मरकुस 15

पिलातुस गा यीशु टे प्रश्न

(मत्ती 27:1,2,11; लूका 23:1-5; यूहन्ना 18:28-38)

1एठा कोम्बारा टे टेमोन नी तुरुटो मुख्यायाजककु यहूदी जुना सनाकु, एठा मूसा गा नियम इथूमिठाच नी यानेकी सेबाई खाटसभाकुनी सलाह बिचार टे यीशु के टोलकेनेच। एठा डीचके ओलेडो पिलातुस जो यहूदिया जिल्हा गा रोमी राजा डा दियागा तीन जीकेनेच। 2एठा पिलातुस नी जो रोमी राज्य गा राज्यपल डा दिच्नी यीशु टे कोम्बाराके, “चोच आम यहूदी कुरकू गा राजा होय?” यीशु नी डीचके जवाब जीके, “आमनी सच्चो मंडी लक्के होय कि इंज होय।” 3एठा मुख्यायाजकु दिया लिंजेन घोनेच बातो गा आनोवा येंडाए लक्के डा। 4पिलातुस नी यीशु टे डाबोलटे कोम्बाराके, “चोच अमा तुनिका जवाब बान जीव। डोगे इंकू अमा लिंजेन चोटो बातो गा आनोवा टोकाएवा होय?” 5यीशु नी डाबोलटे कायोम्का थंदळके। एटे टाएन कि पिलातुस जेन खाट अचम्बोएन डाएन।

यीशु के गुजू दण्डो गा हुकूम

(मत्ती 27:15-26; लूका 23:13-25; यूहन्ना 18:39-19:16)

6हार साल आनाजो तिवार दौरान, पिलातुस हमेशा तुनिका म्या कैदीके आरागेच डा। डीचके कुरकू मेंबा डा कि डीचके आराकेच। दिकु घाल्जी डी कैदीकु के आरागेच डा। 7डी टेमो बरअब्बा जीमू गा म्या कोरो डा जो अलग्गो कैदीकु सेंग्गोन जेलेनके डा। दिकुनी रोमी सरकार गा खिलाफबेन कैदीनका घोच्केकु डा। 8डाबोलटे गर्दी पिलातुस गा मेरान हेन एठा डीचके, म्या कैदीके आरा घल्जी मंडी लज्जे डेनोगोका हारेक साल दडा डा। 9पिलातुस नी दिकुके इनी जवाब जीके, “चोच आपे चाहतावा होय, कि इंज आपे घाल्जी यहूदी कुरकू गा राजा के आराकेच?” 10चोयाकी पिलातुस जेन मालूम डा। कि मुख्यायाजक कुनी यीशु के जुलू कारण गा जेलेन येंडाकेनेच। 11पेनो मुख्यायाजक कुनी कुरकू गा गर्दी के भळकातिंजके कि डीच पिलातुस टे बरअब्बा के आरा गा मांग दडा, यीशु के बाने। 12इनी आजुमटे पिलातुस नी दियाटे डाबोलटे कोम्बाराके, “तो जेके आपे यहूदी कुरकू गा राजा मंडीवा होय। डिच्के इंज चोफरेज?” 13गर्दी एठा डाबोलटे चिल्लातिंजके, “डीचके क्रूस लिंजेन घोजेच!” 14पिलातुस नी दिकुटे मंडीके, “चोया इनिजनी चोच बुरा डाके होय?” पेनो गर्दी एठाभी चिल्लातिंजटे मंडीके, “डीचके क्रूस लिंजेन पेळेजेच!” 15मेटे पिलातुस नी गर्दी के कुकूशो इच्छाटे। बरअब्बा के दिकु घाल्जी आराकेनेच, डाबोलटे दिच्नी हेजा सैनिककुके हुकूम जीके कि दिकु यीशु के बाल्खा मुंडाएच, एठा डीचके क्रूस लिंजेन पेळेच्केच।

यीशु गा अपमान

(मत्ती 27:27-31; यूहन्ना 19:2-3)

16मेटे पिलातुस गा सैनिककु यीशु के राजा उरा गा दारोमेन सैजेनेच डीचके प्रिटोरीयुम (अंदाजोटे कुल तुरीई सेद्दी सैनिक) मंडी डा होय। इनी सैनिककु गा म्या खाट दल होय। 17दिकुनी डीचके बैजनी कपडे उरिके, एठा दियागा कपारेन लम्बाजनोम गा म्या मुकूट डोके एठा दिकुनी दियागा मजाक उळातिंज्के। 18डाबोलटे दिकु इनी मंडीटे दियागा मजाक उळातिंज लज्जे, “यहूदी कुरकू गा राजा नमस्कार!” 19दिकु बार-बार दियागा कापरेन डोंगळा टे मुंडाएच डा। दिकुनी दियागा बुरा डाके दडा घाल्जी, चोटोका बार दिया लिंजेन उलीच बेचके। एठा दिकु दियागा आराधना दडा गा नाटक दडा लठ्ठाका दियागा सम्मान झुकातिंजू लज्जे। 20जब दिकु दियागा मजाक उळातिन्जके होय। मेटे दिया लिंजाटे नी बैजनी कपडे आगुरुटे, दियाका कपडे डाबोलटे उरिके, एठा मेटे डीचके क्रूस लिंजेन पेपेळेच गा घाल्जी शहराटे बल्लान सैजेनेच।

