ڢَارَوَ 27
27
يَعْڧُوبَ يَا ڨُوثٜىٰ أَلْبَرْكَرْ إِسُوَ
1أَنَانً سَعَدَّ إِسْحَٰڧَ يَڟُوڢَ، عِدَنُونْسَ كُمَ بَاسَ عِيَ غَنِ سَبُواْدَ ڟُوڢَرْسَ، سَيْ يَكِرَا إِسُوَ طَنْسَ نَڢَارِ يَثٜىٰ مَسَ «طَانَ!»
سَيْ إِسُوَ يَثٜىٰ «غَا نِے نَنْ؞»
2إِسْحَٰڧَ يَا ثٜىٰ «غَاشِ، نَڟُوڢَ، بَنْ سَنْ رَانَرْ مُتُوَتَبَ؞ 3تُواْ، سَيْ كَطَوْكِ كَايَنْ ڢَرَوْتَرْكَ، وَتُواْ بَكَنْكَ دَ كِبِيَرْكَ، كَتَڢِے دَاجِ، كَنٜىٰمُواْ مِنِ نَامَ؞ 4كَشِرْيَ مِنِ عَبِنْثِ مَيْ دَاطِے دَشِ، إِرِنْ وَنْدَ نَكٜىٰسُواْ، كَكَٰوُاْ مِنِ إِنْثِ، دُواْمِنْ إِنْسَا مَكَ أَلْبَرْكَ تَمُسَمَّنْ كَاڢِنْ إِنْمُتُ؞»
5أَشٜىٰ رِڢْكَتُ تَنَجِ لُواْكَثِنْ دَ إِسْحَٰڧَ يَكٜىٰ مَغَنَ دَ إِسُوَ؞ دُواْمِنْ حَكَ، سَعَدَّ إِسُوَ يَتَڢِے دَاجِ نٜىٰمَنْ نَامَنْ، 6سَيْ رِڢْكَتُ تَثٜىٰ وَطَنْتَ يَعْڧُوبَ «نَجِ بَابَنْكَ يَنَ ثٜىٰوَ طَنْعُوَنْكَ إِسُوَ 7يَتَڢِے يَكَٰوُاْ مَسَ نَامَنْ ڢَرَوْتَ، يَشِرْيَ مَسَ عَبِنْثِ مَيْ دَاطِنْ دَ ذَيْثِ، يَسَا مَسَ أَلْبَرْكَ أَغَبَنْ يَهْوٜىٰهْ كَاڢِنْ يَمُتُ؞ 8سَبُواْدَ حَكَ، كَيْ طَانَ، كَسَوْرَرَتَ دَݣَوْ كَيِ أَبِنْدَ ذَنْڢَطَا مَكَ؞ 9كَتَڢِے ثِكِنْ غَرْكٜىٰنْ أَوَكِ كَكَمُواْ مِنِ ڧأَنَانً أَوَكِ بِيُ مَاسُ ݣَوْ؞ ذَنْشِرْيَ عَبِنْثِ مَيْ دَاطِے دَسُو دُواْمِنْ بَابَنْكَ، إِرِنْ وَنْدَ يَكٜىٰسُواْ؞ 10كَيْ كُوَ ذَاكَطَوْكِ عَبِنْثِنْ كَكَيْ وَبَابَنْكَ يَثِ، دُواْمِنْ يَسَا مَكَ أَلْبَرْكَ كَاڢِنْ يَمُتُ؞»
11عَمَّا يَعْڧُوبَ يَثٜىٰ وَمَامَرْسَ رِڢْكَتُ؞ «دُوبَ! طَنْعُوَنَ يَنَدَ غَاشِنْ جِكِے، نِے كُمَ ڢَتَرْ جِكِينَ سُمُلْثٜىٰ؞ 12وَتَڧِيلَ بَابَنَ ذَيْ تَتَّٻَنِ يَغَانٜىٰ، ذَيْ ڟَمَّنِ إِنَ رُوطِنْسَ نٜىٰ؞ مَيْمَكُواْ إِنْسَامِ أَلْبَرْكَ، سَيْ إِنْجَٰوُاْوَ كَيْنَ لَعَنَ؞»
13سَيْ مَامَرْسَ رِڢْكَتُ تَثٜىٰمَسَ «بَرِ لَعَنَرْكَ تَذُواْ كَيْنَ؞ كَيْ دَيْ كَسَوْرَرَ أَبِنْدَ نَكٜىٰ ڢَطَا مَكَ كَجٜىٰ كَكَٰوُاْ مِنِ؞» 14يَاتَڢِے يَكَمُواْسُ يَكَٰوُاْوَ مَامَرْسَ؞ مَامَرْسَ كُوَ تَشِرْيَ عَبِنْثِ مَيْ دَاطِے دَيْدَيْ إِرِنْ وَنْدَ بَابَنْسَ يَكٜىٰسُواْ؞ 15سَعَنً رِڢْكَتُ تَاطَوْكِ رِيغُنَ مَڢِے ݣَوْ نَ إِسُوَ، طَنْتَ نَڢَارِ، وَطَنْدَ سُكٜىٰ أَ حَنُّنْتَ أَغِدَنْ، سَيْ تَسَاوَ يَعْڧُوبَ، طَنْتَ ڧَرَمِ؞ 16سَيْ تَمَنّٜىٰ غَاشِنْ عَكُيَ أَ حَنُّوَنْسَ دَ وُيَنْسَ عِنْدَ بَا غَاشِ؞ 17سَعَنً تَسَا عَبِنْثِ مَيْ دَاطِنَّنْ تَرٜىٰدَ غُرَاسَرْ دَ تَشِرْيَ أَ حَنُّنْ يَعْڧُوبَ؞
18سَيْ يَتَڢِے وُرِنْ بَابَنْسَ يَثٜىٰ «بَابَنَ!»
