ڢَارَوَ 26
26
إِسْحَٰڧَ دَ أَبِمٜىٰلٜىٰكْ أَ غٜىٰرَرْ
1سَيْ عَكَيِ وَتَ يُنْوَ عَڧَسَرْ بَنْدَ وَدَّ عَكَيِ أَ زَامَانِنْ إِبْرَٰهِيمْ؞ سَيْ إِسْحَٰڧَ يَتَڢِے غٜىٰرَرْ وُرِنْ سَرْكِے أَبِمٜىٰلٜىٰكْ نَ ڢِلِسْتِيَاوَا؞ 2سَيْ يَهْوٜىٰهْ يَبَيَّنَ غَرٜىٰشِ يَثٜىٰ مَسَ «كَدَ كَتَڢِے ڧَسَرْ مَصَرْ، عَمَّا كَذَوْنَ عَڧَسَرْدَ ذَنْ ڢَطَا مَكَ؞ 3كَيِ ذَمَنْ بَڧُنْثِ عَڧَسَرْ نَنْ، نِے كُوَ ذَنْ كَسَنْثٜىٰ تَرٜىٰدَكَيْ، ذَنْ كُوَ أَلْبَرْكَثٜىٰكَ؞ غَمَا أَغَرٜىٰكَ دَ ذُرِيَرْكَ ذَنْبَادَ وَطَنَّنْ ڧَسَاشٜىٰ؞ ذَنْ كُمَ ثِكَ ضَنْڟُوَارْدَ نَيِ وَبَابَنْكَ إِبْرَٰهِيمْ؞#ڢَارْ 22.16-18 4ذَنْ مَيْدَ ذُرِيَرْكَ سُيِيَوَ كَمَرْ تَوْرَرِنْ سَرَرِنْ سَمَ؞ ذَنْ كُمَبَا ذُرِيَرْكَ دُكَنْ ڧَسَاشٜىٰنَّنْ؞ تَوُرِنْ ذُرِيَرْكَ نٜىٰ دُكَنْ ڧَبِيلُنْ دُونِيَا ذَاسُ ضُواْڧَا وَكَنْسُ أَلْبَرْكَ؞ 5ذَيْ كَسَنْثٜىٰ حَكَ سَبُواْدَ بَابَنْكَ إِبْرَٰهِيمْ يَيِ بِيَيَّ دَ مَغَنَاتَ، يَا كِيَايٜىٰ عُمَرْنَيْنَ دَ دُواْكُواْكِنَ دَ ڧَٰعِدُواْدِنَ دَ كُواْيَرْوَاتَا؞»
6إِسْحَٰڧَ كُوَ يَا ذَوْنَ أَ غٜىٰرَرْ؞ 7سَعَدَّ مُتَنٜىٰنْ وُرِنْ سُكَ تَمْبَيٜىٰشِ غَمٜىٰدَ مَاتَرْسَ، سَيْيَثٜىٰ یَرْعُوَرْسَ ثٜىٰ، غَمَا يَنَ ڟُواْرُواْ يَثٜىٰ عِتَ مَاتَرْسَ ثٜىٰ؞ يَنَ تُنَانِ ثٜىٰوَ مُتَنٜىٰنْ وُرِنْ ذَاسُ كَشٜىٰشِ سَبُواْدَ رِڢْكَتُ، دُواْمِنْ عِتَ ݣَكْݣَاوَا ثٜىٰ سُواْسَيْ؞#ڢَارْ 12.13؛ 20.2 8بَايَنْدَ إِسْحَٰڧَ يَا جِمَ دَ ذَمَ أَوُرِنْ، سَيْ وَتَرَانَ سَرْكِے أَبِمٜىٰلٜىٰكْ نَ ڢِلِسْتِيَاوَا يَدُوبَ تَتَغَ، سَيْ يَغَ إِسْحَٰڧَ يَنَ ضُنْغُمَرْ رِڢْكَتُ مَاتَرْسَ دَ سُواْيَيَّ؞ 9سَيْ أَبِمٜىٰلٜىٰكْ يَكِرَا إِسْحَٰڧَ يَثٜىٰ «بَاشَكَّ عِتَ مَاتَرْكَثٜىٰ! دُوانْمٜىٰ كَثٜىٰ عِتَ یَرْعُوَرْكَثٜىٰ؟»
سَيْ إِسْحَٰڧَ يَثٜىٰ مَسَ «نَيِ حَكَ غَمَا إِنَ تُنَانِ كَدَ إِنْمُتُ سَبُواْدَ عِتَ؞»
10أَبِمٜىٰلٜىٰكْ يَا ثٜىٰ «وَنٜىٰ إِرِنْ أَبُ كٜىٰنَنْ كَيِمَنَ؟ أَيْ، وَنِ دَغَ ثِكِنْ مُتَنٜىٰنَ يَنَ عِيَ ݣُونَ دَ عِتَ؞ دَا عَثٜىٰ حَكَ يَا ڢَرُ دَا كَجَٰوُاْ لَيْڢِے عَكَنْمُ؞» 11سَيْ أَبِمٜىٰلٜىٰكْ يَغَرْغَطِے دُكَنْ مُتَنٜىٰنْسَ يَثٜىٰ «دُكْ وَنْدَ يَتَٻَ مُتُمِنَّنْ كُواْ مَاتَرْسَ، ذَاعَ كَشٜىٰشِ؞»
