آيات مشهورة من الكتاب المقدس منYohanis 13

شارك

Tagal itu, Beta kasi parenta baru par kamong: Kamong musti baku sayang! Sama deng Beta sayang kamong, kamong jua musti baku sayang satu deng laeng. Kalo kamong baku sayang macang bagitu, samua orang nanti tau kalo kamong tu Beta pung murid-murid.”

Jadi, kalo Beta yang jadi kamong pung Tuhan deng Guru ni sa cuci kamong pung kaki, kamong jua musti cuci laeng deng laeng pung kaki lai. Tagal Beta su kasi conto par kamong, jadi kamong jua musti biking macang apa yang Beta su biking par kamong tu.

Yesus jawab dia kata, “Petrus! Apa yang Beta ada biking ni ale balong bisa mangarti akang sakarang, mar nanti dari balakang baru ale bisa mangarti akang.”

Dengar bae-bae tagal apa yang Beta bilang ni batul! Jongos seng labe basar dari dia pung bos. Bagitu lai deng orang yang dapa utus, dia seng labe basar dari orang yang utus dia.

Kamong su tau samua yang Beta su bilang tu. Jadi kalo kamong biking akang, kamong nanti dapa berkat.

Tagal itu, Antua badiri dari meja makang tu, la buka Antua pung baju panjang luar, la ambe kaeng sapanggal, kong ika akang di Antua pung pinggang. Abis itu, Antua sirang aer dalang loyang kacil satu la mulai cuci Antua pung murid-murid pung kaki. Abis cuci dong pung kaki, Antua seka dong pung kaki kasi karing deng kaeng yang taika di Antua pung pinggang tu.