Папулярныя біблейскія вершы з Mat 13

Падзяліцца

Ngos yɛ ɛy nè chemken ɛ ntiɛ ɛyjuŋ lu ghel ghɛ ɛ́ yion kenəə ə Feyin, ɛ́ lɛm se ɛytem, è me yɛ nɛɛy əbnəə əbjuŋe ka ngos yɛ ɛy nè koom ɛshiɛ əblik əbviɛ chia ka ɛ́ nè maken, ɛylee koom əblik əmntuufe chia ka ɛ́ nè maken, ɛylee koom əblik əmmtal chia ka ɛ́ nè maken.

Ngos yɛ ɛy nè chemken ɛ məme kenjoonjoŋ lu ghel ghɛ ɛ́ yion kenəə ə Feyin ɛ́ vii ɛytem nɛ lu əbnəə wɛ ketuu ntiɛ fɛne ghene əbghaake, ke jia yɛ ki kelik ɛ ghene tetem, è jia koom əmtam.

Ngos yɛ ɛy nè chemken ɛ beelese lu ghel ghɛ ɛ́ yion kenəə kɛ kum ɛysak ə Feyin è jia keele, Satan me gwiy è fəyse kenəə ten se ghene tetem.

Ngos yɛ ɛy nè chemken ɛ əbkuk ɛtiy lu ghel ghɛ ɛ́ yion kenəə ə Feyin, ɛ́ me beeme kaŋ ɛymok nɛ̀ chɛkle. Ghene beeme, dî ke jia lii se ghene tetem. Ngɛkse ghene əbbaanese loo gwiy se ghene bek kenəə ə Feyin nɛ̂ ki ghene me fɛy kaŋ ɛymok.

Ɛysak ə Feyine lu ka ngan yɛ kum kefaa əbkaa kɛ ke nè luun ɛ əbkwak yɛnsen wiy. Wel nɛy yɛn, è nɛyte chite, è se saŋle naa se ŋaŋ, è ndu è feene ɛykɛŋ ə wen naa ɛyjim è yun əbkwake wɛ́ tene əbjim.

Ɛylee chemke nɛ lu ɛ ntiɛ ɛyjuŋ, è fəy, è kuy è loote koom. Əbtuu əblee se foo ɛshiɛ kaŋ əbviɛ chia ka ɛ́ nè maken, nɛ əblee foo ɛshiɛ kaŋ əmntuufe chia ka ɛ́ nè maken, nɛ əblee foo ɛshiɛ kaŋ əmmtal chia ka ɛ́ nè maken.

Ghɛn vəse é əb yɛ kuy fo əbjim se chin se kechii kɛ ɛ́ náà kaa əbfua. Naa loo lu ɛ kechii fo é mɛ suuy se ghel ɛyfɛl ge: Ghɛn chia mbiy è dəəne əbgii vi è kul ɛ giɛse ɛ giɛse è nyok, è me dən ɛsaŋ è vii se mɛ əbŋwak.