मरकुस 16
16
यीशु रा जिऊंदे हूँणा
(मत्ती 28.1-8; लूका 24.1-12; यूहन्ना 20.1-10)
1जेबा सब्ता री धियाड खत्म होई, तेबा मरियम मगदलेनी, होर याकूबा री आमा मरियम होर सलोमी शोबली खुशबू तेले आली चीजा लई आणी कि तेऊमें लेसे। 2हप्ते री पहिली धयाडी री दोती जेबरे धिहाडअ निकतअ, त्याह कब्रा हेरी आई, 3होर आपु में बोल्दी लागी दी थी, मा्हरी तणी कब्रा रअ दुआरा रअ पाथर कासु सक्याउण? 4जेबा त्याह पाथरा फेरा वै नज़र लाई करे हेरू की सह पाथर तखे का सकेऊदअ हेरू सह बखे बड़अ थी। 5त्या कब्रा मीतर नाठी होर यह हेरी करे त्या बखे हेरान होई त्याह एक जु़आन शेते चोगे आल़अ धुरा फेरे वैठद हेरू, त्याह बखे हेरान होई। 6तेऊ त्याहे कैह बोलू, हेरान नांई होआ, तमा यीशु नासरी, जोह क्रुसा पैंदे चड़ाउ थी, तेऊ लोड़े लागे दै थी। सह जिऊंदअ होऊ, अखे नांई आंदअ; भाल़ा यह सह जागाह साहा दी, जखे त्याहे सह डाऊ थी, 7पर तमे नाशा, होर तेऊरे चेले होर पतरसा बे आज्ञा दे की तेऊ तमा कै पहिले गलीला वै नाणा। जेड़ा तेऊ तमाक बोलूदा थी, तमा सह तखी भाल़णअ। 8होर त्याह निखली करे कब्रा का ठुरी; किबेकी यीशु मसीहा रे उद्धार हेरी करे त्याह कामदी होर डरी मुकी थी; त्याह कासी कअ किछे नांई बोलू किबेकी त्याह डरी दी थी।
मरियम मगदलेनी वै यीशु रा हेरना
(मत्ती 28.9-10; यूहन्ना 20.11-18)
9हप्ते री पहिली री धयाडी दोत हुंदे ही सह जिऊंदअ होई करे पहिले-पहिले मरियम मगदलेनी का हेरू जासु कै सात दुष्टात्मा काहड़ी दी थी, तेसा हेरू 10तेसा नाशिकरे तेऊरे संगी वै जोह दू:खा में होर लेरदे लागेदे थी, यह समाचार खोजू 11त्याहे यह शुणी करे की सह जिऊंदअ होऊ होर तेसा सह हेरू, एता में बुशाह नांई करू।
दूई चेले वै यीशु रा हेराना
(लूका 24.13-35)
12एता बाद सह दूजे रूपा में त्या दूई मर्दा बे जेबरे त्याह ग्रा वै नाहदे, लागेदे थी, तेबा हेरू। 13त्याहे भी होरी वै खोज़ु, पर त्याहे एतका बुशाह नांई करू।
ग्यारा चेले वै यीशु रा हेरना
(मत्ती 28.16-20; लूका 24.36-49; यूहन्ना 20.19-23; प्रेरित 1.6-8)
14पीछे सह त्याह ग्यारा चेले भी हेरु , जेबरे त्याह रोटी खांदे बैठे दै थी, हेरू, होर त्याहे अबिश्बास होर मना री हठा री तणी उलहाना दीनी, किबेकी जासूए सह जिऊंदे हुणे बाद हेरू थी त्याहे तेऊरा बुशाह नांई करू। 15होर तेऊए त्याह वै बोलू, तमे सारे संसारा में नाशी करे लोका वै सुसमाचार रा प्रचार करा। 16ज़ो बुशाह करे होर बपतिस्मा लये तेऊरा उद्धार हुणा, पर ज़ो बुशाह नांई करे सह दोषी हूणअ; 17बुशाहा करन आले में यह चिन्ह हुणअ की त्याह मेरे ना का दुष्टात्मा काड़नी, नऊंईं-नऊंईं भाषा बोलणी , 18सर्प चकणैं, होर त्या जेहर भी झूटले तेबा भी त्याह वै किछे नांई हूणा; त्याह बमारा लोका पैंदे हाथ डाहण होर त्याह ठीक हूणे।
यीशु रा स्वर्गा वै नाहणा
(लूका 24.50-53; प्रेरित 1.9-11)
19परमेश्वर यीशु ये त्याह संघे गला करने बाद स्वर्गा वै चुआकू, होर परमेश्वरा री धूरा फेरे वैठअ। 20होर त्याह निख्ली करे हर जागाह प्रचार करू होर परमेश्वर त्याह संघे कामा करदअ रहू, होर त्याह चिन्हा संघे जोह संघे -संघे हुंदा थी, वचना मे भी मजबूत करदअ रहू। आमीन।
Currently Selected:
मरकुस 16: ISJNT
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.