MATIUS 16
16
Tau Farisi nundo si Yesus pukoa ko makal᷊aherang
(Mrk. 8:11-13; Luk. 12:54-56)
1 #
Mat. 12:38; Luk. 11:16 Pia pirangkatau tau Farisi l᷊au tau Saduki nusumongo si Yesus mangakal᷊i si Sie. I sire nundo si Sie pukoa ko makal᷊aherang tadeau mupakal᷊ahe himoneu I Sie ko nusumongo bou Mawu Ruata. 2I Yesus nusumimbahi, [“Boko matangutiti kasirae, i kumu mangul᷊i, ‘Wanua mapia, watu'u l᷊angi mahamu.’ 3Dang mal᷊ukari, i kumu mangul᷊i, ‘Si l᷊ou i'i rumasehi, watu'u l᷊angi mahamu l᷊au marundung.’ Ho, i kumu makapatehi kakakoau wanua dingang mutuhung kakakoau l᷊angi, arawe manga tatiangu tempo i kumu tamaka patehi!”] 4#Mat. 12:39; Luk. 11:29“Wal᷊inge gampang kadal᷊aie l᷊au kadurhakange taumata orasi i'i. I kumu mundo si Sia pukoa ko makal᷊aherang. I kumu taonggol᷊ang sarang simbau ko makal᷊aherang kitang u ko makal᷊aherang i Nabi Yunus.”
Bou nangul᷊i e'e I Yesus nul᷊umal᷊eng nanintang i sire.
Ragi ngu tau Farisi dingang u tau Saduki
(Mrk. 8:14-21)
5Suapang manga tumatuhu I Yesus nahumpa su simbukang u rano, mbuhu nikatitonang i sire himoneu i sire ko ta nakatinaung numbawa boroti. 6#Luk. 12:1I Yesus nangul᷊i si sire, “Pakaingati su ragi ngu tau Farisi dingang u tau Saduki.”
7Nakaringihi wisara-Ngi Yesus e'e, manga tumatuhu-E nanita nudidato simbau dingang u ko wal᷊inge, “I Sie nangul᷊i kere'e watu u i kite tanumbawa boroti.”
8I Yesus matitong apa ko kahipudidatongi sire. Inau i Sie nangul᷊i, “Nakurawe i kumu murarendehi hal᷊i u takoae boroti? Kodio pangangimang i kumu! 9#Mat. 14:17-21Mborong ta nakahingang i kumu? I kumu ta nakatinaung pia boroti l᷊ima ko Daku nikakompeng guna ngu taumata l᷊ima hiwu su kataunge? Pira mbawewe nikomol᷊i kumu l᷊umbeinge? 10#Mat. 15:34-38Dang kirapa l᷊ai dingang u boroti pitu guna ngi sire pauhiwu su kataunge e'e? Pira mbawewe l᷊umbeinge nikomol᷊i kumu? 11Nakurawe sarang i kumu ta nakahingang himoneu Ia wal᷊inge we kapudidatonge dingang i kumu hal᷊i u boroti? Pakaingati su ragi ngu tau Farisi dingang u tau Saduki!”
12Panginsuenge manga tumatuhu I Yesus nakahingang himoneu I Yesus nangoro si sire pakaingati wal᷊inge we su ragi ko pukoateng boroti, kateho suapang tatintiro ngu tau Farisi l᷊au tau Saduki.
Pangakuang i Petrus hal᷊i I Yesus
(Mrk. 8:27-30; Luk. 9:18-21)
13I Yesus nakoa sarang tampa masandighu soa Kaisarea Filipi. Su se'e i Sie nukina su manga tumatuhu-E, “Su titong u taumata, ko i sai Ahusu Taumata e'e?”
14 #
Mat. 14:1-2; Mrk. 6:14-15; Luk. 9:7-8 Manga tumatuhu-E nusumimbahi, “Pia ko nangul᷊i i Yohanes Mananahani. Pia l᷊ai ko nangul᷊i i Elia. Ko wal᷊inge l᷊ai nangul᷊i i Yeremia, arako singkatau bou tal᷊oarau nabi.”