यीशु के क्रूस लिजेन पेळेजेच्बा

(मत्ती 27:32-44; लूका 23:26-43; यूहन्ना 19:17-27)

21जब शहर टे बल्लान चेल्के डा। मेटे शमौन जीमू म्या कुरेनी कोरो गाँव गा ईरिया टे यरूशलेम शहरेन हेजे लक्के डा। डीच कुरेनी शहर टे डा, दियागा सिकन्दर एठा रूफुस जीमू गा कोंकु डा। सैनिक कुनी डीचके इथू लज्जे कि डीच क्रूस के टूलटे डी जगा टाएन सैय्या, देटेन दिकु यीशु के क्रूस लिंजेन पेडेजेच्बा। 22सैनिककु यीशु के गुलगुता जीमू गा जगान सैय्येनेच। डेगा आरामी भाषा गेन मतलब होय “डोबेळे गा जगा।” 23मेटे सैनिक कुनी यीशु के गन्धरस जीमू गा कटीच दवा अंगूर रेस्सो नुनू घाल्जी जीके। ताकी दिकु डीचके कासु बाकी होना घाल्जी मदत डाए। लेकिन यीशु नी डीके नुनूटे बान मेंके। 24मेटे सैनिक कुनी यीशु के क्रूस लिंजेन पेळेच्केनेच। एठा दियागा आंगीके चिराटे कटींजटे चिठ्ठी येंडाटे किजेन तुनी भागो घटाऊबा। #भजन. 22:18 25डी टेमो फेजेर गा आराई बाजाके डा जब दिकुनी यीशु के क्रूस लिजेन पेळेचकेनेच। 26सैनिक कुनी यीशु कपार लिंजेन म्या पट्टी येंडाके। डेन क्रूस लिंजेन पेपेळेच गा मतलब जीके डा। एठा डेन इनी शब्द ओल्के डा, “यहूदी कुरकू गा राजा।” 27दिकुनी यीशु गा गेल्ला बरी डाकूकिंज्के। म्याखोम के यीशु गा डाखोरया कोनेन एठा म्याखोम दियागा जेवना कोनेन क्रूस लिजेन पेळेचकेनेच। 28इनी रोंगो पवित्र ग्रंथ गा डी वचन सच्चोएनका जो मसीह गा बारेन मंडीवा होय, “डीचके म्या अपराधी रोंगो उमनाऊवा मेंबा।” #यशा. 53:12 29जो कुरकू कोरा टे चेल्के डा दिकुनी यीशु गा बारेन बुरा बातो मंडीके, दिकुनी इकुका कपार ओखेंजटे चिल्लातिंजके “वाह!” मेटे आम डिच्का होय दिच्नी जिद्दो डाके डा कि आम यरूशलेम गा मंदिर के फाळीकि एठा इंज आफाई दिनेन डीके एठाभी आरोएवा! #भजन. 22:7; 109:25 30“क्रूस लिंजाटे आगुरुटे आपना खुदके बचातिंजे।” 31इनी का रोंगो टे मुख्यायाजक भी मूसा गा नियम इथूमिठाचकू सेंग्गोन इकुका यीशु के मजाकटेका मंडी डा, “इनिजनी दुसराकुके बचातिंजकेकु, पेनो हेज्का बान बचातिंजू। 32इनी कुरकू जो इस्राएल देशो गा राजा एठा मसीह मेंबा होय। नका क्रूस लिंजाटे अगुरुए, म्हणजेकी आले डोगे एठा दिया लिंजेन विश्वास डोकी कि इनिज आलेगा राजा होय।” जो यीशु सेंग्गोन क्रूस लिंजेन पेळेचके डा। बरी आपरीधीकिंजभी यीशु गा विषय गेन बुरा बातो मंडीके।

यीशु गा गुजू

(मत्ती 27:45-56; लूका 23:44-49; यूहन्ना 19:28-30)

