آيات مشهورة من الكتاب المقدس منYohanis 14

شارك

Waktu Beta pi, Beta biking kamong pung hati dame. Dame yang Beta kasi tu dame yang sama deng dame yang ada dalang Beta pung hati. Apa yang Beta kasi tu seng sama deng apa yang manusia di dunya ni kasi. Jadi jang susa hati ka taku.

Yesus bilang par dia, “Beta ni jalang yang batul par pi par Beta pung Bapa. Lewat Beta, manusia bisa batul-batul tau soal Allah deng bisa hidop tarus-tarus deng Antua. Seng ada satu orang lai yang bisa pi par Beta pung Bapa kalo seng lewat Beta.

Yesus bilang par Antua pung murid-murid lai kata, “Jang hati susa. Parcaya Allah tarus deng parcaya Beta tarus lai.

Mar kalo Beta su bale par Beta pung Bapa, Antua nanti kasi Antua pung Roh par ajar samua-samua deng par kasi inga soal samua-samua yang Beta parna ajar par kamong. Barang, Roh tu datang par tolong kamong ganti Beta di dunya ni.

Sapa yang tarima la iko Beta pung parenta, dia tu sayang Beta. La sapa yang sayang Beta, Beta pung Bapa nanti sayang dia lai, la Beta jua nanti sayang dia deng kasi unju Beta ni sapa par dia.”

La Beta nanti minta Beta pung Bapa par kasi Antua pung Roh par tolong kamong ganti Beta. Roh tu nanti tinggal sama-sama deng kamong tarus-tarus. Roh tu nanti biking kamong mangarti Allah pung ajarang yang batul. Orang-orang yang hidop iko dunya ni pung mau, dong seng mau tarima Roh tu, tagal dong seng lia deng seng kanal Roh tu. Mar kamong kanal Roh tu, tagal Roh tu ada sama-sama deng kamong tarus deng nanti tinggal dalang kamong pung hati.

Jadi, apa sa yang kamong minta dari Beta pung Bapa deng Beta pung nama, Beta nanti biking akang. Deng bagitu, orang-orang nanti taru hormat par Beta pung Bapa, tagal apa yang Beta biking tu. Jadi satu kali lai, apa sa yang kamong minta dari Tuhan Allah deng Beta pung nama, Beta nanti biking akang.”

Yesus bilang par Antua pung murid-murid lai kata, “Kalo kamong sayang Beta, kamong pasti iko Beta pung parenta-parenta.

Di Beta pung Bapa pung ruma ada banya kamar. Kalo itu seng batul, Beta seng bilang akang par kamong. Beta pi ka sana kamuka par kasi siap tampa par kamong.

Abis pi kasi siap tampa tu, Beta nanti bale kombali la bawa kamong ka sana. Beta biking bagitu biar kalo Beta ada di mana, kamong jua ada di situ lai.

La Tomas bilang par Antua kata, “Tuhan! Katong sa balong tau Tuhan mau pi ka mana. Bagemana kong katong bisa tau jalang ka sana?”