15“Arawe tumuhu si kumu, i sai Ia i'i?” I Yesus nukina si sire.
16 #
Yoh. 6:68-69
I Simon Petrus nusumimbahi, “I Tuang ko Ratu Mananal᷊amati, Ahusu u Mawu Ruata ko wiahi.”
17“Kal᷊auntung si kau Simon ana i Yona!” angkung I Yesus. “Watu u wal᷊inge we taumata nangul᷊i hal᷊i e'e si kau, kateho ko i Yamang-Ku su sorga. 18Ual᷊ingu e'e katitongte, i kau i'i Petrus, watu l᷊inggihi. Dang su wawou watu i'i Ia sarung mupararisi u ghahera-Ku, ko tai kawatal᷊i; maning ual᷊ingu papate! 19#Mat. 18:18; Yoh. 20:23Ia sarung mangonggo si kau kakunsi u Dunia ngu Mawu Ruata ko wuhu. Apang ko si Kau tabotonge su wawou dunia, e'e l᷊ai tabotonge su sorga. Kere'e l᷊ai apang ko i puhinongu su dunia, mang l᷊ai i puhino su sorga.”
20Bou e'e I Yesus nunggile ingati su manga tumatuhu-E ta mupakatitong si sai-sai ko i Sie e'e ko Ratu Mananal᷊amati.
I Yesus mul᷊ahabaru singsara dang papatenge
(Mrk. 8:31–9:1; Luk. 9:22-27)
21Nanita bou orasi e'e, I Yesus nangul᷊i mal᷊ahe-l᷊ahe su manga tumatuhu-E, I Sie mambeng makoa sarang Yerusalem dang pai se'e i Sie sarung mananggung haghingu singsara bou manga tumbonange, manga tumbonangu imam l᷊au manga meteru agama. I Sie sarung pateng, kateho su l᷊ou katilunge i Sie sarung i puwangung.
22Bou e'e i Petrus namol᷊eng si Yesus sarang sindihange dingang nangul᷊i si Sie, angkunge, “Kere wotonge Mawu Ruata mupakarau hal᷊i e'e Mawu! Kumbahang sarang hal᷊i e'e mariadi su Mawu!”
23I Yesus nuwihu bou e'e nangul᷊i si Petrus, “Pangal᷊ing bou i'i, setang! I kau kapanahaghenge si Sia. Sipirangu e'e ko sipirangu taumata, wal᷊inge we sipirangu Mawu Ruata!”
24 #
Mat. 10:38; Luk. 14:27 Bou e'e I Yesus nangul᷊i su manga tumatuhu-E. “Taumata ko tumuhu si Sia, ariwe putinaung hal᷊i u watangenge, mamikul᷊i salipi dang turusi tumuhu si Sia. 25#Mat. 10:39; Luk. 17:33; Yoh. 12:25Watu u taumata ko mutatinda u puwawiahe, sarung kailangengu puwawiahe. Arawe taumata ko manarakang puwawiahe ual᷊ingu Ia, sarung makatarima puwawiahe. 26Apa untunge su singkatau, boko i sie managhuang kaul᷊i u dunia kateho kailangengu puwawiahe? Botonge puwawiahi e'e ighantingu apa-apa?
27 #
Mzm. 62:13; Mat. 25:31; Rm. 2:6 Seng ta mal᷊iwue l᷊ai Ahusu Taumata dingang u manga malaekat-E sarung ruminta dingang u kawasangi Yamang-E. Su tempo e'e i Sie sarung mamal᷊isi manga taumata i tuhu su kakanoa u singkatau-singkiatau. 28Katitong te! Bou tal᷊oara i kumu si i, pia ko sarung ta mate, su horo u makawua Ahusu Taumata ruminta kere Ratu.”
المحددات الحالية:
MATIUS 16: LAISXN
تمييز النص
شارك
نسخ
هل تريد حفظ أبرز أعمالك على جميع أجهزتك؟ قم بالتسجيل أو تسجيل الدخول
2014 Indonesian Bible Society (Lembaga Alkitab Indonesia)
