Mateo 26
26
Bɛbɔɔ pɔ faa Yesu ku ho
(Marko 14:1, 2; Luka 22:1-2; Yohane 11:45-53)
1Na Yesu kaa yeinom nyinaa wieeɛ he, ɔka kyerɛɛ n’asuafoɔ he sɛ, 2#Mat 20:18“Honim sɛ, aaka nnanu na Twam afahyɛ he aduru, na bebeyi Nipa Ba he ama, na bɛabɔ no asennua mu.”
3Afei asɔfoɔ mpanyimfoɔ he ne nnipa he so mpanyimfoɔ he hyiaam sɔfo panyini a bɛfrɛ no Kaiafa fie hɔ, 4na bɛbɔɔ pɔ sɛ bɛbɛfa nyansa kwane so akye Yesu aku no. 5Nso bɛkaa sɛ, “Ɔnyɛ afahyɛ berɛ he mu ne ɔsɛ sɛ bɛyɔ saa, anyɛ saa basabasa bɛba mane he mu.”
Bɛsraa Yesu ngo ya Betania
(Marko 14:3-9; Yohane 12:1-8)
6Na berɛ a Yesu ya Betania, Simon kwatani he fie he, 7baa bi de toa bi a aduhwam bi a ne boɔ ɔdene gu mu baa hɔ, na ohwie guu Yesu ti mu, berɛ a ɔte adidiiɛ he. 8Nso asuafoɔ he huiɛ he, bɛ bo fuiɛ, na bɛkaa sɛ, “Mmɛ nti ne woasɛe aduhwam yi sei? 9Nka bebetumi atɔno agye sika kɛseɛ, na bɛde sika he ama ahiafoɔ.” 10Na Yesu huu yɛ he, obisaa sɛ, “Ɛɛne nti ne hooha baa he? Waayɔ adwuma pa ama me. 11#Deut 15:11 Na howɔ ahiafoɔ ya ho nkyɛne daa, na me deɛ hoonya me daa. 12Aduhwam a ohwie guu me so he, ɔde asiesie me ama me sie. 13Meeka akyerɛ ho nɔkorem, wiase baabi a bɛ bɛpae mu aka asɛmpa yi, bɛbɛka deɛ baa yi ayɔ yi de akae no.”
Yuda Iskariot gye tomm sɛ obeyi Yesu ama
(Marko 14:10, 11; Luka 22:3-6)
14Na dummienu he mu baako a bɛfrɛ no Yuda Iskariot kɔɔ asɔfoɔ mpanyimfoɔ he hɔ 15#Yoh 11:57; Sak 11:12 na obisaa bɛ sɛ, “Sɛ meyi no ma ho a, mmɛ ne hode bɛma me?” Betuaa dwetɛbena aduasa maa no. 16#1 Ti 6:9-10 Na ofiri saa berɛ he, ɔhyɛɛ aseɛ hwehwɛɛ akwannya bi a ɔde beyi Yesu ama.
Yesu ne n’asuafoɔ he dii Twam Afahyɛ he
(Marko 14:12-16; Luka 22:7-13)
17 #
Eks 12:18-20
Da a odi twam, kyerɛ sɛ afahyɛ a bedi Paanoo a Mmɔreka nni mu, kane he, asuafoɔ he baa Yesu nkyɛne bebisaa sɛ, “Hefa ne wopɛ sɛ yesiesie ma wodi Twam aduane he?” 18#Mat 21:3 Ɔkaa sɛ, “Hokɔ kuro he mu a, hobehu beema bi, honka nkyerɛ no sɛ, ‘Kyerɛkyerɛfoɔ he dɛ, Me berɛ abɛne; na me ne m’asuafoɔ he bedi twam aduane he wo fie.’ ” 19Nti asuafoɔ he yɔɔ deɛ Yesu kaeɛ he, na besiesie Twam aduane he.
