मत्ती 27

पिलातुस गा सम्मान यीशु

(मरकुस 15:1; लूका 23:1-2; यूहन्ना 18:28-32)

1मेटे फेजेरजे डा, मेटे मुख्यायाजककु एठा कुरकू गा यहूदी जुना सनाकु नी यीशु के घोगेज गा सलाह डाके। 2एठा दिकुनी डीचके टोलकेनेच ओलेडो पिलातुस जो यहूदिया जिल्हा गा रोमी राज्यपाल डा दियागा टीन जीकेनेच।

यहूदा इस्करियोती गा खुद का गुजू

3जब डीचके उठामिठाच यहूदा इस्करियोती के मालूम्जे, कि यीशु के घोगेच गा दण्डो घल्जी दोषी ठहराकेनेच होय। मेटे डीचनी जो डाके डा दिजेन पास्ताव लज्जे। एठा डीच तीसो चाँदी गा चिक्खा मुख्यायाजक एठा यहूदी जुना सनाकु गा मेरान डाबोलटे साले। 4एठा मंडीके, “इंज्नी निर्दोषी कोरो के उठाकेनेच पापो डावे होय।” दिकुनी मंडीके, “आले डी बारेन परवाह बाने होय” आम इनिजा जिम्मेदार होय। 5मेटे देटेन डी चाँदी चिक्खानौर के यरूशलेम गा मंदिर गा दारोमेन टेप्पाके डो ओले मेना, एठा सेने डो आम खुदके फांसी जे।

6मुख्यायाजक कुनी डी चाँदी चिक्खा के साटे मंडीके, “इनी चाँदी चिक्खा के आलेगा नियम आलेके मंदिर गा खजानान दोडो गा अनुमति पचना बान जिऊ।” 7इनिघल्जी दिकुनी डी चाँदी चिक्खानौर टे अजनबीकु कुरकू गा म्हाळाके गागळातिंज गा घल्जी कुम्हार गा खिटी मोलाटे सावे। 8इनी वोजीटे देटेन खिटी टैंज टाएन पचना गा खिटी मंडीवा होय। 9इनी यिर्मयाह परमेश्वर गा कोनेटे मंडीमिठाच गा द्वारा टे मंडीके मिनी बातो के पुराऊ घल्जी डाएन होय। “#27:9 आसाल गेन इनी बिचार जकर्याह परमेश्वर गा कोनेटे मंडीमिठाच गा पुस्तक टे सावे होय जकर्याह 11;12-13दिकुनी तीसो चाँदी चिक्खा जो इस्राएली कुरकू नी यीशु घल्जी किम्मात जीके डा, डी चिक्खानौर साटे, 10जैसा प्रभु नी इंज्के हुकूम जिले डा, डेनोगोका दिकुनी इनी चाँदी चिक्खा इस्तमाल कुम्हार गा खिटीके सा गा घल्जी डाके।”

पिलातुस गा यीशु टे प्रश्न

(मरकुस 15:2-5; लूका 23:3-5; यूहन्ना 18:33-38)

11मेटे यीशु हाकिम गा सम्मान टेगेनके डा, मेटे हाकिम नी डीचके कोम्बाराके, कि चोच आम यहूदी कुरकू गा राज्यपाल होय? यीशु नी डीचके मंडीके, आमनी अमाका मंडीके लक्के। 12एठा मुख्यायाजकु एठा यहूदी जुना सनाकु दिया लिंजेन घोनेच बातो गा आनोवा येंडाए लक्के डा डो डीचनी चोचकाभी जवाब बान जिडुका। 13येने लिंजेन पिलातुस नी यीशु टे मंडीके, “चोच आम बान मंडी लक्के, कि इनी कुरकू अमा लिंजेन चोटो दोष तोटाका लक्के।” 14पेनो डीचनी डीचके म्या भी जवाब जिडुका, येटे टाएन कि राज्यपाल के खाट आचोम्बो डायेन।

यीशु के आरा गेन पिलातुस कामय बान डुका

(मरकुस 15:6-15; लूका 23:13-25; यूहन्ना 18:39-19:16)