12إِسْحَٰڧَ يَيِ شُوكَ عَڧَسَرْ، أَ شٜىٰكَرَرْ نَنْ كُمَ يَيِ غِرْبِے مَيْ يَوَ؞ يَهْوٜىٰهْ يَا أَلْبَرْكَثٜىٰشِ، 13إِسْحَٰڧَ كُوَ يَا ذَمَ مَيْ أَرْزِڧِ، يَيِ تَيَلْوَتَ حَرْ يَذَمَ بَبَّنْ مَيْ أَرْزِڧِ؞ 14يَنَ دَ غَرْكُنَنْ تُمَكِ دَ أَوَكِ دَ نَشَانُو دَ جَمَعَرْ غِدَنْسَ مَاسُيَوَ، حَرْ ڢِلِسْتِيَاوَا سُكَ ڢَارَ كِيشِنْسَ؞ 15سَيْ ڢِلِسْتِيَاوَا سُكَ ثِثِّكَ دُكَنْ رِجِيُواْيِنْ دَ دَا بَايِنْ بَابَنْسَ إِبْرَٰهِيمْ سُكَ حَڧَ؞ ڢِلِسْتِيَاوَا سُكَ تُواْتُّواْشٜىٰ دُكَنْسُ دَ ڧَسَا؞ 16سَيْ أَبِمٜىٰلٜىٰكْ يَثٜىٰ وَ إِسْحَٰڧَ «كَتَاشِ كَبَرْ ڧَسَرْمُ، غَمَا يَنْذُ كَا ڢِيمُ ڧَرْڢِے؞»
17سَيْ إِسْحَٰڧَ يَتَاشِ دَغَ وُرِنْ يَكَڢَ تٜىٰنْتِنْسَ أَ ݣُورِنْ غٜىٰرَرْ، يَيِ ذَمَنْسَ أَوُرِنْ؞ 18إِسْحَٰڧَ كُمَ يَا سَاكٜىٰ حَڧَ رِجِيُواْيِنْ دَ عَكَحَڧَ أَ زَامَانِنْ بَابَنْسَ إِبْرَٰهِيمْ، وَطَنْدَ ڢِلِسْتِيَاوَا سُكَ تُواْشٜىٰ دَ ڧَسَا بَايَنْ مُتُوَرْ إِبْرَٰهِيمْ؞ يَا كُمَ سَاكٜىٰ بَا رِجِيُواْيِنْ سُونَيٜىٰنْ دَ دَا بَابَنْسَ يَبَاسُ؞ 19مَكِيَايَ نَ إِسْحَٰڧَ سُكَ حَڧَ وَتَ رِجِيَ عَݣُورِنْ، سُكَ سَامِ ضُوَ مَيْݣَوْ؞ 20سَيْ مَكِيَايَ نَ غٜىٰرَرْ سُكَ شِغَ غَرْدَمَ دَ مَكِيَايَ نَ إِسْحَٰڧَ سُنَ ثٜىٰوَ ضُوً نَاسُ نٜىٰ؞ سَيْ إِسْحَٰڧَ يَكِرَا رِجِيَرْ دَ سُونَ عٜىٰسٜىٰكْ، وَتُواْ «غَرْدَمَ»؞ 21سَيْ مَكِيَايَ نَ إِسْحَٰڧَ سُكَسَاكٜىٰ حَڧَ وَتَ رِجِيَ، عَكَ سَاكٜىٰيِنْ غَرْدَمَ عَكَيْ؞ سَيْ إِسْحَٰڧَ يَكِرَا رِجِيَرْ دَ سُونَ سِتِنَ، وَتُواْ «ڧِيَيَّ»؞ 22يَا تَاشِ دَغَ وُرِنْ يَا حَڧَ وَتَ رِجِيَ، عَمَّا بَسُيِ غَرْدَمَ عَكَنْتَبَ؞ سَيْ يَكِرَا رِجِيَرْ دَ سُونَ رٜىٰهُواْبُواتْ، وَتُواْ «إِسَشّٜىٰنْ وُرِے»، يَنَ ثٜىٰوَ «يَنْذُ يَهْوٜىٰهْ يَابَامُ إِسَشّٜىٰنْ وُرِے، ذَامُ يَلْوَتَ عَڧَسَرْ؞»
23دَغَ وُرِنْ، إِسْحَٰڧَ يَهَوْرَ ذُوَا بٜىٰيٜىٰرْشٜىٰبَ؞ 24أَ دَرٜىٰنَّنْ كُوَ يَهْوٜىٰهْ يَا بَيَّنَ غَرٜىٰشِ يَثٜىٰ مَسَ،
«نِنٜىٰ اللَّهْ نَبَابَنْكَ إِبْرَٰهِيمْ؞
كَدَ كَجِڟُواْرُواْ، غَمَا نِے إِنَ تَرٜىٰدَكَيْ؞
ذَنْ كُمَ أَلْبَرْكَثٜىٰكَ،
