آيات مشهورة من الكتاب المقدس منYohanis 12

شارك

Sapa sa yang karja par Beta, dia musti iko Beta tarus biar kalo Beta ada di mana, dia jua ada di situ lai. Barang, sapa yang karja par Beta, Beta pung Bapa nanti taru hormat par dia.

Bagitu lai deng kamong. Sapa yang sayang dia pung diri labe dari Beta, dia nanti seng dapa apapa. Mar sapa yang sayang Beta labe dari dia pung diri sandiri di dunya ni, dia nanti hidop tarus-tarus deng Allah.

Dengar bae-bae tagal apa yang Beta bilang ni batul! Beta ni sama deng biji gandum. Kalo orang tanang biji gandum, akang musti mati do baru akang bisa batumbu la babua banya. Mar kalo akang seng mati, akang seng bisa babua banya.

Beta datang ka dalang dunya ni par jadi tarang, biar samua orang yang parcaya Beta seng tinggal dalang galap lai.

Kalo ada yang dengar apa yang Beta bilang mar seng biking akang, Beta seng hukum dia. Barang, Beta datang ka dunya ni bukang par hukum manusia, mar par kasi salamat dong.

Seng lama bagini, Maria datang bawa minya narwastu asli stenga liter. Minya tu mahal paskali baru paleng bobou sadap. Tarus, Maria sirang akang di Yesus pung kaki la seka akang deng dia pung rambu. Dalang ruma tu langsung bobou sadap.

Jadi, dong ambe jaga-jaga pohong palem la pi ka luar kota par baku dapa Antua. Dong bataria puji-puji Antua kata, “ Hosana! Mari puji Antua yang datang deng Tuhan pung kuasa ni. Mari puji Raja Israel ni.”

La Yesus bilang par dong, “Su waktu par Ana Manusia ni dapa angka tinggi-tinggi.