سَيْ إِسْحَٰڧَ يَأَمْسَ «غَا نِنَنْ! وَنّٜىٰ طَانَ نٜىٰ كَيْ؟»
19يَعْڧُوبَ يَا أَمْسَ «نِنٜىٰ إِسُوَ طَنْكَ نَڢَارِ؞ نَيِ يَدَّ كَڢَطَا مِنِ؞ يَنْذُ كَتَاشِ كَثِ نَامَنْدَ نَكَمُواْ دُواْمِنْ كَسَا مِنِ أَلْبَرْكَ تَمُسَمَّنْ؞»
20عَمَّا إِسْحَٰڧَ يَثٜىٰ وَطَنْسَ «يَيَ عَكَيِ كَسَامُ دَ سَوْرِ حَكَ، طَانَ؟»
يَعْڧُوبَ يَأَمْسَ يَثٜىٰ «أَيْ، سَبُواْدَ يَهْوٜىٰهْ اللَّهْ نْكَ يَا بَانِ نَصَرَا؞»
21إِسْحَٰڧَ يَثٜىٰ وَ يَعْڧُوبَ «ذُواْ كُسَ دُواْمِنْ إِنْتَٻَكَ، طَانَ، إِنْسَنِ كُواْ دَ غَسْكٜىٰ طَانَ إِسُوَ نٜىٰ كُواْ كُوَ بَشِيبَنٜىٰ؞» 22سَيْ يَعْڧُوبَ يَمَاڟَ كُسَدَ بَابَنْسَ، إِسْحَٰڧَ؞ إِسْحَٰڧَ كُوَ يَاتَتَّٻَ شِ، سَعَنً يَثٜىٰ «مُرْيَرْ، مُرْيَرْ يَعْڧُوبَ نٜىٰ، عَمَّا حَنُّوَنْ، حَنُّوَنْ إِسُوَ نٜىٰ؞» 23بَيْغَانٜىٰ دَ يَعْڧُوبَ بَ، سَبُواْدَ حَنُّوَنْسَ سُنَدَ غَاشِ كَمَرْ نَ إِسُوَ؞ سَبُواْدَ حَكَ دَ ذَيْسَا مَسَ أَلْبَرْكَ، 24يَسَاكٜىٰ تَمْبَيَرْسَ يَثٜىٰ «دَغَسْكٜىٰ كَيْنٜىٰ طَانَ إِسُوَ؟»
سَيْ يَعْڧُوبَ يَأَمْسَ يَثٜىٰ «عِ، نِنٜىٰ؞»
25سَعَنً إِسْحَٰڧَ يَثٜىٰ «تُواْ، كَكَٰوُاْ نَامَنْدَ كَدَڢَ، دُواْمِنْ إِنْثِ نَامَنْ ڢَرَوْتَرْ طَانَ، إِنْسَامَكَ أَلْبَرْكَ تَمُسَمَّنْ؞» سَيْ يَكَٰوُاْ مَسَ يَثِ؞ يَكُمَ كَٰوُاْ مَسَ ضُوً إِنَبِے يَشَا؞ 26سَعَنً بَابَنْسَ إِسْحَٰڧَ يَثٜىٰ مَسَ «ذُواْ كُسَ كَيِمِنِ سُمْبَ، يَا طَانَ؞» 27يَعْڧُوبَ يَمَڟُواْ كُسَ يَيِ مَسَ سُمْبَ؞ دَ إِسْحَٰڧَ يَسَنْسَنَ يَجِ ڧَنْشِنْ رِيغُنَنْسَ، سَيْ يَسَامَسَ أَلْبَرْكَ يَثٜىٰ،
