Mark 8
8
1Loanian ka nahuto ramibor mun, an kasarosan nar takarkin, an neteraunin ton tan ieremim min, netereni to ilar.
2Nekiuk rasakin nahuto mero in ka kenamairik tonio nian kisil, an kasarosan nar takarkin.
3An takama tiakhalita ilar kaimek to nar imwan ilar, tepaipou le suatu; an nevin le ilar kamasipen isou.
4An tan ieremim min netakairam ton, Ieremim ker teretuaugan neremim uk le bred ikenuk leluan?
5An netererhapuk to ilar, Bred kuhu to kamiar? An netakani, Katilum mekiu.
6An netereni to nahuto moma takaiwata le nemapten: an neteros bred katilum mekiu, mameni vivi, netererkahl, mamofen kam tan ieremim min moma takarofen, an netakarofen kam nahuto.
7An kamaros mun nam asuas nevin, an neterakar vi kam ilar, netereni moma takarofen mun ilar.
8An netakarugan marhepus, an netakaruaipen mun nemusmusin min ierem min rowau le karam katilum mekiu.
9An ilar kama 4,000, an neterhalita ilar.
10An ihwe am neteruan le bot ilar tan ieremim min neterua le ten Dalmanutha.
11An Farisi min netakarier marua, an netakarwowun mameihrapuk ton, an netakaihrapkinpen ton nimtatin le neai, mamarofenofen kam in.
12An neteramigalhipuk le nanumun mameni, Retol nepsen neremim uk kameihrapkin nimtatin? Nuparhien tiakani to kamiar, nimtatin tepesofenan kam nepsen neremim uk.
13An neterapas ilar, neteruan mun le bot, muan le televinpen.
14An kamailuin nosan bred, an kasarosan to ilar min le bot, mero in am karena.
15An neterhwag kam ilar mameni, Aihmena, amairouena kamiar to leven taha Farisi min mene leven taha Herod.
16An netakaikar kam ilar min, mero in ka kamesarosan bred.
17An neterhinatin netereni to ilar, Retol nakameikar mero in ka nesarosan bred? Kamiar nakamatiktikena mesarhinatinan? Neknarol nekimiar riakis?
18Nemaros nemramiar mesaihman? An nemaros nepagtelegemiar mesairouan? An nekimiar reshoan?
19Loanian ka iemerkahl bred katilum le neremim 5,000, karam kuhu remet le nemusmusin nemaiuiak? Netakani ton, Katilum katilum mekiu.
20An loanian iemerkahl bred katilum mekiu le neremim 4,000, karam kuhu remet le nemusmusin nemaiuiak? Netakani ton, Katilum mekiu.
21An netereni to ilar, Nesarhinatinan towe mene?
22An netakarua Bethsaida. An netakarir ierem nemrin rou marua ton, mamaikeikei kam in mama teriap.
23An neteros nelimi ierem nemrin rou neterir iatou le nauanu; neteragh le nemrin, mamehlau nelimin lan, netererhapuk ton, Nakamahm nar wa?
24An neteretaget mameni, Iakamahm neremim, mero in ka iakamahm ilar kama nik min kamailiwak.
25An neterehlau mun nelimin le nemrin, an neteramahm ena, an kenol ut, an neterahm naremnar min hrakak.
26An neterhalipen rakavan imwan, mameni, Tenesuenan lauanu.
27An Iesu neterier, ilar tan ieremim min, maruan le nauanu min Sesaria Filipai. An le suatu netererhapuk to tan ieremim min, maruan le nauanu min Sesaria Filipai. An le suatu netererhapuk to tan ieremim min mameni to ilar, Neremim kama io fe?
28An netakani ton, mamani, Jon ierem ramol nebaptisoan, an nevin kama Ilaija, mero nevin kama ker le profeta min.
29An netererhapuk to ilar, Mero kamiar nakama Io fe? Piter neteraram mameni ton, Ik Kristo.
30An neterenhiau ilar moma tesanian in to nar ker.
31An netererwowun mametikun ilar moma, Neri Ieremim terakeikei merou nahmean min ribor, an kapas le nerem asul mene neremera le nuhwasigenan mene nerem kamatikkun, an kuhwapnin, an mermig mun le nian ierem rol kisil.
32An netereni apu nakaran ka. An Piter neteros in netererwowun mamenhiau in.
33Mero neterhwin neterahm tan ieremim min, neterenhiau Piter, mameni, Ua muan le nematak, Setan, mero in ka nekim reshoan nar taha Wuhgin, mero nar taha neremim.
34An neteraunin ton nahuto, ilar tan ieremim min, netereni to ilar, Takama ieremim ker rolkeikei moma teroatisig in io, pas rapas tehwaga tahan, an mosit nik aluauin tahan, an meroupa io.
35Mero in ka ierem rama teros miuh atu in, terepetaken atu in, mero ierem teretaken nemihwan tahan tonio mene to nakaran ut, terepos miuh in.
36Mero in ka ravit to neta to ieremim ker terama teros petum ten uk mepetaken nemihwan tahan?
37Mero in ka neta ieremim terofen mos nemri nemihwan in tahan?
38Mero in ka ierem terepaulis in io mene nakaran tahak le nepsen neremim ouloul mene retat uk, Neri Ieremim terepaulis in mun in le nian terepua le nevitan taha Remin mene agelo ausim min.
المحددات الحالية:
Mark 8: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