33डया टेमोन, पूरा देशोन अंधराएन एठा अंदाजोटे डया आफाई बजा टाएन थंदळके। 34डया गा आफाई बजा गा आसो पासो यीशु नी खाट आवाज टे हाकोटे मंडीके, “इलोई-इलोई, लमा शब्दक्तनी?” डेगा मतलब होय, “हे इंजा परमेश्वर, हे इंजा परमेश्वर, आमनी इंज्के चोया आराकेमी?” 35डी कुरकू तलाटे अदाकु नी जो दिया मेरान टेगेनके डा। डीके बातो के आजुम्के एठा म्या बर्खिंजाटे मंडीके, “आजुमे, डीच परमेश्वर कोनेटे मंडीमिठाच एलिय्याह के हेजा मदत गा घाल्जी हाको लक्के होय।” 36डी कुरकू तलाटे म्या कोरो साळुपटे काटिच डा नामुज्के। एठा डोंगळा लिंजेन धोटे डीके सुलूटजे। दिच्नी आंगीके म्या लाकीळी गा सेंडान टोल्के। एठा यीशु गा चाभु मेरान जीके म्हणजे यीशु देटे अदा खाटा अंगूर गा रेस्सो नुएवा। डी कोरोनी मंडीके, “टेंगेने एठा चोचका बाकी दडा। आलेन दोडो होना चोच परमेश्वर गा कोनेटे मंडीमिठाच एलिय्याह हेजेवा एठा डीचके क्रूस टे बचातिंजेज्बा या बाने?” #भजन. 69:21 37मेटे यीशु नी खाटटे का हाकोटे गोएन। 38खाट पारदा जो यरूशलेम गा मंदिरेन आखाके डा। जो सेबाईकु के परमेश्वर उपस्थीतीन रोराकातिंज डा। माठा टे ईटा टाएन बरी तुकडान चिराएन। 39जो सुबेदार यीशु गा सम्मान टेगेनके डा। जब यीशु चिल्लातिंजटे गोएन। मेटे सुबेदार यीशु गा आवाज के आजुम्के एठा डोके कि डीच टोनोगो गोएन। मेटे सूबेदारनी मंडीके, “सच्चोका इनी कोरो परमेश्वर गा कोण डा!” 40चोटोका जापाएकु भी लांकिटे यीशु के दोडो लक्के डा। दिकु तलाटे मरियम जो मगदेला गाँव टे डा एठा सलोमी एठा मरियम जो सानी याकूब एठा योसेस गा आंटे डा। 41जब यीशु नी गलील जिल्हान उफुन भी कोने यात्रा डावे, मेटे इनी आफाई जपाए कुनी दियागा चेलाकू गा रुपोन यीशु गा मंडी गा पालन डाके। एठा यीशु के जोभी जरुरत डाऊ डा डीके पुराएवा एठा चोटोका अलग्गो जपाएकु भी गलील शहर टे यीशु गा सेंग्गो-सेंग्गो डा एठा सेंग्गोन यरूशलेम शहर हेन। डी जपाएकु भी लेंक्कीटे दोडो लक्के डा। #लूका 8:2-3

यूसुफ गा मार्गोटोन यीशु गाड़ातिन्जेच्बा

(मत्ती 27:57-61; लूका 23:50-56; यूहन्ना 19:38-42)

42-43यूसुफ जीमू गा म्या कोरो जो अरिमतियाह शहर गा डा। डीच महासभा गा म्या खाट मुख्या डा। देटेन डी टेमो के ताथाराव लक्के डा जब परमेश्वर हेजा गा राज्यन कुरकू लिंजेन राजो दडा सुरोएबा। देटेन हिम्मत टे पिलातुस गा मेरान ओले एठा यीशु कोम्बोरके गगाळातिंज घाल्जी दियाटे हुकूम सावे। दिकुनी एनोगो इनिघल्जी डाके चोयाकी तैयारी गा दिन पेलाका डयाजे। यहूदी कुरकू गा चोखरा दिन टे पेला इनी दिन डा। जब दिकुनी यीशु गा कोम्बोर सा गगाळातिंज मना डा। 44पिलातुस नी अचाम्बोएन, कि यीशु एटो जल्लो गोएन। एठा दिच्नी सुबेदार के हाकोटे कोम्बराके, “चोच सच्चोका यीशु एटो जल्दी गोएन?” 45जब पिलातुस नी सुबेदार गा व्दारा यीशु गा गुजू गा बारेन चिनाएजे। मेटे दिच्नी यूसुफ यीशु गा कोम्बोर गगाळातिंज गा हुकूम जीके। 46यूसुफ नी यीशु गा कोम्बोरके क्रूस टे इटान आगुरुके एठा डीचके म्या महेंगा नेरोम चद्दारेन उगुरकेनेच। एठा यीशु गा कोम्बोरके म्या गुफान डोके। जो पठान आरुके डा, एठा कब्र गा दारवाजा गा सम्मान म्या खाट घोटाके धिकलीके। 47एठा मरियम मगदेला गाँव गा डा एठा मरियम जो याकूब गा आंटे एठा योसेस दोडो लक्के डा कि डीचके डी गगाळातिंज गुफान तोटेन डोकेनेच।

Currently Selected:

मरकुस 15: GOKNT

ማድመቅ

Copy