Папулярныя біблейскія вершы з Mat 14

Падзяліцца

Ka əb jɛ́len nduun dî, è yio jii yɛ əbfiɛfe chian ɛ ten, è loo fan, è me se yime nduu ɛ məme jio toŋe ge: Báàba, boyse mɛ! Jesus nase keghoo kɛn se əbliy, è ghal wen so, è suuy ge: Wɛ̀ lu lɛ nɛ wɛ̀ báà fo ɛytem se mɛ, lu bek ghɛ wɛ wɛ̀ kè maanen ge lòó mɛ nɛɛy é wɛ̀ jɛl ɛ ketuu moo?

Ka əb jɛ́len nduun dî, è yio jii yɛ əbfiɛfe chian ɛ ten, è loo fan, è me se yime nduu ɛ məme jio toŋe ge: Báàba, boyse mɛ!

Jesus suuy se ghene kɛn se əbliy ge: Ghɛn kul ɛyteme, lu mɛ Jesus, ghàà ghɛn yɛ fan.

Bita me suuy ge: Báàba, loo lu wɛ̀ se əbluuy, wɛ̀ suuy é mɛ gwiy ɛ ketuu moo è baksen wɛ̀. Jesus fise ge: Gwiye. Bita me fəy se kenək, è se jɛle ɛ ketuu moo nduu se baksene Jesus.

Ghon-ɛyfɛl ghɛ ɛ́ nè luun ɛ kenək me se foo ɛykokse se Jesus suuye ge: Lu se əbluuy nɛ wɛ̀ lu Wán ə Feyin!

Jesus fise ge: Ke báà se lu ɛ shii ge ghene loo. Ghɛn fo əbfua-əbyíɛ́ne se ghene se ghɛne ngeŋ. Ghene fise ge: Ghɛs ki kɛn ntukse keban fɛn setan nɛ̀ səə sebaa.

Jesus me suuy ge: Ghɛn gwiy so fɛn se mɛ. Ɛ́ gwiy so, əb suuy ge ghele diom se əbgii, əb fii ntukse keban shi setan nɛ̀ səə shi sebaa, è kiy ɛyyio, è bɛ̀ɛ̀lè Feyin, è bɛkte kebane ten è fo se ghon-ɛyfɛl nə wene, ghene me fo se ghele.

Wel əbjim yiɛ è kul. Ghon-ɛyfɛle biŋte əbmbɛkele wɛ əb nè bɛɛsen, əb lun nkaase njio-sebaa ɛyvəm.