Luk 22
22
1An nauganan te bred leven rika lan rikinwaket, ierem netigen Napitean.
2An neremera le nuhwasigenan mene nerem kamatikun netakamaitkoigen mama takatuahro in, mero in ka kamarignin neremim.
3An Setan netereukupen le Judas ierem netegen Iskariot, ierem le nahuto nerem katilum katilum mekiu.
4An neteruan mamakar kam neremera le nuhwasigenan mene neremera le soldier min, moma teretua maurai in kam ilar.
5An netereghanin, an ramamatkoigen nian ut to nauraian in kam
6An netereghanin, an ramaratkoigen nian ut to nauraian in kam ilar nian nahuto rika lan.
7An nian te bred leven rika lan neterua, ierem takakeikei kuhwasigen napitean lan.
8An neterhalipen Piter mene Jon mameni, Iavan mamiahwalh nelimi napitean to katar moma takarkin.
9An ilau netukuani ton, Iken petuan nakolkeikei moma kamlau tiakiahwalh nelimi nar?
10An netereni to ilau, Ahm ru, takama tenekiavan le nauanu ieremim ker terepail tosigin kamilau ramos nevige nar le nu; uaroupen in miavan imwa iken rakavan iken.
11An uani to ieremera le nimwa ka, Ietikun rameni tonik, Nowa nimwa petuantiakakin Napitean iken kamar tahak min neremim?
12An repetikun in kamilau nowa nimwa asul ker iles kenolita; amiahwalh nelimi nar iken.
13An netikiavan muahm kama in ka rameni to ilau, an netakamiahwalh nelimi Napitean.
14An aur neterua, an neterowata to nauganan ilar apostelo min.
15An netereni to ilar, Iamolkeikei aken moma tiakakin Napitean uk katar min io aupan ama iaperou nahmean.
16Mero in ka tiakani to kamiar moma tiepeskinan meroatis naulinan le niko te Wuhgin.
17An neteros nevige kap, netereni vivi mameni, Aros nar uk maroti le kamiar min.
18Mero in ka tiakani to kamiar, Tiepesamnuman nowa vain le nian uk meroatis nian niko te Wuhgin terua lan.
19An neteros bred mameni vivi mamerkahl mamofen kam ilar mameni, In uk nubalakok, ierem kenofena to kamiar; arol nar uk mama nekimiar terakahmo io.
20An rol mok lan nevige kap oatisig nikinan, netereni, Nevige kap uk nimtatin vi le nitak, ierem kavi to kamiar.
21Mero Ahm ru, nelimi ierem teraurai io in uk le nar kamaugan lan, kamlau min.
22Mero in ka Neri Ieremim teruan rolkoma kenamenita; mero awe to ieremim ka teraurai in.
23An ilar netakarwowun mameihrapuk to ilar min mama pehe le ilar ierem terol nar uk.
24An netakamaiwoia ton mama pehe le ilar kama iribor.
25An netereni to ilar, Neremera taha Jentail min kamairemera le ilar, an nerem kamerou nowa to ilar kameni kama nerem kamaros tokai.
26Mero kamiar tenesarolan mok, mero ierem iribor le kamiar pas terol kama iresuas, an ierem reremera pas terol kama iolatkokun nar.
27Mero in ka pehe iribor, ierem ramowata to nauganan wa ierem ramol atkokun nar? Resolan moma ierem ramowata to nauganan? Mero io le nekimiar kama iolatkokun nar.
28Mero kamiar nerem nemamairik tonio le nofenofenan min tahak.
29An io tiakahlau niko kam kamiar, rolkoma Tata ramehlau kam io,
30Moma teneparugan maramnum le nar kamaugan lan tahak le niko tahak, an tenepaiwata le thron marhwaprai nahuto katilum katilum mekiu le Israel.
31Saimon, Saimon, ahm ru, Setan ramehrapkin kamiar moma terilil kamiar kama nowa hwit;
32Mero io iamohwak tonik moma nuparhienan taham teresikean; an ik takama teneklelegpa mun, ol piam min keisanen.
33An netereni ton, Ieremera, iakolkeikei moma tiapuan le nimwa iakis mene le nemisan kalau min ik.
34An netereni, Tiakani tonik, Piteer, menuk terepesakakean towe aupan in nepapun mau kisil moma nakashinatinan io.
35An netereni to ilar, Loanian iehmalipen kamiar nemesarosan nowa karam mene karam mene nar le nelikimiar, nemesarosan nar ker? An ilar netakani mama, Resolan moma nar ker.
36An netereni to ilar, Mero towe ierem ramos nowa karam pas ros, rol mun karam; an ierem resosan pas raurai nar rakava lan mos nemri nau apahm lan.
