Mark 11
11
1An netakarua iwaket to Jerusalem to Bethpej mene Bethani le Towar Oliv min; an neterhalita tan ieremim mil kiu,
2An netereni to ilau, Iavan to nauanu etuatu to kamilau, an ihwe am nekiava lauanu tenepuahm as asuas kameruatin, ierem ieremim ker ramesowatean lan; iarisin miair miava.
3An takma ieremim ker tereni to kmilau, Nakamiaol nar un tona? Tenukuani, Ieremera rolkeikei in. An ihwe am terefhalipa mun ikenuk.
4An netikiavan muahm as asuas kameruatin le nausilua ilua le suatu. An netikiarisin in.
5An nevin le nerem kamailil iken netakani to ilau, Neta un nakamiaol mamiarisin as asuas?
6An ilau netukuani to ilar kama in ka Iesu rameni; an netakaruata le ilau.
7An netikiair as asuas miava to Iesu; an netakaihlaupen nar kamarviu ilar lan, an neterowata lan.
8An neremim nevin karevi nar kamarviu ilar lan le suatu; an nevin karevi numali nik ierem min kameirai lemehnamera.
9An nerem kamaiupan mene nerem kamaiuatisig netakamaisak, Hosana, Ierem keikei ierem rakava le netige Ieremera.
10Niko keikei ierem rakava, niko taha Devid remitar. Hosana iles aken.
11An neterua Jerusalem le nimwa ahwak, neteramahmena naremnar min, an mero in ka reknapinap neterier muan Bethani ilar nerem katilum katilum mekiu.
12An lauk in netakarier le Bethani, an neteremek.
13An neterahm nihm ramail isou le numalin, neterua moma takamol terahm nar ker lan, an neterua ton mesahman nar ker mero numalin am, mero in ka resolan moma nian te nowa nihm.
14An neteraram mameni ton, Pas ieremim ker reskinan nowam tonik towe mene lenowa nu min. An tan ieremim min netakairou.
15An netakarua Jerusalem. An neteruan le nimwa ahwak, netererwowun mahmaliatou nerem kamaiura mene nerem kamaros nemri nar le nimwa ahwak, an neterahwin tebel te nerem kamtain mani, mene nar kamowata lan te nerem kamaiura in nemenuk.
16An neteresapasan ieremim ker teros nevigenar mua mier le nowa nimwa ahwak.
17An neterametikun mameni to ilar, Kamesraian moma, Tahak nimwa tepeni moma nimwa te nahwakan to nahuto min? Mero kamiar neknarol in nepag te nakihla.
18An neremera le nuhwasigenan mene nerem kamatikun netakairou, an netakamaitkoigen mama takatuahro in; mero in ka kamarignin in, mero in ka nahuto etahun kamaisak to netikunan tahan.
19Au lehnaiu neterua netakarier ilua le nauanu.
20An netakarua maruan lakapnipin netakaihm nihm riknimer petum le nukin.
21An Piter nekin neterakahmo netereni ton, Rabi, ahm ru nihm ierem nemakar tat kam in riknimer.
22An Iesu neteraram meni to ilar, Ani nuparhienan le Wuhgin.
23Nuparhien tiakani to kamiar, ierem tereni to towar uk, Tuklesit ik kalakiatou in le tamite, an teresenian neiwean le nekin mero tereni nuparhienan lan moma nar rameni tapol, tapol kam in.
24Mero in ka le nar uk tiakani to kamiar, Naremnar min nakameihwak ton mameihrapkin, ani nuparhienan lan, mama neknaros, an tapol to kamiar.
25An takama nakamailil mameihwak, takama nakamarol niehma kam ieremim ker arosita tehwaga tat tahan, moma Remimiar mun ierem le neai tereposita to kamiar tehwaga tat temiar.
26Mero takama tenesarositean, Remimiar ierem le neai terepesositean tehwaga tat temiar.
27An netakarua mun Jerusalem. An neteramaliwak le nimwa ahwak, an neremera le nuhwasigenan mene nerem kamatikun mene nerem asul netakarua ton,
28An netakani ton, Nesanenan ierem petuan nakamol nar uk lan? Wa pehe ramofena nesanenan uk kam ik to nolan nar min uk.
29An Iesu netereni to ilar, Tiapehrapuk to kamiar nakaran karena, an tenakairam tonio, an tiapeni to kamiar moma nesanenan ierem petuan iakamol nar min uk lan.
30Nebaptisoan te Jon remsipe le neai wa remsipe le neremim? Airam tonio.
31An netakameikar kam ilar min, mamani, Takama takani, Le neai, terepeni, An retol nesanian nuparhienan lan?
32Mero takama takani, Le neremim, kamarignin nahuto; mero in ka neremim min petum kamani nuparhienan le Jon mama in profeta.
33An netakairam to Iesu mamani, Iakatiktik. An Iesu netereni to ilar, Io mun tiesenian to kamiar moma nesanenan ierem petuan iakamol nar min uk lan.
المحددات الحالية:
Mark 11: LEN1902
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the British and Foreign Bible Society in 1902, reprinted in 1935.
