīx klī.
20Wa kū kīs lāḵs dī da Gīyā zuk̤wāh‐īdā mas ḵī da hīh dum kla qīh‐īd klī, kīyos lāḵs da tā bagwanum qilā; hīgā ma āglas kā ī da dokūdānum yiḵ qayūbuziyāsī, lāgītl tsī zuk̤wāh‐īdā mas ḵā tlālāwūtlilāh dum kla.
21Wa gil um lāḵ wīsis nīk sū lāḵs ungwe bagwanum, dok, ga um Christ ga, glū lāḵī nīkia, dok, hī dī da; qālā ūqisuk:
22Kā īḵs kīnuma ī da gāḵ kla klīlqālā kla Christ būtlā‐kl, gla wī da klīlqāla kla pī‐prophets būtlā‐kl, lā‐kl ḵa ī dūqā mas kla sīs wunwunhyis kla qīgīlas‐kl, ḵunḵunyāzīma kla, kās klīqitl tūdā masī, kū qīh‐īdaās nūq lāḵ, ḵā kūglaqī.
23Yāklaula hyī glātl, dok, lamun qātlila um nītla sa nāhwā lāh dāḵwūkl.
24Lā glā ḵī da nālā kla hīh dumkl qīh‐īd klī, ātlākāwī‐kl tsī da tlālāwūtlilā kla, lā klī da klīsila pudih‐īdā matsū‐kl, lā‐kl ḵa ī da muqilā kīs lā nāqilā‐kl,
25Lā klī da tūtau sī da īk̤ī tīkumākā‐kl, lā‐kl ḵā ī da nāhwā uḵ sa īk̤ī nutlim gilīs‐kl.
26Wa lā klī dūqilāh dāḵw kla ḵī da Ḵwanūqa sī da bagwānum gāḵ‐kl lāḵī da unwāyī lāḵīs tlāhwāya gla wīs qīxdum kias‐au.
27Wa lā klī yālāḵ‐īd‐kl sīs angels, lā klī k̤āpīkū‐kl ḵā dokūdānum lāḵwā mūhwī‐daīsīḵ yaula, ek um‐kl gebālī sa kluḵ nālā, lāgaā‐kl lāḵ ups‐bālīsas.
28Wa wīga k̤ākūklā ḵī da numāhyis dume sī da fig mis; yiḵs gāla ī būlīqā, glūḵs la ī k̤wāḵ‐īdī māmemas, lāh dāḵw mī sis kauklilā kīḵs la mā ī īhyātl hī‐unḵī da:
29Hī‐umkl wī sis qīh‐īd ūgwākā klī, kāsū lākl dūqilākl ḵīk hī qīh‐īd klī, kauklā‐tlāla kīḵs la mī klī īhyātlā‐kl.
30Aulā kiasin nīkiūkl, yiḵs kīs mī klūḵ da bībagwānumā ḵwā nālāḵ, kīyo‐hwīd‐kl, kū lā kla nāhwā hī qīh‐īd klī.
31Ḵā īkī awīnāgwīs gla wa awīnāgwīsīḵ kīyohwīh‐kl; lā glā tin wātldumī kīs kīyohwīda īnūḵ‐kl.
32Wa yiglāḵ nālā‐īnī kla sī glū wāḵāzākīlas kla sī kīyos numūq bagwanum kauklilā‐kī, kīyo, wāh ma ā sī da angelsā yiḵā he lī da īke awīnāgwīs kīyoza um kauklila nūq sī, kīs um ḵa ā wīsī da Kwanūqī, hīga um glī da Umpa.
33Yāklauh dāḵw lā, k̤āk̤ālālāla glū hawāḵulāḵ; kāḵs kīs dāḵwa ākūs kauklilāḵ hīh dum kla sī qīh‐īd klī.
34Kā ī da Ḵwanūqa sa bagwanumḵs numāhyisā ī gla wī da bagwanumī la‐ās nūq qīsgīla, la wātldum nūq ḵīs hīlūbātl‐zānayī, zawe nūq ḵā nāhwā bagwanum kā qīgīlats, la weḵā ḵī da aāḵsīla kā k̤āk̤ālālīs.
35Lāgītlin nīkiūkl kās k̤āk̤ālālāh dāḵwa ūs; kāḵs kīs dāḵwa ākūs kauklilāḵ gāḵ dum kla sī da gīkumaya sa gūqī, kū hī lāḵī da zāqā glū kū hī lāḵī da lā nukīgāyā, glū kū hī lāḵī da lā kaāla;
36Kū ūdāh‐īdilāḵ gāḵ lāḵ, lā lāḵ mīḵā ginsālā‐ḵūkl.
37Wa ḵun wātldum ūkl, nīk um ḵa ā wīsin klas lāḵ nāhwā um, K̤āk̤ālālāla.
Цяпер абрана:
Mark 13: Kwak
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Historical texts first published by the British and Foreign Bible Society 1882-1897. These texts were digitised for the Canadian Bible Society.