«دُوبَ، ڧَنْشِنْ طَانَ
يَنَ كَامَ دَ ڧَنْشِنْ ڢِيلِنْ دَاجِ،
دَاجِنْ دَ يَهْوٜىٰهْ يَيِوَ أَلْبَرْكَ!#إِبْرَ 11.20
28بَرِ اللَّهْ يَبَاكَ رَٻَ دَغَ سَمَ،
دَ أَرْزِڧِنْ ڧَسَا،
تَرٜىٰدَ يَوَنْ حَڟِ دَ ضُوً إِنَبِے؞
29بَرِ ڧَبِيلُ سُيِ مَكَ حِدِمَ،
أَلْعُمَّيْ كُمَ سُدُرْڧُسَ مَكَ؞
بَرِ كَذَمَ شُوغَبَنْ یَنْعُوَنْكَ،
یَیَنْ مَامَرْكَ سُدُرْڧُسَ مَكَ؞
وَطَنْدَ سُكَ لَعَنْتَكَ،
بَرِ أَلَعَنْتَسُ؞
وَطَنْدَ سُكَ أَلْبَرْكَثٜىٰكَ،
بَرِ عَ أَلْبَرْكَثٜىٰسُ؞»#ڢَارْ 12.3
30دَظَرَرْ إِسْحَٰڧَ يَاغَمَسَا وَ يَعْڧُوبَ أَلْبَرْكَ، يَعْڧُوبَ كُوَ يَنَ ڢِتُواْوَ دَغَ غَبَنْ بَابَنْسَ كٜىٰنَنْ، سَيْغَا إِسُوَ طَنْعُوَنْسَ يَاكُواْمُواْ دَغَ ڢَرَوْتَ؞ 31شِمَا يَاشِرْيَ عَبِنْثِ مَيْ دَاطِے يَاكَيْوَ بَابَنْسَ؞ سَيْيَثٜىٰ وَبَابَنْسَ «بَابَنَ تَاشِ كَثِ دَغَ ڢَرَوْتَتَ، دُواْمِنْ كَسَا مِنِ أَلْبَرْكَ تَمُسَمَّنْ؞»
32سَيْ بَابَنْسَ إِسْحَٰڧَ يَثٜىٰ مَسَ «وَنٜىٰنٜىٰ كَيْ؟»
يَأَمْسَ يَثٜىٰ «نِنٜىٰ إِسُوَ، طَنْكَ نَڢَارِ؞»
33سَيْ ضَوَرْ جِكِے تَطٜىٰبِے إِسْحَٰڧَ سُواْسَيْ، يَثٜىٰ «تُواْ، وَنٜىٰنٜىٰ وَنَّنْ دَ يَڢَرَوْتُواْ نَامَ يَكَٰوُاْ مِنِ كَاڢِنْ كَذُواْ، حَرْ نَثِنْيٜىٰ نَسَ مَسَ أَلْبَرْكَ؟ عِ، بَابُ شَكَّ ذَيْ ذَمَ مَيْ أَلْبَرْكَ!»
34دَ إِسُوَ يَجِ كَلْمُواْمِنْ بَابَنْسَ، سَيْ يَيِ إِيهُ دَ كُوكَا مَيْ ڟَنَنِ دَ بَڧِنْ ثِكِ مَيْ يَوَ؞ يَثٜىٰ وَبَابَنْسَ «كَسَ مِنِ أَلْبَرْكَ! نِے مَا، كَسَا مِنِ أَلْبَرْكَ، يَا بَابَنَ!»