Awurade adidie
(Marko 14:17-26; Luka 22:14-23; Yohane 13:21-26)
20Afei nwunu dwoeɛ he, ɔne n’asuafoɔ dummienu he tenaa ase; 21na beedidi he, ɔkaa sɛ, “Meeka akyerɛ ho nɔkorɛ mu sɛ, ho mu baako beyi me ama.” 22Yei maa bɛyɛɛ basaa paa, na bɛhyɛɛ aseɛ bisaa no sɛ, “Awurade, ɔyɛ me anaa?” 23Obuaa sɛ, “Deɛ ɔne me to nsa didi ayowa baako mu he ɔno ne beyi me ama.’ 24Nipa Ba he ɔɔkɔ sɛdeɛ bɛahyɛ ato hɔ ama no deɛ, nso nea ɔnam ne so beyi no ama he nnue! Sɛ bɛanwo saa nipa he mpo a nka ɔyɛ.” 25Yuda, deɛ oyi no maeɛ he kaa sɛ, “Rabi, ɔyɛ me anaa?” Yesu buaa sɛ, “Ɛɛ, ɔno ne woaka he.”
Awurade adidi nhyehyɛeɛ
26 #
1 Ko 11:23-25
Berɛ a beedidi he, Yesu faa paanoo, ohyiraa so wieeɛ he, obubu de maa asuafoɔ he kaa sɛ, “Honnye, honni; me nipadua di.” 27Na ɔfaa kuruwaa, na ɔdaa ase wieeɛ he, ɔde maa bɛ kaa sɛ, “Ho nyinaa honnom bi; 28#Eks 24:8; Yer 31:31; Sak 9:11 na yei ne me mogyaa a ɔyɛ apam he mogyaa a, nnipa bebree nti beehwie agu ama bɔne fakyɛ. 29Meeka akyerɛ ho, mennom saa bobesa yi bi bio kosi da a me ne ho bɛnom no kwane foforɔ so m’ Agya ahennie mu.” 30#Luk 22:39; Yoh 18:1 Na bɛtoo ayeyie nnwom wieeɛ he, befiri adi kɔ Ngo Bepɔ he so.
Yesu hyɛɛ pa a Petro bɛpa no he ho nkɔm
(Marko 14:27-31; Luka 22:31-34)
31 #
Sak 13:7; Yoh 16:32 Afei Yesu ka kyerɛɛ asuafoɔ he sɛ, “Anadwo yi, deɛ ɔbɛba me so he bɛto ho nyinaa sintidua; efiri sɛ bɛatwerɛ sɛ,
‘Mɛbɔ dwanhwɛfoɔ he,
na nnwane he bɛhwete.’
32 #
Mat 28:7
Na sɛ mesɔre firi awufoɔ mu a, medi ho anim kane akɔ Galilea.” 33Petro ka kyerɛɛ no sɛ, “Sɛdeɛ ɔbɛba wo so he bɛto biaa sintidua a, me deɛ ɔnto me sintidua koraa.” 34#Yoh 13:38 Yesu ka kyerɛɛ no sɛ, “Meeka akyerɛ wo nɔkorem, anadwo yi, ansa na akokɔ bɛbɔno he, na woapa me mprɛnsa.” 35#Mat 26:56 Petro ka kyerɛ no sɛ, “Sɛ otwa sɛ me ne wo wu mpo a, mempa wo da.” Na saa ne asuafoɔ he nyinaa nso kaeɛ.
