Mark 7
7
1An Farisi min mene nerem kamatikun nevin netakarhwafugen ton, nerem kamasipen Jerusalem,
2Mamaihm tan ieremim min nevin mama kamarkin bred le melimin ilar apnapen am, in ka kasaitauiluman.
3Mero in ka Farisi min mene Ju min etahun takama kasaitauiluman nelimin ilar le nian min kasaruganan; mamarol nowa te nerem asul.
4An kasipen imaim takama kasaitauiluman kasaruganan; mene naremnar min nevin mun ilar kamaros to nolan, hnapelan kap mene nevigenar mene nevige bras mene nihmawa min.
5An Farisi min mene nerem kamatikun netakaihrapuk ton, Retol taham ieremim min kasaivanan le nowa taha nerem asul, mero kamarkin bred le nelimin ilar apnapen am?
6An netereni to ilar, Aiseia rameni parhien le kamiar nerem nakamaiusit kamiar, rolkoma kamrai, Nerem uk kameikar vi kam io le hnulin ilar, Mero nekin ilar isou tonio.
7Mero kameihwak apnapen am kam io, Mamatikun nowa te neremim le netikunan tenilar.
8Neknaipas nowa Wuhgin mamarol nowa neremim.
9An netereni to ilar, Nuparhien nakamaipas nowa Wuhgin mama tenakarol nowa temiar.
10Mero in ka Moses rameni, Teneksiai remam mene inam, mene Ierem teraker tat kam remin wa inen pas remis parhien.
11Mero kamiar nakamani, Takama ieremim ker tereni to remin wa inen, Nar tenepos tonio Korban, nar kameni mok Ian Kenofen kam Wuhgin,
12Nesaipasan in rol mun nar ker kam remin wa inen,
13Mamaitag nowa Wuhgin le nowa temiar, ierem neknarofen; an naremnar min rapus nakamarol mok lan.
14An neteraunin mun nahuto ton, mameni to ilar, Aiteleg kam io, kamiar muka, marhinatin.
15Resolan moma nar ker ilua le ieremim ierem ruan le netipun resanen to netakenan in, mero nar min ieremin min kamarier le neki ieremim ilar uk kamaitaken ieremim.
16Ierem ramos nepagtelegen to nerouan, pas rerou.
17An neterua imwa mapas nahuto, an tan ieremim min netakaihrapuk ton to hnoa nakaran.
18An netereni to ilar, Kamiar mun nakatiktik? Nakasarhinatinan mama nar ilua ierem ravan le netipu ieremim resesanenan to netakenan,
19Mero in ka resuenan le nekin mero le netipun makamier mun lemehnamera. (Rameni nar uk) mahmapel naunganan min petum.
20An netereni, Nar rakamier le ieremim in rametaken ieremim.
21Mero in ka remsipe imwa le neki ieremim nar nekitil rakahmo min retat, tehwaga tat le neberavin mene naman, nakihlean,
22Hnoatil, tehwaga tat la berevin te ierapusen, nolkeikeipukan nar te ierapusen, tehwaga tat min, neiwean, nolkeikeian tehwaga tat, nemrin retat, nakartetan, nolasulan nekin, netiktikan nar.
23Naremnar min retat uk rakamsipe le nekin mametaken ieremim.
24An neterermig iken, neteramavan le nepag nemri ten Tair mene Saidon. An neteruan le nimwa ker neterolkeikei moma ieremim ker tereshinatinan, mero riakis ton moma teremelaken.
25Mero ihwe am beravin ker, ierem nanumun tat ramarik le nerin beresuas, netereterou in neterua mam le nelikin.
26An beravin ierem Krik, neraman Sairofenisia. An netererhapuk ton moma terhaliatou nanumun tat le nerin beresuas.
27An netereni ton, Pas kova min kaiupan marhepus; mero in ka resevitan moma tokos bred taha kova min melakpen in kam kuri min.
28Mero neteraram mameni ton, Nuparthien, Ieremera, mero kuri min lahau te tebel kamarkin nemusmusi bred taha Kova min.
29An netereni ton, Mero in ka le nakaran uk, uan, nanumun tat reknier le nerum beresuas.
30An neteruan le nimwa tahan, neterahm beresuas rakamel le nihmawa, an nanumun tat reknier.
31An neterier mun le nepagnemri ten Tair, neterua mier Saidon, mier pa le tehe Kalili, neterua mier le neki nepag nemri ten Dekapolis.
32An netakaros ieremim ker marua ton nepagtelegen ralu an rakar mepkapuk, netakamaikeikei kam in mama terehlau nelimin lan.
33An neteririta in to nahuto ilau pusen am, neterofen nowanelimin le nepagtelegen, an neteragh mamiap namin.
34An neteretaget le neai mamigahl; an netereni ton, Efatha, nar kameni mok, pas tapetita ik.
35An nepagtelegen kenetita, an nar ramelis namin rikneris, an neteramakar ut.
36An netereni hmahma to ilar moma tesanian to nar ker; mero rolkoma ramenhiau to ilar hol mok lan ilar kapamani asul aken ena.
37An nanumun ilar neterakamuka aken, netakani, Reknol naremnar min ravit am, ramol nerem nepagtelegen ilar ralu kamairou nar, an nerem katiktik nakaran amol kameikar.
المحددات الحالية:
Mark 7: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