35عَمَّا بَابَنْ يَثٜىٰ «طَنْعُوَنْكَ يَاذُواْ دَمَكِرْثِ يَاڨُوثٜىٰ أَلْبَرْكَرْكَ؞»
36إِسُوَ يَثٜىٰ «أَيْ دَيْدَيْنٜىٰ عَكٜىٰثٜىٰدَشِ يَعْڧُوبَ؞#27.36 يَعْڧُوبَ: دَ إِبْرَانِيَنْثِ يَدَّ عَكٜىٰڢَطِنْ وَنَّنْ كَلْمَ، عَكَنْجِتَ كَمَرْ كَلْمَ مَيْ مَعَنَ «مَكِرْثِ؞» غَمَا يَيِ مِنِ ڨُوثٜىٰ حَرْ سَوْ بِيُ؞ يَا ڨُوثٜىٰ مَڟَيِنَ نَذَمَنْ طَنْ ڢَارِ، غَاشِ كُمَ يَنْذُ يَاڨُوثٜىٰ أَلْبَرْكَتَ؞» سَعَنً يَثٜىٰ وَبَابَنْ «بَابُ سَوْرَنْ أَلْبَرْكَرْ دَ كَضَغٜىٰ دُواْمِنَ؟»
37إِسْحَٰڧَ يَثٜىٰ وَ إِسُوَ «نَارِغَا نَامَيْدَشِ شُوغَبَنْكَ؞ نَكُمَ بَاشِ دُكَنْ یَنْعُوَنْسَ سُذَمَ مَاسُ حِدِمَرْسَ دَ حَڟِ دَ ضُوً إِنَبِے، وَتُواْ دُكَنْ أَبِنْ بِيَنْ بُڧَاتَرْ رَايُوَا؞ تُواْ، مٜىٰ كُمَ ذَنْيِمَكَ، طَانَ؟»
38إِسُوَ يَثٜىٰ «بَابَنَ، أَلْبَرْكَ غُدَا كَطَيْ كَكٜىٰ دَ عِتَ؟ نِے مَا، كَسَا مِنِ أَلْبَرْكَ، يَا بَابَنَ!» سَيْ إِسُوَ يَطَغَ مُرْيَرْسَ يَيِ كُوكَا؞#إِبْرَ 12.17
39سَعَنً بَابَنْسَ إِسْحَٰڧَ يَأَمْسَ يَثٜىٰ،
«غَاشِ، غِدَنْكَ ذَيْ يِنٜىٰسَ دَ أَرْزِڧِنْ ڧَسَا،
أَمْڢَانِنْ رَٻَرْ سَمَ ذَاتَيِ نٜىٰسَ دَكَيْ؞
40تَوُرِنْ تَكُواْبِنْكَ ذَاكَرَايُ،#ڢَارْ 36.8؛ 2 سَرْ 8.20
ذَاكَ بَوْتَاوَ طَنْعُوَنْكَ؞
عَمَّا سَعَدَّ كَٻَلّٜىٰ،
ذَاكَكَرْيَ غُنْغُمٜىٰنْ دَنِّيَرْسَ دَغَ كَنْكَ؞»
41إِسُوَ كُوَ يَاڧِ جِنِنْ يَعْڧُوبَ سَبُواْدَ أَلْبَرْكَرْ دَ بَابَنْسَ يَسَامَسَ؞ إِسُوَ يَيِ تُنَانِ ثٜىٰوَ «ݣُونَكِنْ مَكُواْكِنْ مُتُوَرْ بَابَنَ سُنْيِ كُسَ؞ سَعَنً ذَنْكَشٜىٰ طَنْعُوَنَ يَعْڧُوبَ؞»
42عَمَّا دَ عَكَ ڢَطَا وَ رِڢْكَتُ غَمٜىٰدَ شِرِنْ إِسُوَ، سَيْ تَعَيْكَ عَكِرَا يَعْڧُوبَ؞ تَاثٜىٰمَسَ «طَنْعُوَنْكَ إِسُوَ، يَنَ ݣُونْتَرْدَ ذُوثِيَارْسَ دَ تُنَانِنْ يَكَشٜىٰكَ؞ 43يَنْذُ، طَانَ كَجِ مَغَنَاتَ؞ تَاشِ نَنْ دَنَنْ كَغُدُ ذُوَا وُرِنْ لَبَنْ طَنْعُوَنَ أَ هَرَنْ؞ 44كَذَوْنَ دَشِ تُكُنَ، سَيْ ذَاڢِنْ رَيْ نَطَنْعُوَنْكَ يَا ݣُونْتَ، 45حَرْ سَيْ ڢُشِنْسَ يَا ݣُونْتَ يَا كُمَ مَنْتَادَ أَبِنْدَ كَيِمَسَ؞ بَايَنْ حَكَ ذَنْعَيْكَ إِنْكِرَاكَ كَدَاوُاْ غِدَا؞ دُوانْمٜىٰ ذَنْرَسَ یَیَنَ بِيُ أَ رَانَ غُدَا؟»
46سَيْ رِڢْكَتُ تَثٜىٰ وَ إِسْحَٰڧَ «نِے ڢَا نَاغَجِ دَ مَاتَا هِتِّيَاوَنَّنْ؞ عِدَنْ يَعْڧُوبَ شِيمَا يَا عَوْرِ طَيَ دَغَ ثِكِنْ وَطَنَّنْ، إِنَا أَمْڢَانِنْ رَيْنَ كُمَ أَغَرٜىٰنِ؟»
المحددات الحالية:
ڢَارَوَ 27: hauAS
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Hausa Common Language Ajami Bible © The Bible Society of Nigeria, 2020