37Mero in ka tiakani to kamiar moma nar uk kamrai takakeikei kol petum lak, an kenahwin afugen ilar nerem kamarol etat; mero in ka nar lak tapol naunin.
38An netakani, Ieremera, ahm ru, nau apahm kiu ikenuk. An netereni to ilar, Reknibor.
39An neterier neteruan le Towar Oliv min, nar ramol ena; an tan ieremim min mun netakamairoupen in.
40An neterua iken netereni to ilar, Tenakaihwak mama tenesaruenan le nofenofenan.
41An in ramavan tata to ilar isou rauker in naruinan kapiel rua iken, an netererenum noulin mamohwak,
42Mameni, Tata, takama ik nakolkeikei, osita nevige kap uk tonio; mero resolan moma nolkeikeian tahak mero taham pas tapol.
43An agelo le neai neterier ton mamasitu lan.
44An nahmean tahan ramibor, an neteramohwak hmahma; an namhnokan tahan rolkoma nalan le nita ramesas le nemapten.
45An neterermig le nahwakan tahan mua to tan ieremim min, an neterahm ilar kamaipul le nasakan.
46An netereni to ilar, Retol nakamaipul? Airmig, mameihwak mama tenesaruenan le nofenofenan.
47In ramamakar ena an ahm ru nahuto, an ierem netigen Judas, karena le nerem katilum katilum mekiu, ramaupan in ilar, an neterua iwaket to Iesu moma terapaih hnulin.
48Mero Iesu netereni ton, Judas, ik tenakaurai Neri Ieremim le napaihan hnulin.
49An nerem kamailil ilar min netakaihm nar netakol netakani, Ieremera, tiapahro le nau apahm wa?
50An ker le ilar neterho iolatkokun nar te ieremera le nuhwasigenan hmota numatelegen matu.
51Mero Iesu neteraram meni, Arpas am ra; an neteriap numatelegen mamol ut in.
52An Iesu netereni to neremera le nuhwasigenan mene neremera le nimwa ahwak mene nerem asul min nerem kamarua ton, Kamiar neknarier marua kama to iakihla le nau apahm mene nik?
53Le nian min iemamarik katar min io le nimwa ahwak, an nemesarhwatuinan nelimimiar tonio; mero in uk nian temiar mene nesanenan te napinapan.
54An netakarhiapatin in marir maruan le nimwa te ieremera le nuhwasigenan; mero Piter ramameroupen isou.
55An netakarhilikam ilukan le nemata nimwa, an netakaiwata was, an Piter neteramowata ilukan le ilar.
56An beresuas ker neterahm in ramowata pen le hnakakan, an neteramahm ena mameni, Ierem uk mun ilau min kamamuavan.
57Mero neterapun meni, Beravin, iakatiktik am in.
58An resolan moma remuh ker mun neterahm in netereni, Ik mun ker le ilar, Mero Piter netereni, Ieremim, resolan moma io.
59An rolkoma aur karena neterua muan ker mun netereni tumutum moma, Nuparhienan aken ieremim uk ilau min kamamuavan, mero in ka in ierem Kalili.
60Mero Piter netereni, Ieremim, iakatiktik am nar nakameni; an ihwe am ramamakar ena an menuk neterakaka.
61An Ieremera neterhwinpen to Piter mamahmena; an Piter nekin neterho nakaran te Ieremera moma rameni ton, moma, Aupan in menuk terakaka towe ik nepapnin io mau kisil.
62An netereier ilua mamasak apahm.
63An nerem kamarhiapatin netakamaiusan lan mamahro,
64An netakarviu apus nemrin mameihrapuk ton mamani, Ani, pehe ierem ramep ik?
65An nar min nevin mun netakamani ton mamarepawa.
66An neterhakak an nerem asul le neremim netakarhwafugen, neremera le nuhwasigenan mene nerem kamatikun, netakarir in maruan to nuhwafugenan tenilar,
67Mamani, Takama ik Kristo, ani to kamar. Mero netereni to ilar, Takama tiakani to kamiar tenepesanian nuparhienan lan.
68An takama io tiakahrapuk to nesairaman.
69Mero oatisig le nian uk Neri Ieremim terepowata le nelimi matu te nesanenan te Wuhgin.
70An ilar min netakani, Mero in ka ik Neri Wuhgin? An netereni to ilar, Kamiar nakamani mama io ka in.
71An ilar netakani, Retol takarolkeikei nausitoan ker mun? Mero in ka katar atu kenairou nar reknier le hnulin.
Currently Selected:
Luk 22: LEN1902
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Published by the British and Foreign Bible Society in 1902, reprinted in 1935.
