Matayo 17

Mubili wa Jeso Wasanduka Alupili

(Maako 9:2-13; Luka 9:28-36)

1Kwiite mazuba ali cisambomwi Jeso wakabweza Pita uba bunina ba Jemusi u Johani, baya baliza alupili lulamfwu. 2Ngoonaawo ciwa caka Jeso cakasanduka. Bushu bwakwe bwakabala ukoya izuba, asho shakusama shakwe shakatuba bu. 3Inzho Mozesi u Elaija wakalibonya ku bashiciiya ulakanana u Jeso. 4Ulimwi Pita, wakamwaambila Jeso ati, “Cabota kwaamba ati tuli ano, naa cilakubotela nzake shifwutu shotatwe ano comwi ncako, cimwi ncaka Mozesi, cimwi cibe caka Elaija.” 5#Mata 22:2; Inte 2:7; Aiz 42:1; Mat 3:17; 12:18; Mk 1:11; Lk 3:22; Ciz 18:15#2 Pita 1:17, 18Kacaamba bobo ikumbi limweka lyakabahumba, ngoonaawo kwakateelelwa izwi lyaamba ati, “Nguwezu mwanangu nakufwunwa uunjinina. Amumuteelele!” 6Batteelele bobo ba shiciiya bakazoowa cakuti bakoona anshi buhunteme, ulimwi bakafwa bukandu. 7Jeso wakashika wabaampa itashi amane wabaambila ati, “Amubuke mutatiyi.” 8Inzho nibakalyaalala kwiina unji ngubakabona cita bulyo Jeso.

9Nibakaakwiza buseluka a lupili, Jeso wakabalailila ati, “Kutabi muntu ngumushimwina aza makani kushikila Mwanaa Muntu akabushiwe ku bafwu.” 10#Mal 4:5Ba shiciiya bakamubuzha Jeso ati, “No nkaamboonzhi balembi balaamba ati Elaija nguuyelele kutaanguna kushika?” 11Wakabaingula ati, “Elaija ulazhiza, ulimwi ulakabukulusha shintu shoonse. 12#Mat 11:14Pele ndamwaambila ati, Elaija wakashika kale pele bayina nibakamuzhiba, pele bakamucita umbona mbubakaakuzanda. Umbona bobo u Mwanaa Muntu mbubakaamupenzha.” 13Ubobo ba shiciiya bakazhiba ati wakaakubaambila makani aka Johani Mupapatizhi.

Jeso Waponya Mweembezhi Unjililwe Moza Mubiyabi

(Maako 9:14-29; Luka 9:37-43)

14Nibakashika kwi bunga lya bantu, kwakeza umwi mulombwana kwa Jeso wakamufwukamina, 15waamba ati, “Mwami mufwile luse mwanangu kaambo ngushikasuntu, ulimwi ulapenga cabulowe, mu shiindi shinji shinji ulawila mu mulilo nimuba mu meenzhi. 16Ndakaakumuletele ku bashiciiya bako kwaamba bamuponye, pele cakabakacila kumuponya.” 17Ngoonaawo Jeso wakaamba ati, “Akaka umwe nubantu batashomi, nu bashicinguni. No ndakala amwe ciindi cilamfwu buti? Anu mupengele ciindi cilamfwu buti? Amumulete kono mwana.” 18Amane Jeso wakoolemanina wezo moza mubiyabi, u moza wakamuhwa mu mwana. Ngoonaawo mwana wakapona. 19Ba shiciiya bakamubuzha kumabali ati, “Nkamboonzhi twakakacilwa kuukusha moza mubiyabi?” 20#Mat 21:21; Mk 11:23; 1 Bako 13:2Jeso wakabaambila ati, “Nkaambo kakuceya kwa lushomo. Cini cini kuti kamukwete lushomo luli ukoya insece ya masitadi mulakonzha kulwaambila lupili lolu ati, ‘Zhuka awa uukuya kolya!’ Kwiina cikonzha kumukacila pe.

21[“Pele moza mubiyabi uuli ukoya wezu kwiina bunji mbuukushiwa cita bulyo kwiita mu kukomba u kuliimya kulya.”]

Jeso Wakanana ulimwi Makani a Lufwu Lwakwe

(Maako 9:30-32; Luka 9:43-45)

22Inzho ba shiciiya nibakabungana mu Galilaya Jeso wakabaambila ati, “Mwanaa Muntu ulakaabwa mu matashi a bantu. 23Balakamuyaya, pele ulakabushiwa ku bafwu mu buzuba bwatatu.” Bateelele bobo ba shiciiya bakausa cini cini.

Jeso Mbwaakatela Mutelo Waŋanda ya Leza

24 # Kul 30:13; 38:26 Inzho nibakashika ku Kapenaumi, bashikutezha mutelo wa cisela ce shekele#17:24 Shekele:Mutelo wakaakusebezhiwa kuyohwa milimo ya muŋanda ya Leza bakashika kwa Pita u kwaamba ati, “Sa mwiiyi wenu ulatela?” 25Pita wakaingula ati, “Ee ulatela.” Pita naakanjila muŋanda Jeso wakataanguna kumubuzha ati, “Ulatelaika buti Saimoni? Nkukuli bani Bami baanshi nkubeelele kubweza mutelo, ku beenzu naa ku beninzhi?” 26Pita wakaingula ati, “Mbeenzu!” Jeso wakamwaambila ati, “Nkukuti ceci cilaamba ati beninzhi tabeelele kutela.” 27Pele kwaamba ati tutabanyansha bashikutezha baba koya ukalobe ku lweenje. Inswi ikaataanguna kukwashiwa ku kalobo u keelakumune ulakayana ishekele, ukalitole ukantelele aze ukatele.

Currently Selected:

Matayo 17: ILL

ማድመቅ

Copy