Yesu bɔɔ mpaeɛ ya Getsemane
(Marko 14:32-42; Luka 22:40-46)
36Afei Yesu ne n’asuafoɔ he kɔɔ bea bi a bɛfrɛ hɔ Getsemane; na ɔka kyerɛɛ bɛ sɛ, “Hontena ha, na menkɔ nohoa nkɔbɔ mpaeɛ.” 37#Heb 5:7 Ɔfaa Petro ne Sebedeo mma mmeema mmienu he kaa ne ho, na ɔhyɛɛ aseɛ dii awerɛhoɔ na ne ho yera no. 38#Yoh 12:27 Na ɔka kyerɛ bɛ sɛ, “Awerɛhoɔ ahyɛ me kra so de ɔɔkɔ wuo mu; hontwɛne ha na ho ne me nwɛne.” 39#Yoh 18:11; Heb 5:8 Na ɔkɔɔ anim kakra he, ɔde n’anim kobutuu fam bɔɔ mpaeɛ sɛ, “M’Agya sɛ obetumi a, ma kuruwaa yi ntwam me ho, nso ɔnyɛ deɛ mepɛ na mmom deɛ wopɛ (ne nyɛ hɔ).” 40Afei ɔsane baa asuafoɔ he nkyɛne behuu sɛ bɛɛda; na ɔka kyerɛɛ Petro sɛ, “Nti wantumi ne me anwɛne dɔnhwere baako mpo? 41#Heb 2:14; 4:15 Honwɛne na hommɔ mpaeɛ na hoankɔ sɔhwɛ mu; honhom he pɛ deɛ nso honam he ɔmmerɛ.” 42Na ofirii hɔ kɔɔ ne mprenu so na ɔkɔbɔɔ mpaeɛ sɛ, “M’Agya, sɛ yei ntumi ntwa me ho na otwa sɛ menom a, ma wopɛ nyɛ hɔ.” 43Bio, ɔba behuu sɛ bɛɛda, efiri sɛ na bɛ ani kum yie. 44#2 Ko 12:8 Nti ogyaa bɛ hɔ bio he, ɔkɔ kɔbɔɔ mpaeɛ ne mprɛnsa so na ɔkaa asɛm korɔ heaa. 45Na afei ɔbaa asuafoɔ he nkyɛne bɛka kyerɛɛ bɛ sɛ, “Nti hogu so ɔɔda gye ho ahome? Hwɛ, berɛ he abɛne, sɛ bebeyi Nipa Ba he ahyɛ nnebɔnyɛfoɔ nsa. 46Honsɔre, mma yɛnkɔ. Hwɛ, deɛ obeyi me ama he abɛne.”
Yuda Iskariot de asraafoɔ baa Turom hɔ
(Marko 14:43-50; Luka 22:47-53; Yohane 18:3-12)
47Na ogu so ɔɔkasa he, Yuda a ɔyɛ dummienu he mu baako beduru hɔ, na nnipadɔm pii ka ne ho a bekitakita asekane ne mmaa a na asɔfoɔ mpanyimfoɔ he ne nnipa he so mpanyimfoɔ na asoma bɛ. 48Na deɛ obeyi no ama he maa bɛ nsɛnkyerɛnne ka kyerɛɛ bɛ sɛ, “Deɛ mɛfe n’ano he, ɔno ne nipa a hoohwehwɛ no he, honkye no.” 49Prɛko pɛ, Yuda baa Yesu nkyɛne bɛkaa sɛ, “Rabi, Mekyea wo,” na ɔfee n’ano. 50Yesu ka kyerɛɛ no sɛ, “Damfo, yɔ deɛ wobaa ha sɛ woobɛyɔ he ntɛm.” Na afei bɛba bɛsɔɔ Yesu mu na bɛkyee no. 51Amonom hɔaa, bɛ a bɛka Yesu ho he mu baako twee ne sekane twaa sɔfo panyini he akoa aso. 52#Gye 9:6 Na Yesu ka kyerɛɛ no sɛ, “Fa sekane he hyɛ bɔha he mu; na bɛ a bɛtwe sekane he nyinaa bewu sekane ano. 53Anaa wodwene sɛ mentumi nsrɛ m’agya, ma ɔnsoma abɔfoɔ bɛboro dɔm dummienu mmra me seeseiaa anaa? 54Na nka ɔbɛyɛ dɛ na atwerɛ a ɔka sɛ otwa sɛ ɔba saa he abam?” 55Afei, Yesu bisaa nnipadɔm he sɛ, “Hode sekane ne mmaa ne ɔɔbɛkye me, te sɛ nea meyɛ korɔmfoɔ? Da biaa mete asɔredane mu kyerɛkyerɛ he, hoankye me. 56#Mat 26:31 Nso yei nyinaa asi, sɛ ɔbɛyɛ a adiyifoɔ he atwerɛ he bɛba mu.” Afei asuafoɔ he nyinaa gyaa no hɔ dwaneeɛ.
