ሐዲስ ኪዳን በ 90 ቀናትናሙና

የሶስተኛው የዮሐንስ መልእክት መግቢያ

የዚህ መልእክት ጸሐፊ ልክ እንደ ሁለተኛ ዮሐንስ ራሱን “ሽማግሌው” ሲል ጠርቷል። እንደ ታሪክ ምሁራን ከሆነ ደግሞ ዮሐንስ በወቅቱ በእድሜው መጨረሻ አካባቢ የነበረ ሲሆን ከዚህ በተጨማሪም በሕይወት ከነበሩት የመጨረሻዎቹ ደቀ መዝሙርት ውስጥም ይገኝ ነበር። ምናልባትም ይህን መጽሐፍ በ 90 ዓ.ም አካባቢ ከፍጥሞ ደሴት ሆኖ እንደጻፈው ይታመናል። 

ዮሐንስ ይህንን መልእክት የጻፈው በሚያውቀው ቤተ ክርስቲያን ውስጥ ታዋቂ ለነበረው ለጋይዮስ ነው። ዮሐንስ ፤ ጋይዮስ ያጋጠሙትን ችግሮች እንዲፈታ እየረዳው ነበር፤ ከእነዚህም መካከል ዲዮጥራፊስ የተባለውን ቤተ ክርስቲያን ለመቆጣጠር የመጣውን አልፎ ተርፎም ተጓዥ ሚስዮናውያንን የከለከለውን ሰው እንዴት መያዝ እንዳለበት ጭምር ነው። ዲዮጥራፊስ ከዮሐንስ ተግሣጽ አግኝቶ የነበረ ቢሆንም ወደ ተግባር ግን ሳይለውጠው ቀርቷል። 

የይሁዳ መልእክት መግቢያ

የዚህ መጽሐፍ ደራሲ የያዕቆብ ወንድም የሆነው ይሁዳ ነው። ይህም ለኢየሱስ በአንድ ወገን ወንድሙ ያደርገዋል። እንደ ወንድሙ ያዕቆብ፣ ይሁዳም በኢየሱስ ያመነው ከትንሣኤው በኋላ ነበር። ይሁዳ ይህን መጽሐፍ መቼ እንደጻፈ ምንም አይነት ማረጋገጫ ባይገኝም ምሁራን ግን ከ 67-80 ዓ.ም ባለው ጊዜ ውስጥ ሊጻፍ እንደሚችል ያምናሉ። 

የይሁዳ ደብዳቤ አጭር እና ግልጽ ነበር። በመጀመሪያው ክፍለ ዘመን የነበረችው ቤተ ክርስቲያን በመናፍቃን እና በሐሰት ትምህርት ከፍተኛ ስጋት ውስጥ ወድቃ የነበረችበት ግዜ ነበር፣ ስለዚህ የይሁዳ መልእክት ቤተ ክርስቲያን በእምነታቸው ንቁ በመሆን እራሳቸውን ከመናፍቃን ትምህርት እንዲጠብቁ ለማሳሰብ ነበር።