Génesis 33
33
Jacobwe Esaú dukunadiwu
1Esaú cuatrocientos dukuwedewuya uwaitu uĩkĩ Jacobpa Lía awẽ wakewuya paxkadi. Raquelri naskariwi adi. Awẽ yudubis raweri atũ wakewuya paxkadi. 2Naskata Jacobpa awẽ yudubis awĩwu rawe atũ wakewuya atu rewu tanabadi. Atu kachiuri Lía awẽ wakewuya atu wadi. Chipukui José awaya Raquel atu wadi. 3Atu naskawata awẽ wemanane baikiri wepupakekawakakaĩdi siete veces awẽ uchiki aki dukuax. Naskaxu chaiba wadi.
4Naskaitu uĩkĩ Esaúpa tebespata tsu adi naduax naa rawe eaikĩ watanadiwu. 5Naskata Esaúpa awĩwuya atũ wakewuya uĩkĩ Jacob ñukadi: “Naawu tsuawume”, Esaú ikaitu awẽ uchi Esaú duikuiyana kebadi: “Naawu Diospa mewẽ uibati awẽ wakewu ea ina”, Jacobpa wadi.
6Naskata Jacobpa uibati rawe atũ wakewuya Esaúki wekata wemanane baikiri wepupakewuwãwuwãdiwu. 7Líari awẽ wakewuwe naskari adiwu. Raquelwe Joséri naskadiwu.
8Esaúpa ñukadi: “Awa shinakĩ da yuina xukuwu ẽ uĩwerãda mia wubame”, waitu Jacobpa kebadi: “Ipaixuba nawuxũ ea sharawatiru raixu ẽ bia wuba”, wadi.
9Tsai pachiwaxu Esaúpa awẽ extu Jacob yuikĩ iskawadi: “Ẽ bia yuina wiãiba. Ẽ yuinane ẽ yupaiba. Nawuya iwe”, wadi.
10Jacobpa yuiriwadi: “Daawu bia inayai ea wixuwe. Mi dukuki idiba. Ẽ bia uĩyax naa ẽ Dios uĩyai keskara. 11Da ẽ bia wexua ea wixuwe. Dios ea sharakuiwaa. Naskake ẽ awa yupaiba”, Jacobpa naskawariawaitu Esaúpa widi. 12Naskata Esaúpa iskawadi: “Nu kanuwe. Ẽ bia rewu kaxui kanu”, wadi.
13Naskata Jacobpa duiyana kebadi: “Ewẽ uchĩ ma mi tapibetsashta wakewu kushi wutiruwuba. Ewẽ oveja ita vacawuri wakeyawu ẽ atu kushi iyupana xukenakadax datiruwu. 14Ea rewu kaxui kawe. Ewẽ yuinawu wenamashta wuwaiwudu ẽ atu kachiuri ẽ kai ewẽ wakewuya Seír adu biki dukui kai”, wadi.
15Naskaitu Esaúpa yuidi: “Askake dukuwede awetiira ẽ bia nichixutanuwe”, Ikaitu Jacobpa kebadi: “Ana ẽ yurawu yupaiba mi nichiwaĩpana. Ẽ bia sidabapaiba”, wadi.
16Naa pedata Esaú Seír adu dasudi. 17Jacob Sucot ari kadi. Nari pexe wata awẽ yuinawuri nadu tapasxudi iwi texpaya. Naskake nadu adekĩ Sucot,#33.17 Sucot wakakĩ pexe tapas wadiwu. wadi.
18Jacob Padán-aram aduax aweskataba Canaán adu dukudi. Pexe ichapa awẽ ade Siquem adu pexe wadi. 19Naduxu cien pei sapauxũ bai widi Hamorpa awẽ wakewuna. Siquempa apa Hamor idi. Nadu Jacobpa pexe wadi. 20Nadu ruwe petsaidadi naduxu Dios kiwĩxikĩ. Nadu Jacobpa adekĩ El-elohé-israel,#33.20 Adekĩ iskawadi Dios Israelpa awẽ Dios. wadi.
المحددات الحالية:
Génesis 33: mtsB
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