Bɛde Yesu kogyinaa sɔfo panyini anim
(Marko 14:53-72; Luka 22:54-71; Yohane 18:13-27)
57Afei bɛ a bɛkyee Yesu he de no kɔmaa Kaiafa, sɔfo panyini a na atwerɛfoɔ he ne mpanyimfoɔ he ahyiam ne fie. 58Na Petro dii n’akyi akyirikyiri de koduruu sɔfo panyini he abane mu hɔ, na ɔkɔɔ mu he ɔne asraafoɔ he tenaa ase sɛ ɔɔbɛhwɛ deɛ obesi. 59Afei asɔfoɔ mpanyimfoɔ he ne badwa he nyinaa hwehwɛɛ Yesu ho adansekunumu, na bɛagyina so de aku no, 60nso bɛannya bi, owom sɛ adansekunumufoɔ bebree baeɛ. Na akyire yi mmienu bi baeɛ 61#Yoh 2:19-21 na bɛbɛkaa sɛ, “Akoa yei kaa sɛ, ‘Metumi de dakorɔ abubu asɔredane he na mede nnansa asi.’ ” 62Na sɔfo panyini he sɔre bisaa no sɛ, ‘Wonni anoyie biaa? Mmɛ adanseɛ ne beedi tia wo yi?” 63#Mat 27:12 Nso Yesu yɔɔ komm. Afei sɔfo panyini he ka kyerɛɛ no sɛ, “Meka Nyankopɔn teasefoɔ he ntam gu wo so sɛ, sɛ wo ne Kristo, Nyankopɔn Ba he a, ka kyerɛ yɛ!” 64#Dwom 110:1; Mat 16:27; 24:30 Yesu ka kyerɛɛ no sɛ, “Woaa woaka, Na meeka akyerɛ ho,
Ofiri nnɛ ɔɔkɔ yi, hobehu Nipa Ba he
sɛ ɔte Nyankopɔn Tumfoɔ nifa so
na ɔte soro mununkum so ɔɔba asaase so.”
65 #
Yoh 10:33
Na afei sɔfo panyini he sunsuanee n’ataadeɛ mu kaa sɛ, “Woaka abususɛm! Ɛɛne nti ne yɛda so hia adansefoɔ? Afei hoate n’abususɛm he. 66#Yoh 19:7; Lew 24:16 Ho adwene ne sɛ?” Bebuaa sɛ, “Ɔfata wuo.” 67#Yes 50:6 Na bɛtoo ntasuo guu n’anim na bɛbobɔɔ no, na binom bɔɔ n’asum, 68kaa sɛ, “Kristo, hyɛ yɛ nkɔm! Hwane ne bɔɔ wo yi?”
Petro paa Yesu
69Berɛ a yeinom ɔɔkɔ so he na Petro te fie he adihɔ. Abaawa bi baa ne nkyɛne bɛkaa sɛ, “Wo nso na woka Yesu a ofiri Galilea he ho.” 70Na ɔsanee bɛ nyinaa bɛ anim kaa sɛ, “Mennim deɛ wooka ho asɛm yi.” 71Petro pie kɔɔ abranaa he so he, abaawa foforɔ huu no, na ɔka kyerɛɛ bɛ a begyina hɔ he sɛ, “Na beema yi ka Nasareni Yesu ho.” 72Bio, ɔkaa ntam de sanee ne ti sɛ, “Mennim beema he.” 73Mmerɛ kakra akyi he, bɛ a begyina hɔ he bi baa ne nkyɛne bɛka kyerɛɛ Petro sɛ, “Nɔkwasɛm, wo nso woka bɛ ho, na wo kasaa kyerɛ saa.” 74Na ɔhyɛɛ aseɛ dii nse kaa ntam sɛ, “Mennim beema he!” Saa berɛ he, akokɔ bɔneeɛ. 75#Mat 26:34 Na Petro kae Yesu asɛm a ɔkaa sɛ: “Ansa na akokɔ bɛbɔno he na woapa me mprɛnsa.” Na ofirii adi kosuu yayaaya.
Currently Selected:
Mateo 26: BBTP
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Bono New Testament © The Bible Society of Ghana, 2021