إِنْسَا ذُرِيَرْكَ سُيِيَوَ
سَبُواْدَ بَاوَنَ إِبْرَٰهِيمْ؞»
25سَيْ إِسْحَٰڧَ يَغِنَ بَغَدٜىٰنْ هَدَايَ أَوُرِنْ، يَا كِرَا غَ سُونَنْ يَهْوٜىٰهْ ثِكِنْ سُجَّدَ؞ يَا كُمَ كَڢَ تٜىٰنْتِنْسَ أَوُرِنْ؞ أَ نَنْ وُرِنْ كُمَ مَكِيَايَنْسَ سُكَ حَڧَ وَتَ رِجِيَ؞
يَرْجٜىٰجٜىٰنِيَ ڟَكَانِنْ إِسْحَٰڧَ دَ أَبِمٜىٰلٜىٰكْ
26سَرْكِے أَبِمٜىٰلٜىٰكْ يَا ذُواْ دَغَ غٜىٰرَرْ تَرٜىٰدَ أَهُظَّتْ مَيْبَاشِ شَوَرَا دَ كُمَ ڢِيكُوالْ شُوغَبَنْ سُواْجُواْجِنْسَ سُكَ ظِيَرْثِ إِسْحَٰڧَ؞#ڢَارْ 21.11 27سَيْ إِسْحَٰڧَ يَثٜىٰمُسُ «دُوانْمٜىٰ كُكَذُواْ وُرِينَ بَايَنْدَ كُنْڧِينِ، كُنْ كُمَ كُواْرٜىٰنِ دَغَ وُرِنْكُ؟»
28سُكَثٜىٰ «يَنْذُ مُنْغَنِ ثٜىٰوَ بَاشَكَّ يَهْوٜىٰهْ يَنَ تَرٜىٰدَكَيْ؞ شِے يَسَا مُكَثٜىٰ يَيِݣَوْ مُيِ يَرْجٜىٰجٜىٰنِيَ دَكَيْ، مُيِ ضَنْڟُوَا ثٜىٰوَ 29بَذَاكَ تَٻَ وَنِنْمُبَ، كَمَرْ يَدَّ مُو بَمُتَٻَكَبَ؞ بَمُيِ مَكَ كُواْمٜىٰبَ سَيْكِرْكِ، أَ حَكَ كُوَ مُكَ رَبُ دَكَيْ ثِكِنْ سَلَمَ؞ يَنْذُ كَيْنٜىٰ وَنْدَ يَهْوٜىٰهْ يَيِوَ أَلْبَرْكَ؞» 30سَعَنً إِسْحَٰڧَ يَا شِرْيَ مُسُ طَنْ بِكِ، سُكَثِ سُكَشَا؞ 31وَشٜىٰغَرِ دَ سَڢٜىٰ سُكَتَاشِ سُكَ طَوْكِ ضَنْڟُوَا دَ جُونَنْسُ؞ إِسْحَٰڧَ كُوَ يَرَكَسُ، سُكَ رَبُ دَشِ ثِكِنْ سَلَمَ؞
32أَ رَانَرْ نَنْ مَكِيَايَ نَ إِسْحَٰڧَ سُكَذُواْ سُكَ ڢَطَا مَسَ غَمٜىٰدَ رِجِيَرْ دَسُكَ حَڧَ، ثٜىٰوَ سُنْسَامِ ضُوَ؞ 33سَيْ إِسْحَٰڧَ يَكِرَا رِجِيَرْ دَ سُونَ شٜىٰبَ؞ دُواْمِنْ حَكَ عَكٜىٰ كِرَنْ سُونَنْ بِرْنِنْ بٜىٰيٜىٰرْشٜىٰبَ#26.33 بٜىٰيٜىٰرْشٜىٰبَ: دَ إِبْرَانِيَنْثِ، مَعَنَرْ سُونَنَّنْ عِتَثٜىٰ رِجِيَرْ ضَنْڟُوَا؞ دُوبِے ڢَارْ 21.31؞ هَرْوَيَوْ؞
إِسُوَ يَا عَوْرِ مَاتَادَغَ ڧَبِيلَرْ هِتِّ
34لُواْكَثِنْ دَ إِسُوَ يَيِ شٜىٰكَرَا أَرْبَعِنْ يَا عَوْرِ يُودِتْ یَرْ بٜىٰيٜىٰرِ مُتُمِنْ هِتِّ دَ بَسٜىٰمَتْ یَرْ عٜىٰلُوانْ مُتُمِنْ هِتِّ؞ 35وَطَنَّنْ مَاتَا سُنْجَٰوُاْوَ إِسْحَٰڧَ دَ رِڢْكَتُ بَڧِنْ ثِكِ بَكَطَنْبَ؞
المحددات الحالية:
ڢَارَوَ 26: hauAS
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
Hausa Common Language Ajami Bible © The Bible Society of Nigeria, 2020
