آيات مشهورة من الكتاب المقدس منSAN JUAN 4

شارك

Ná taca ña'a̱ na ji'i̱ ycui' Ndyosi; ñi'ya̱ laca sca xee nu tso'o tsa ntyiji'i̱ lijya̱, jua'a̱ laca ycui' Ndyosi. Ñati̱ nu chañi cha' nti' ngu' cua'ni tlyu ngu' ji'i̱ ycui' Ni, nga'a̱ cha' cua'ni tlyu ngu' ji'i̱ Ni tyucui tyiquee ngu'; xtyucua Xtyi'i ycui' Ndyosi ji'i̱ ngu' bi' li'.

Cua ngulala ti hora, cua la cui' hora ndyaca juani, cha' cua'ni tlyu ma̱ ji'i̱ ycui' Ndyosi tyucui tyiquee ma̱. Lo'o jua'a̱ xtyucua Xtyi'i ycui' Ni ji'i̱ ma̱ li', cha' jua'a̱ nti' ycui' Ndyosi cha' cua'ni na lo'o cua'ni tlyu na ji'i̱ Ni.

Lo'o co'o ngu' hitya nu ta na', nga'aa tyucua nguityi ngu' tsiya' ti li' ―nacui̱―. Ta na' sca lo hitya co'o ngu' nu cua'ni cu'ú cresiya ji'i̱ ngu'. Ndi'ya̱ laca bi': ñi'ya̱ si laca sca su̱u̱ hitya nde ne' cresiya ji'i̱ ngu', jua'a̱ ná nga'a̱ cha' tye chalyuu ji'i̱ ngu' li'.

Li' nguxacui̱ Jesús cha' ji'i̱ nu cuna'a̱ bi': ―¿Ha ná jlo ca ti' nu'u̱ ña'a̱ cha' tso'o nu nda ycui' Ndyosi ji'i̱ ñati̱? ―nacui̱ Jesús―. Si jlo ca ti' nu'u̱ tilaca laca nu ngüijña hitya co'o jinu'u̱, ná tyiquee' chcui' nu'u̱ lo'o na' cha' ta na' hitya co'o ycui' nu'u̱ li' ―nacui̱―, lo'o li' ta na' hitya co'o nu'u̱ nu chañi ca cha' cua'ni cu'ú cresiya jinu'u̱.

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

―Cusu' ―nacui̱ nu cuna'a̱ bi' ji'i̱ Jesús―, qui'ñi tsa tyuu re; ná lo'o cubeta jinu'u̱ ―nacui̱―. ¿Ñi'ya̱ caca culo nu'u̱ hitya cha' cua'ni cu'ú nu'u̱ 'na? ―nacui̱―.

Lo'o li' nguxtyacui nu cuna'a̱ bi' cha' lo'o Jesús chaca quiya': ―Nda na' cuentya cha' cua ca̱a̱ ti sca ñati̱ tlyu nu ta ycui' Ndyosi ji'i̱ cha' ca̱a̱ chalyuu, nu caca naa Cristo ―nacui̱―. Lo'o ca̱a̱ yu bi', li' culu'u liñi yu lcaa cha' tucui ji'na. Li' nacui̱ Jesús ji'i̱ nu cuna'a̱ bi': ―La cui' bi' laca na' nu nchcui̱' lo'o nu'u̱ juani.

―Cajua ti ndu̱ sca ñati̱ nu tii tsa ―nacui̱ nu cuna'a̱ bi'―. Lcua ti lo cña nu ngua'ni na' ya̱a̱ na' chalyuu, lcaa cha' bi' cua ndacha' nu cusu' bi' jna'. ¿Ha bi' nu laca Cristo nu ñati̱ tlyu nu cua ca̱a̱ ti, nti' cu'ma̱?