Mark 12
12
1An netererwowun mameni to ilar le hnoa nakaran, Ieremim ker rahmau nasuman le vain, an neteretik napar riko in, an neteril nimil to navitan nowa vain, an neterol nimwa asul ton, an neterofen kam nasum, an neteruan le ten pusen ker.
2An nian vi neterua neterhalipen iolatkokun nar ruan to nasum, moma teros nowa vain to nasum.
3An netakaros in mamahro mahilita resosan nar.
4An neterhalipen mun iolatkokun nar ker mun ruan to ilar, an netakahro in le tenkapa mamarol naulisan ton.
5An neterhalipen ker mun; an netakarhwapnin in; an nevi mun, netakahro nevin, an netakarhwapnin nevin.
6An karena am remarik ton, nerin keikei, neterhalipen in roatisig aken to ilar mameni, Tepasiai Neruk.
7Mero nasum ka netakani to ilar min, mama, In uk ierem nasuman terepol tahan in, ita pas kahro in, an nasuman terepol tetar in.
8An netakaros marhwapnin in, an netakailakiatou in ilua le nasuman.
9Neta ieremera le nasuman terepol? Terepua nuhwapnin nasum ka, an terepofen nasuman kam nerapusen.
10Nemesaihwinan nawowa uk, Kapiel ierem nerem kamarol nimwa kamaipas, in uk kenol ieremera le nikalin.
11Nar uk remsipe le Ieremera, an ravitipuk le nemritar.
12An netakamaitkoigen mama takarhiapatin, mero kamarignin nahuto; mero in ka karhinatin mama rameni hnoa nakaran to ilar. An netakaipas in mamaruan.
13An netakahilipen ton Farisi min nevin mene neremim nevin taha Herod mama takarhiapatin in le nakaran.
14An netakarua mamani ton, Ietikun, iakarhinatin mama nakaparhien meseniapkisan ieremim ker, mero in ka nesahmpenan nemri neremim, mero nakametikun suatu te Wuhgin le nuparhienan. Rematu tokofen nar kamosatin kam Sisar wa kapa?
15Tiakarofen wa tiesarofenan? Mero neterhinatin neiwean tenilar, netereni to ilar, Retol nakamarofenofen kam io? Aros ru peni marua mama tiakahm.
16An netakaros marua. An netereni to ilar, Nanumu fe uk mene neraian? An ilar netakani ton, Taha Sisar.
17An Iesu netereni, Arofen kam Sisar nar taha Sisar, marofen kam Wuhgin nar taha Wuhgin. An nanumun ilar neterakamuka ton.
18An Sadiusi min netakarua ton, nerem kamani mama nermigan mun le nemisan rika, an netakaihrapuk ton mamani,
19Ietikun, Moses remrai kam kamar moma takama pia ieremim ker teremis an mapas tahan beravin an nerin rika, pian terepir beravin ka an moposit nerin to pian.
20Neremim katilum mekiu nereri ieremim karena; an ierem aupan remir beravin an neteremis, nerin rika.
21An ierem rol kiu neterir in, an neteremis nerin rika. An ierem rol kisil rol mun nar karena.
22An ilar katilum mekiu, nerin ilar rika. An oatisig aken le ilar min beravin mun neteremis.
23Le nermigan mun le nemisan pehe le ilar terol nuain lan? Mero in ka ilar katilum mekiu kamamaros in to nuain ilar.
24Iesu netereni to ilar, Resolan moma le nar uk kamiar nakamaipitetel mero in ka nakatiktik nawowa mene nesaneanan taha Wuhgin.
25Mero in ka le nian tepairmig mun le neki nerem kamaremis tesairoean an tepesofenan le neroean; mero takarol kama agelo min le neai.
26An le nerem kamaremis moma takairmig mun nemesaihwinan le nawowa Moses remrai le nik, moma Wuhgin rameni ton, moma, Io Wuhgin te Ebraham mene Wuhgin te Aisak mene Wuhgin te Jecob.
27Resolan moma in Wuhgin te nerem kamaremis, mero te nerem kamarmiuh. Nakamatiktik aken nar.
28Ker le nerem kamatikun neterua, netererou ilar kameihrapuk to ilar min, an neterhinatin moma ramaram vi to ilar, netererhapuk ton, Ierem petuan nowa iraupan le ilar min?
29Iesu neteraram, Iraupan uk, Airou, Israel, Ieremera in Wuhgin tetar, Ieremera in karena,
30An tenepolkeikei Ieremera taham Wuhgin le nekim etahun, mene le nemihwan etahun taham, mene le nar min nekim rakahmo, mene nesanenan petum taham.
31An ieroupen uk, Tenepolkeikei tamiel kama ik atu mene. Resolan moma nowa ker mun iribor le ierem mil uk.
32An ietikun netereni ton, Ravit, Iietikun, nakameni parhien, in am karena an resolan moma ker mun mero in am.
33An nolkeikeian in le nekin etahun mene le hninatinan etahun mene le nesanenan petum, mene nolkeikeian taniel kama in atu mene, iravit le nuvanakruan natipun mene nuhwasigenan min etahun.
34An Iesu netererou moma ramaram ton le nalbakauan, netereni ton, Resolan moma ik isou to niko te Wuhgin. An neremim min kamarigen to nehrapukan mun ton.
35An Iesu neteraram mameni le netikunan tahan le nimwa ahwak, Retol nerem kamatikun kama Kristo Neri Devid?
36Devid in atu rameni le Nanumun Ausim, Ieremera rameni to Ieremera tahak, Owata le nelimok matu, meroatis tiapol tikimer min taham lahau le nelikam.
37Devid in atu rameni moma in Ieremera; an teretua mol nerin lan? An nahuto puk netakairou in le nagienan.
38An netereni le netikunan tahan, Amairou ena kamiar to nerem kamatikun, nerem karolkeikei nuenan le napen apahm, mene nakarvian imaim,
39Mene nihmawa aremera le nimwa ahwak, mene nihmawa aremera le nauganan,
40Nerem kamarkinita nimwa te neberan kamemis etag ilar, mameihwak apahm to nahman; ilar uk teparos netetan iribor.
41An neteramowata pen etuatu to nar kameihlau nofenan lan, an neterahm nahuto moma kamairuin mani le nar kamehlau nofenan lan. An nevin nauta tenilar ribor kamairuin asul.
42An beravin kamemis etag ker nauta tahan rika neterua, neteraruin nanumu mani asuas aken kiu, ilau kuauker in takeri peni ierem rol kuer.
43An neteraunin ton tan ieremim min netereni to ilar, Nuparhien tiakani to kamiar moma beran uk kamemis etag in, ierem nauta tahan rika, reknaruin mani iribor le neremim min petum kamairuin mani le nar kamehlau nofenan lan.
44Mero n ka ilar min le nauta asul tenilar kamairuin, mero in le navantetan tahan ramaruin petum naunin mani tahan, petum nar ramarik lan.
المحددات الحالية:
Mark 12: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
