Matayo 18

Nguni Mukando mu Bwami bwa Kwizeulu

(Maako 9:33-37; Luka 9:46-48)

1 # Lk 22:24 Ku ciindi ceco ncicona ba shiciiya bakeza kwa Jeso bamubuzha ati, “Nguni mukando mu bwami bwa kwizeulu?” 2Jeso waketa kana kashoonto amane wakazhimika akati kabo 3#Mk 10:15; Lk 18:17waamba ati, “Cini cini ndamwaambila ati mwataba ukoya twana, tamukanjili mu bwami bwa kwizeulu. 4Kufwumbwa uulibombya ukoya kana kaka, wezo ngu mukando mu bwami bwa kwizeulu. 5Ulimwi kufwumbwa utambula kana ukoya kaka mwizhina lyangu, ndime atambula.

Kutepaula ku Cibi

(Maako 9:42-48; Luka 17:1-2)

6“Pele kufwumbwa muntu ulebya bashoonto ba shoma kwaamba babishe, wezo ncibotu kwaamba waangililwa ibwe ikando munshingo, amana wasowelwa mu kankuni ka lwaatele. 7Mapenzhi ku bantu baanshi ano ukaambo ka shilebyo shitola ku shibi! Shilebyo shilyeelele kuba ko, pele mapenzhi kuli wezo uushileta!

8 # Mat 5:30 “Kuti kuulu kwako naa itashi lyako lyakulebya cili kabotu kwaamba ulikosole ukulisowa nkaambo ncibotu kwaamba ukanjile mu bumi butamana kukosokele kuulu kubaala kuya kusowelwa u mulilo uutazhimi kukwete matashi naa maulu obile. 9#Mat 5:29Ulimwi naa linso lyako lyakupa kwaamba ubishe, cili kabotu kwaamba ulilobole ulisowe! Ncibotu kwaamba wanjila mu bumi butamana ulinso lyomwi kubaala kusowelwa u mulilo utazhimi u menso obile.

Cikozhano ca Mbelele Uyakazhimina

(Luka 15:3-7)

10 # Lk 19:10 “Amubone kwaamba tamubasampauli baba bashoonto, nkaambo ncobeni ndamwaambila ati, mwizeulu baanjelo babo lyoonse balibubwene bushu bwa Taata uuli kwizeulu. 11[Nkaambo Mwanaa Muntu wakezhila kufwutula babo bazhiminine.]

12“Inzho mulatelaika buti? Kuti muntu kakwete imbelele shili mwaanda, yamana imwi yazhimina, saa takonzha kushishiya shesho shili makumi ifwuka iimbelele ifwuka mushilundu u kuya kukapula yezho yakazhimina? 13Kuti weeyana, cini cini ndamushimwina ati, ulabotelwa kubaala shesho shili makumi ali ifwuka iimbelele ifwuka sha taakuzhiminine. 14Ubobo taluli luzando lwaka Taata uli kwizeulu kwaamba ati umwi wa bana bashoonto baba azhimine pe.

Mbukucitwa Munyoko Akubishizha

15 # Lk 17:3 “Kuti munyoko wakubishizha, koya umwaambile ncaakubishizha. Mubandike nobile bulyo. Naa wakuteelela mulateelezhanya. 16#Ciz 19:15Pele kuti wakaka kuteelezhanya, bweza womwi muntu naa bobile muye mukaabandike makani akati ka bakamboni bobile naa botatwe. 17Kuti naa abo babo wakaka kubateelela shimwina imbungano. Kuti naa ayo wakaka kwiiteelela, mulange bulyo ukoya muhwamashi naa shimutelo.

Kwaanga Ukwaangulula

18 # Mat 16:19; Joh 20:23 “Cini cini ndamushimwina ati kufwumbwa ncimukakaanga anshi ano u kwizeulu cilakaangwa, ulimwi kufwumbwa ncimukakaangulula ano anshi u kwizeulu cilakaangululwa.

19“Ulimwi ndamushimwina ati, kuti naa bantu bobile bahumizhanya anshi ano kuli ceco ncibakumbila, Taata uuli kwizeulu ulabacitila. 20Nkaambo kufwumbwa koko bantu bobile naa botatwe nkubabungana mwizhina lyangu ati ame ndiliwo akati kabo.”

Cikozhano ca Musebezhi Uutalekelela

21 # Lk 17:3, 4 Amane Pita wakeza wamwaambila ati, “Mwami no mukwesu kuti wambishishizha mulekelele shiindi shongaye? Sa nshiindi shili ciloba?” 22#Mata 4:24Jeso wakamwiingula ati, “Kutali bulyo shiindi shili ciloba pe, shilyeelele kuba makumi ciloba ali ciloba. 23Nkaambo bwami bwa kwizeulu buli ukoya mwami waketa basebezhi bakwe, kwaamba bamuzholele shikwelete shabo. 24Akanke kubalanda umwi wakaakukwete matalenta ali shuulu shili ikumi wakaletwa kwakwe. 25Pele ukaambo kakuti kaina cakuliya, mwami wakalailila ati auzhiwe antoomwi u mwinakwe ubanakwe u shintu shoonse nshaakaakukwete kwaamba mulandu umane. 26Ateelele bobo wezu musebezhi wakamufwukamina mwami wakwe, wamulomba ati, ‘Mwami mfwila luse ndakakuzholela shoonse.’ 27Nkaambo kakuti wakafwa intenda, mwami wamusebezhi wezu wakamufwila luse wakamulekelela cikwelete coonse.

28“Pele wezo musebezhi nguwena naakaya kwakwe wakashika kumusebezhinina wakaakukweletele ma dinali#18:28 Dinali:ili lyomwi leli kaliingaine umalipilo a mulimo wabuuba bomwi ali mwaanda, wakamukwata wamushina ulaamba ati, ‘Liya ceco nciwakakweleta!’ 29Ateelele bobo musebezhinina wakamufwukamina wakamukumbila ati, ‘Ndekelela, ndakakuzholela!’ 30Pele walo wakakaka wakamutola kuya kumwaanzha muntolongo mpaka kushikila akaliye mulandu. 31Inzho basebezhinina nibakabona ncaakacita, bakausa cini cini u kuya kumushimwina mwami wabo. 32Ngoonaawo mwami wakwe wakamoompolola. Wamwaambila ati, ‘Uwe umusebezhi umbiyabi, ndakakulekelela welya mulandu woonse nkaambo wakankumbila. 33Sa uwe tweelele kufwila luse musebezhi noko, umbuna mundakakufwila luse?’ 34Ubobo mubukali mwami wakamutumya kuli bashintolongo kwaamba akaangwe mpaka akoomane kuuliya mulandu woonse. 35Mbubobo Taata uuli kwizeulu mbwaakaabacita boonse batalekelela banina ca monzo woonse.”

Currently Selected:

Matayo 18: ILL

ማድመቅ

Copy