لشهر مارس؛ رحمات جديدة كل صباحعينة

من طبيعة الحال العالم ماغاديش يرضيك. هادي هي علامة بلّي راك تصممتي على قبل عالم أخر جاي.

هي حاجة كاينة في كل سطر من الخطوط العريضة ديال عقيدتنا، ولكن في الواقع ماكنعيشوش بحال إلا كنأمنو بهادشي. كلنا كنقولو حنا كنأمنو بلّي هاد العالم ماشي هو كلشي. كنقولو حنا كنأمنو بالحق بوجود حياة مورا كل هادشي. عقيدتنا الرسمية فيها الحق ديال وجود سما جديدة وأرض جديد جايين. ولكن حنا كنعيشو بالقلق والإندفاع اللّي كيجيو ملّي كنفكرو بلّي كل ماعندنا دابا هو هاد اللحظة.

هاهي المشكلة الأساسية ديال الحياة: إلا ماركّزتيش عينين قلبك على الجنة اللّي جايّة، فراك غتحاول ترجّع هاد العالم المسكين الساقط لجنّة اللّي ماعمره يكونها. في قلب كل إنسان كاين شوق للجنة. البكية ديال ولد صغير يالاه طاح هي صرخة على قبل الجنة. الدموع ديال ولد في سن المدرسة اللّي ترفض في الملعب هي دموع ديال واحد كيمد يده للجنة. ألم الوحدة اللّي كيحس بيه الشخص اللّي ماعندوش صحاب أولا عائلة هو ألم شوق الشخص للجنة. الجُرح اللّي كيحسو بيه المزوجين ملّي كيتفرق الرباط ديال زواجهم هو جرح ديال هادوك اللّي بغاو الجنة. الحزن اللّي كيحس بيه الراجل الكبير في السن ملّي الجسد دياله كيضعاف هو حزن ديال الشخص اللّي كيشتاق للجنة. حنا كلنا عندنا هاد الشوق، حتى ملّي ماكنعرفوش راه عندنا، حيت خالقنا داره تمّا. هو حط الأبدية في قلب كل واحد فينا (جامعة 3:11) الغوات ديالنا هو كتر من غير غوات ديال الألم. هو حتى غوات ديال شوق من أجل أكثر وأحسن حاجة غنجربوها في هاد العالم الساقط.

ملّي كتنسا هادشي، فنت كتخدم بالجهد باش تحاول ترجّع هاد اللحظة للجنة اللّي ماعمّرها تكون. زواجك ماغيكونش جنة. خدمتك ماغتكونش الجنة اللّي نت مشتاق ليها. الصداقات ديالك ماغيكونوش هما الجنة اللّي مشتاق ليها قلبك. العالم اللّي داير بيك ماكيخدمش بحال إلا هو جنة. ولادك ماغيعطيوكش الجنة. حتى كنيستك ماغتوصلش للمستوى ديال الجنة. إلا كنتي ولد الله، فراه الجنة مضمونة ليك، ولكن هي ماشي دابا وماشي هنا. كل الحوايج اللّي كتخيّب ظنك دابا هي تذكير بلّي راه ماشي غير هادشي اللّي كاين وهي كتخلّيك تشتاق للجنة اللّي جايّة. الأحلام اللّي كتموت كتفكرك بلّي هادي ماشي هي الجنة. الأزهار اللّي كتذبل كتفكرك بلّي هادي ماشي هي الجنة. الخطية اللّي كتأسرك كتفكرك بلّي هادي ماشي هي الجنة. الأمراض اللّي كتصيبك كتفكرك بلّي هادي ماشي هي الجنة. عيش في الأمل حيت الجنة جاية أكيد، وحبس تطلب من العالم الساقط باش يكون الجنة اللّي ماعمره غيكون.

من أجل دراسة وتشجيع كتر: كورنثوس التانية 4