Mark 9
9
1An netereni to ilar, Nuparhien tiakani to kamiar, nevin ikenuk le nerem kamailil uk ierem min tepesairouan nemisan meroatis nian tepaihm niko te Wuhgin rua le nesanenan.
2An nian katilum makarena neterua muan an Iesu neteros Piter mene Jems mene Jon, neterir ihlel met muan le towar apahm ilar pusen am; an neterhwapen pusen le nemrin ilar.
3An nar rakameviu in lan neteramselsel metuan aken, moma ierem ramol napen le nemapten retiktik am nolan retuan maka lan.
4An Ilaija mene Moses netikiaier pen to ihlel, an ilau kamuakar kam Iesu.
5An Piter neteraram meni to Iesu, Ieremera, ravit to katar takamairik uk, an pas tiakhalol nimwa ulul kisil, ker taham mene ker taha Moses mene ker taha Ilaija.
6Mero in ka retiktik am nar ramaram, mero in ka kahmaligen.
7An napua ker neteratite meviu ilar, an nakaran neterier le napua, In uk Neruk ierem keikei, aiteleg kam in.
8An ihwe am netakhaleitait, meshaihman mun nar ker mero Iesu am mene in ka ihlel.
9An netakamaitite le towar, an neterhwag kam ihlel moma teshanian to nar ker nar min kahmaihm, mero le nian Neri Ieremim terepermig mun le neki nerem kamaremis.
10An nekin ihlel neterakahmo nakaran ka, netakhaiahrapuk to ihlel min hmama neta nermigan mun le neki nerem kamaremis.
11An netakhaihrapuk ton mahmani, Nerem kamatikun kama Ilaija terakeikei maupan mua.
12An netereni to ihlel, Nuparhien Ilaija teraupan mua, mol ut petum nar; an kametuarai le Neri Ieremim moma tereperou asul nahmean an tepeseniapkisan.
13Mero tiakani to kamiar moma Ilaija reknua, an kenarol mun ton naremnar min karolkeikei, rolkoma kamrai lan.
14An netakarua to tan ieremim min, netakaihm nahuto puk kailil elauelau in ilar, mene nerem kamatikun kameihrapuk to ilar.
15An ihwe am nahuto petum netakaihm in, an nanumun ilar neterakamuka, an netakarietkin marua ton mameikar vi kam in.
16An netererhapuk to ilar, Neta nemeihrapuk to ilar.
17An ker le nahuto neteraram ton, Ietikun, iemles neruk mua tonik, nanumun tat ierem retiktik nakaran ramarik lan.
18An iken min ramir in iken ramahigin rakamam, an hninoan retkatin metkatin, an ramkis nelun, an mamopou ena; an iemameni to tam ieremim min moma takahiliatou, mero kasaisanenan.
19An neteraram to ilar mameni, Kamiar nepsen neremim nuparhienan temiar rika, tohnan tiapamarik to kamiar? Tohnan tiakpas am kamiar? Ir ua tonio.
20An netakarir marua ton, an neterahm in an ihwe am nanumun tat neterhapu puk in, an neteram le nemapten marpiko mamavan, an hninoan retkatin metkatin.
21An netererhapuk to remin, Nian kuhu nar uk rua ton? An netereni, Le nesuasan tahan.
22An ian min ramelakpen in le nekam mene le nu moma terhwapnin. Mero takama nakasanen to nolan nar ker asak in kamar masitu le kamar.
23An Iesu netereni ton, Takama nakasanen? Naremnar min tapol to ierem tereni nuparhienan lan.
24Ihwe am remi wusuas neterasak apahm mameni, Tiakani nuparhienan lam. Asitu le nuparhienan apou tahak.
25An Iesu neterahm nahuto kamari was, neterenhiau nanumun tat mameni ton, Ik nanumun ietiktik nakaran mene ialu, tiakani tonik, ier lan mesuenan mun lan.
26An neterasak apahm mahmapu puk in mamier lan. An neterol kama ierem reknemis, an neremim min ribor kama in reknemis.
27Mero Iesu neteros nelimin muit, an neterermig.
28An neterua imwa an tan ieremim min netakaihrapuk ton ilar pusen am, mama, Retol kamar iesaisanenan to hnaliatouan?
29An netereni to ilar, Nar mok lan to resieratouan mero in am ka le nahwakan.
30An netakarier iken ka, netakarua marier Kalili; an resolkeikeian moma nar ker terhinatin.
31Mero in ka rametikun tan ieremim min, an netereni to ilar, Neri Ieremim kenauraipen le nelimi neremim, an teparhwapnin in. An kinhwapnin nian kisil reknua muan terepermig mun.
32Mero kamesarhinatinan nenian, an kamarigen to nehrapukan in.
33An netakarua Kaperneam, an neteramowata imwa neterehrapuk to ilar, Neta nakamani le suatu?
34Mero netesaikaran, mero in ka kamameikar kam ilar min le suatu mama pehe ierem iribor?
35An neterowata neteraunin nerem katilum katilum mekiu, netereni to ilar, Takama ieremim ker rolkeikei moma teraupan, in terepol ierem iroatisig aken le ilar min mene iolatkokun nar to lar min.
36An neteros kova mep rail ilukan le nekin ilar, an neterelesit le nelimin netereni to ilar,
37Ierem terir kova ker maka lan le netigok in rir io. An ierem terir io resiran io mero ierem rehmalipa io.
38Jon neteren ton, Ietikun, iemaihm ieremim ker rehmaliatou nanumun tat le netigam; an iameinhiau in mero in ka reseroupean kamar.
39Mero Iesu netereni, Teneseinhiauan in, mero in ka resolan moma ieremim ker terol narepuk le netigok mamakar tat hwaihwai kam io.
40Mero in ka ierem resoletetan le katar rasitu le katar.
41Mero in ka ierem terofena nevigenar le nu kam kamiar to namnuman, mero in ka kamiar neremim taha Kristo min, nuparhien tiakani to kamiar terepeseluean parhien in nemrin.
42An ierem terol rapitetel ker le iresuas min uk kamani nuparhienan lak, repavit ton moma takarupen kapiel asul le nemulkenuan an kapelakiatou in le tamite.
43An takama nelimam ramol ik nakamapitetel, arakru; ravit tonik tenekuan le nemihwan le nelimam karena, mero retat le neliman kiten mil tenekuan le nekam, nekam lilen.
44Iken silet tenilar resemisan, an kasauninan nekam.
45An takama nelikam ramol ik nakamapitetel, arakru; ravit tonik tenekuan le nemihwan le nelikam karena, mero retat le nelikam kiten mil tepelakpen in ik le nekam.
46Iken silet tenilar resemisan, an kasauninan nekam.
47An takama nemram ramol ik nakapitetel alakin iatou; ravit tonik tenekuan le niko te Wuhgin le nemram karena, mero retat le nemram kiu tepelakpen in ik le nekam.
48Iken silet tenilar resemisan, an kasauninan nekam.
49Mero in ka neremim petum kapaiute le nekam.
50Nigal ravit, mero terama nigal rier lan, tapol ut le neta? Aros nigal le nekimiar mamairik le nemelinuan to kamiar min.
المحددات الحالية:
Mark 9: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
