Chenesis 10
10
1Ilʋppak osh Noah ushi ʋhleha, Shem, Ham, micha Chafelh aiena ka̱ isht annoa holisso hoke: yohmi ka̱ yʋmmak okʋt oka falama ʋt a̱ya ha yak o̱ ushi ʋt im aiasha tok.
2Chafelh ushi ʋhleha hʋt, Kome, micha Makok, micha Matai, micha Chafan, micha Tubal, micha Meshek, micha Tilas ak atok.
3Mikma Kome ushi ʋhleha hʋt, Ashkenas, micha Lifalh, micha Tokamah ak atok.
4Mikma Chafan ushi ʋhleha hʋt, Elishah, micha Tashish, Kittim, micha Totanim ak atok.
5Yakohmi kak osh i̱ yakni Chentail i̱ yakni tashaiyi puta ka̱ ilap aiokla achʋfa im anumpa achʋfa cha, in chuka achʋfa ishtatiaka aiyukalit ita kʋshkoa tok.
6Mikma Ham ushi ʋhleha hʋt Kush, micha Mislaim, micha Fut, micha Kenan ak atok.
7Mikma Kush ushi ʋhleha hʋt Seba, micha Hafilah, micha Sabtah, micha Laamah, micha Sabteka ak atok: mikma Laamah ushi ʋhleha hʋt Sheba micha Tetan ak atok.
8Mihma Kush ʋt Nimlot a̱ tobachi tok: atok o̱ yʋmmak osh hatak palʋmmi tobʋt ishit ma̱ha̱ya tok.
9Chihowah itikba ya̱ hatak owʋtta fehna yosh ahanta tok: yohmi tok mak o̱ hatak owʋtta fehna mak osh Chihowah itikba hikia Nimlot atok mak o̱ chohmi hoke, achi beka tok.
10Yohmi ka̱ im apehlichika ishtia ʋmmona kʋt Shina yakni taloha Babel, micha Elek, micha Akkat, micha Kalneh ak atok.
11Yakni yʋmmak o̱ Asha ʋt kohchʋt ia hosh Ninefeh, micha tʋmaha holihta Lehobolh, micha Kalah ya̱ ikbi cha,
12Ninefeh, micha Kalah iti takla ak o̱ Lesen a̱ ai ikbi tok: mih mak osh tʋmaha holihta chito atok.
13Mihma Mislaim ʋt Lutim, micha Anamim, micha Lehabim, micha Naftuhim,
14Micha Pahlusim, micha Kasluhim (yʋmmak o̱ Filistim okla hʋt a kohcha tok,) micha Kaftolim aiena ka̱ tobachi tok.
15Mikma Kenan ʋt ushi akni fehna Siton, micha Helh,
16Micha Chebusait, micha Amolait, micha Kikasait,
17Micha Hifait, micha Akait, micha Sinait,
18Micha Afatait, micha Semalait, micha Hamahlait aiena ka̱ tobachi tok: atuk o̱ i̱ himmakma Kenanait okla in chuka achʋfa ʋhleha hʋt ita fimimpa tok.
19Micha Kenanait okla im aiʋhli ʋt Siton a̱ ʋttʋt ia hosh Kela isht ona ka̱ ma̱ya hosh Kasa ya̱ ona tok: Sotom, micha Komolloh, micha Atmah, micha Seboim ish ia ka̱ ma̱ya hosh Lasha ya̱ ont ʋhli tok.
20Ilʋppa puta kak osh Ham ushi ʋhleha ilap in chuka achʋfa ishtatiaka aiyukali, anumpa aiachʋfa, okla talohʋt ilap i̱ yakni aiyukali aiasha mak oke.
21Mihma Ebe im ʋlla ʋhleha moma ka̱ i̱ki, akni Chafelh a̱ itibapishi Shem ak kia ʋlla ʋt im aiasha tok.
22Shem im ʋlla ʋhleha hʋt Elam, micha Asshu, micha Afaksat, micha Lut, micha Alam ak atok.
23Mikma Alam im ʋlla ʋhleha hʋt Us, micha Hul, micha Kehle, micha Mash ak atok.
24Mihma Afaksat ʋt Salah ya̱ tobachi tok: mihma Salah hʋt Ebe ya̱ tobachi tok.
25Atuk o̱ Ebe ʋt ushi tuklo hosh im ashwa tok: achʋfa kʋt hohchifo kʋt Pelek atok: yʋmma i̱ nitak ak o̱ yakni ʋt itakʋshkoa tok: mikma itibapishi hohchifo kʋt Choktan atok.
26Mihmʋt Choktan ʋt Almotat, micha Shelef, micha Hasamafelh, micha Chelah,
27Micha Hatolam, micha Usal, micha Tiklah,
28Micha Obal, micha Abimael, micha Sheba,
29Micha Ofa, micha Hafilah, micha Chobab aiena ka̱ tobachi tok: ilʋppa puta kak osh momʋt Choktan a̱ ushi ʋhleha hatok.
30Mihmʋt abinili kʋt Mesha ak o̱ aiʋhlit ia hosh, hʋshi akochaka nʋnih Sefa ak o̱ ont ai ʋhli tok.
31Ilʋppa puta kak osh Shem ushi ʋhleha ilap in chuka achʋfa ishtatiaka aiyukali, anumpa aiachʋfa okla talohʋt ilap i̱ yakni aiyukali aiasha mak oke.
32Ilʋppa puta kak osh Noah im ʋlla ʋhleha in chuka achʋfa puta ilap ishtatiaka aiyukali okla taloha mak oke: micha oka falama ʋt a̱ya ha ya̱ ilʋppa puta tok ak o̱ oklushi puta kʋt yakni ya̱ itakʋshkoa tok.
المحددات الحالية:
Chenesis 10: CHH
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Published by the American Bible Society 1848-1886, reprinted 1913
