Genesis 5
5
Edduullu dda Adamu
(1 Epi 1.1-4)
1 #
Gen 1.27,28 Nna sika ntthopoollo ya edduullu dda Adamu. (Mulluku voomuphatusani muthu, amuphatusalle moophwanaphwana ni olliyooyo. 2#Mat 19.4; Mrk 10.6Ahaaphatusa mullopwana ni mutthiyana nave ahaadalisa ni waavaha nnddina nawi, “Muthu”). 3Adamu ari ni miyakha 130 aamuyara mwaana oophwanaphwana ni olliye, nnddina naye Seti. 4Vatulli viwa Adamu aakhalla ni okumi miyakha ddimodda 800. Ahaayarattho anamwani amodda aallopwana ni aatthiyana. 5Sika Adamu aakhwa ari ni miyakha 930.
6Seti ari ni miyakha 105 aamuyara Enoshi. 7Vatulli viwa aakhalla ni okumi miyakha ddimodda 807. Ahaayarattho anamwani amodda aallopwana ni aatthiyana. 8Sika Seti aakhwa ari ni miyakha 912.
9Enoshi ari ni miyakha 90, aamuyara Kenani. 10Vatulli viwa aakhallattho ni okumi miyakha ddimodda 815. Ahaayarattho anamwani amodda aallopwana ni aatthiyana. 11Sika Enoshi aakhwa ari ni miyakha 905.
12Kenani ari miyakha 70, aamuyara Mahalalele. 13Vatulli viwa aakhallattho ni okumi miyakha ddimodda 840. Ahaayarattho anamwani amodda aallopwana ni aatthiyana. 14Sika Kenani aakhwa ari ni miyakha 910.
15Mahalalele ari ni miyakha 65, aamuyara Yaredi. 16Vatulli viwa aakhallattho ni okumi miyakha ddimodda 830. Ahaayarattho anamwani amodda aallopwana ni aatthiyana. 17Sika Mahalalele aakhwa ari ni miyakha 895.
18Yaredi ari ni miyakha 162, aamuyara Enoki. 19Vatulli viwa aakhallattho ni okumi miyakha ddimodda 800. Ahaayarattho anamwani amodda aallopwana ni aatthiyana. 20Sika Yaredi aakhwa ari ni miyakha 962.
21Enoki ari ni miyakha 65, aamuyara Metusela. 22Enoki ahaattana ni Mulluku nave aakhalla ni okumi miyakha ddimodda 300. Ahaayarattho anamwani amodda aallopwana ni aatthiyana. 23Mallapo mattheene a okumi a Enoki yaari 365. 24#Ahe 11.5; Yuda 1.14Olliye ahaattana ni Mulluku mu okumaaye muttheene. Nave Enoki khaawooneyillettho, ekaamba yawi Mulluku aamukusa.
25Metusela ari ni miyakha 187, aamuyara Lameki. 26Vatulli viwa aakhallattho ni okumi miyakha ddimodda 782. Ahaayarattho anamwani amodda aallopwana ni aatthiyana. 27Sika Metusela aakhwa ari ni miyakha 969.
28Lameki ari ni miyakha 182, aamuyara mwaana, 29nave aallota wi, “Mwaana yoolla aneeronivevulla o mitteko ddahu ddoovoreyanndda ddoollima ethaya eyo yatembeleliwe ni Apwiya.” Sika mwaanooyo yaamuvaha nnddina nawi Nowa.#5.29 Nowa: Nnddina nenna niniiweya wonanko na Eheberi nno ninattaphullella ovevulla o ddoovoreya. 30Vatulli viwa Lameki aakhallattho ni okumi miyakha ddimodda 595. Ahaayarattho anamwani amodda aallopwana ni aatthiyana. 31Sika Lameki aakhwa ari ni miyakha 777.
32Nowa ari ni miyakha ddookhwaranya 500, ahaayara anamwani aallopwana araru, Shemu, Hamu ni Yafeti.
المحددات الحالية:
Genesis 5: MW2019
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
The Bible in Elhomwe © The Bible Society of Malawi, 2019.
