Luk 23
23
1An nahuto le ilar petum netakairmig marir in maruan to Pailet.
2An netakarwowun mameitat in mamani, Iematipis ieremim uk ramakoukalin nahuto temar mamenhiau moma tesofenan nar kamosatin kam Sisar, mameni atu lan moma in Kristo Ieremera.
3An Pailet netererhapuk ton mameni, Ik Ieremera te Ju min? An netereraram ton mameni, Ik nekneni.
4An Pailet netereni to neremera le nuhwasigenan mene nahuto min, Iesahman noukari nar ker le ieremim uk.
5Mero ilar netakamani asanen mama, In ramasulasul neremim mametikun le ten Judia min petum, merwowun le Kalili mua ietuk.
6Mero Pailet netererou netererhapuk moma ieremim uk ierem Kalili,
7An neterhinatin moma in ierem remsipen iken Herod reremera iken, an neterhalipen in to Herod, ierem ramarik mun Jerusalem loanian ka.
8An Herod neterahm Iesu neteragien aken, mero in ka nuhu aken ramama terahm in, mero in ka ramerou nausitoan lan, an nekin ramakahmo moma terahm nimtatin ker in terol.
9An netererhapuk ton le nakaran rapus; an ramesaraman ton le nar ker.
10An neremera le nuhwasigenan mene nerem kamatikun netakailil mameitat aken ena in.
11An Herod neteramausan lan, ilar soldier min tahan, makavan kam in, an netereviu le nar ut aken, hmalipen relelegpen mun to Pailet.
12An Herod mene Pailet netikiaos niel to ilau min loanian ka: mero in ka aupan ilau kamiaol tikimer le ilau min.
13An Pailet neteraunin afugen neremera le nuhwasigenan mene neremera mene neremim, an netereni to ilar,
14Nemarir marua tonio ieremim uk kama ierem ramakoukalin neremim, an aihm ru, iaknalkalik ton le nemramiar an iesahman noukari nar ker le ieremim uk le nar nemameitat in ton.
15Mero resolan moma Herod mun, mero in ka rekhnalipa mun to katar; an aihm ru, remesolan noukari nar teremis ton.
16Mero tiafho am muata lan.
17An terakeikei mirisin ierem le nimwa iakis ker to ilar le nauganan asul ka.
18Mero netakamaisak apahm ilar nahuto petum mamani, Osita ieremim uk, mirisin Barabas kam kamar.
19Ierem kamehlau le nimwa iakis to nolahwohwean nar lauanu mene hnoa til.
20Mero Pailet neterakarpen mun kam ilar molkeikei moma tererisin Iesu.
21Mero ilar netakamaisak apahm mamani, Uit le nik aluauin, uit le nik aluauin.
22An netereni to ilar mau kisil, Tona, neta tehwaga tat ieremim uk ramol? Iesahman lan noukari nar teremis lan. Mero tiafho am merisin mun.
23Mero ilar netakaikeikei le nasakapahman mameihrapuk mama tikuit le nik aluauin; an nakaran tenilar neteramesanen.
24An Pailet netereni moma tokol nar ilar kameihrapkin.
25An netererisin ierem kamehlau le nimwa iakis to nolahwohwean nar mene hnoa til, ierem ilar kameihrapkin; mero neterofen Iesu moma ilar takarol nar karolkeikei lan.
26An netakarir in maruan, an netakarhiapatin ieremim ker Saimon ierem Sairini remsipen ibat, an netakaihlaupen nik aluauin lan moma tereles moatisig in Iesu.
27An nathuto puk le neremim netakairoupen in mene neberavin nerem kamaisak mamaisak apahm ton.
28Mero Iesu neterhwin to ilar mameni, Neberawasuas nereri Jerusalem, Asaisakan tonio; mero aisak atu to kamiar mene to nererimiar,
29Mero in ka aihm ru, nian terepua tepeni lan, Kakar vi kam neberan kaikanik mene netipun ierem min kasaihwean, mene naha min ierem min kasamahan ilar.
30Loanian ka teparwowun mamani to towar min, Aram pa le kamar, mene to towar wasuas min, Aruu kamar.
31Mero in ka takama takarol nar min uk le nik mira, neta tapol le nik mer?
32An kiu mun ioletat mil kamir ihlel min to nuhwapninan.
33An netakarua iken ka netigen Nevigkihla, an netakaruit in le nik aluauin iken mene ioletat mil, ker le ten matu an ker le ten mul.
34An Iesu netereni, Tata, osita tehwaga tat tenilar, mero in ka katiktik am nar kamarol. An netakaroti nar rakava lan mamaitag nar ton.
35An neremim netakailil maimrikam lan. An neremera netakamaiusan lan mamani, Ramos miuh nerapusen; pas ros miuh atu in, takama in uk Kristo taha Wuhgin, ierem ramahmpen.
36An soldier min mun netakaiusan lan, netakarua ton mamarofen vinekar kam in mamani.
37Takama ik Ieremera te Ju min, os miuh atu ik.
38An kamrai mun tenkapa iken iles, In uk Ieremera te Ju min.
39An ker le ioletat mil kameruit ihlel neteramakar tat kam in mameni, Resolan moma ik Kristo? Os miuh atu ik mene kamlau.
40Mero ker neteraram menhiau in mameni, Ik nesagninan Wuhgin, mero in ka nakamarik le netetan karena?
41An kalau keniaos etuatu, mero in ka keni maos nemrin rauker in nar kamiaol; mero ieremim uk ramesolahwohwean nar.
42An netereni, Iesu, nekim terakahmo io takama tenekua le niko taham.
43An netereni ton, Nuparhien tiakani tonik, towe tenepamarik kalau min ik le Paradais.
44An aur neterol kama katilum makarena, an napinapan ramarik le ten min petum meroatis le aur katilum mekuer,
45An mit neterapinap, an napen le nimwa ahwak neterhapu le nelukin.
46An Iesu neterasak le nakarapahman mameni, Tata, tiakofena nanumok le nelimam; an netereni nar uk neteramighau.
47An sentiurion neterahm nar kenol netereni vivi Wuhgin mameni, Nuparhien, inuk ieremim ut.
48An nahuto min etahun, nerem kamerwafugen to narupan le nar uk, netakaihm nar min kenol, netakarep nekilhin ilar maleleg.
49Au taniel min mene neberavin ierem min kamairoupen in masipe le Kalili, kamailil isou mamaihm nar min uk.
50An ahm ru, ieremim ker netigen Josef, in ieremera ker, ieremim ut an tehwaga tahan rematu,
51In remeseghanan in nowa mene nolan tenilar, ierem remsipen le Arimathia, nauanu taha Ju min, ierem ramatkoigen niko te Wuhgin,
52Ieremim uk neteruan to Pailet mamehrapkin nubalaki Iesu.
53An neteros iau mameviu le napen ut aken, an neterehlau le nepag kamerai le kapiel, iken kamesehlauan ieremim ker aupan iken.
54An nian ka nian le nepinean, an nian ausim reknol loanpuspusan,
55An neberavin ierem min kamasipen le Kalili ilar min, netakaiuatisig maihm nepag mene nubalakin mama kametuahlau.
56An netakaleleg marepinapina le nar nemieuan ravit mene nihin nar. An le nian ausim netakaimig le nowa asul.
Currently Selected:
Luk 23: LEN1902
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Published by the British and Foreign Bible Society in 1902, reprinted in 1935.