15राज्यपाल हारेक फसह तिवार गेन तुनिकाभी कैदीके यहूदी कुरकू गा इच्छा रोंगो गा आरागेच डा। 16डी टेमो बरअब्बा जीमू गा म्या कोरो डा जो अलग्गो कैदीकु सेंग्गोन जेलेनके डा। दिकुनी रोमी सरकार गा खिलाफबेन कैदीनका घोच्केकु डा। 17इनिघल्जी मेटे दिकु म्याखठ्ठा के डा, मेटे पिलातुस नी दिकुके मंडीके, “आम जेके चाहतावा, कि इंज आपे घल्जी आरागेच? बरअब्बा के, या यीशु के जो मसीह मंडीवा होय?” 18चोयाकी पिलातुस जेन मालूम डा। कि मुख्यायाजक कुनी यीशु के जुलू कारण गा जेलेन येंडाकेनेच। 19मेटे देटेन न्याय गा सिंघासन लिंजेन सुबांके डा मेटे दियागा जापाएटे नी डीचके खाबोर कुलके, “आम डी धर्म गा ममालान टी बाकी येंडा, चोयाकी इंज्नी टाइंज रातो सापनान दियागा वोजीटे इंजा मनेन भेबाव तखलिफ डाएन।” 20मुख्यायाजक एठा यहूदी जुना सनाकु नी कुरकू नी उक्सातिंजकेनेच बरअब्बा के आराकेच, एठा यीशु के घोच्केच। 21राज्यपाल नी डीचके कोम्बाराके, कि इनी बार्खिंज तालाटे तुनिज्के लाळबा होय, कि आपेगा घांजी आराकेच? दिकुनी मंडीके बरअब्बा यीशु के देटेन क्रूस लिजेन पेळेचजेचबा। 22पिलातुस नी दिकुके कोम्बाराके, एठा यीशु के जो मसीह मंडीवा, होय, कि चोफरेज? सेबाईकु नी डीचके मंडी लज्जे, देटेन क्रूस लिंजेन। 23हाकिम नी मंडीके, चोया, डीचनी चोच बुरा डाके होय? पेनो डीच एठाभी चील्लातीन्जके, चिल्लातिंजटे मंडी लज्जे, देटेन क्रूस लिंजेन पेळेजेच। 24मेटे पिलातुस डोके, कि चोचका बंडाऊ बाने पेनो इनिजगा बारेन हल्ला डाऊवा मेना होय, मेटे डीचनी डा साटे गर्दी गा सम्मान हेजा गा टी आबुन्ज्बे, एठा मंडीके, “इंज इनी धर्मी गा पचना टे निर्दोष होय आपेका जाने।” 25सेबाई कुरकू नी जवाब जीके, “इनिजगा पचना आले लिंजेन एठा आलेगा कोणकु लिजेन जू।”

क्रूस लिजेन पेपेळेज गा घांजी जीकेनेच

26इनी जगा लिंजेन डीचनी बरअब्बा के दिकु घांजी आराके, एठा यीशु के बल्खा मुन्डाके, कि क्रूस लिंजेन पेळेचकेनेच।

सिपाईकु द्वारा यीशु गा अपमान

(मरकुस 15:16-20; यूहन्ना 19:2-3)

27मेटे पिलातुस गा सैनिककु यीशु के राज्यपाल उरा गा दारोमेन सैजेनेच डीचके प्रिटोरीयुम (अंदाजोटे कुल तुरीई सेद्दी सैनिक) मंडी डा होय। इनी सैनिककु गा म्या खाट दल होय। 28एठा दियागा कपळे कोलाटे डीचके राटा कुर्ता उरिके। 29एठा जानोम गा मुकूट गुंडीकेडो दियागा कापरा लिंजेन डोके, एठा दियागा डाखोरया टी गेन लठ्ठा जीके, एठा दियागा सम्मान ठोपरे जेगाटे दियागा माजाक उळातिंजे लज्जे कि हे यहूदी कुरकू गा राजा नमस्कार। 30एठा दिया लिंजेन बेचके, एठा डीका लठ्ठा साटे दियागा कापरेन मुंडाये लज्जे। 31जब दिकु दियागा मजाक उळातिंजके होय। मेटे दिया लिंजाटे नी बैजनी कपडे आगुरुटे, दियाका कपडे डाबोलटे उरिके, एठा मेटे डीचके क्रूस लिंजेन पेपेळेच गा घाल्जी शहराटे बल्लान सैजेनेच।

यीशु के क्रूस लिजेन पेपेळेज

(मरकुस 15:21-32; लूका 23:26-43; यूहन्ना 19:17-27)

32बल्लान चेल्के टेमो दियेन शमौन जीमू म्या कुरेनी कोरो घाटाएन, दिकुनी डीचके बिना उरा गा उठाकेनेच कि दियागा क्रूस टूले बो सेगे। 33एठा जब दिकु गुलगुता गा जीमू गा जगान आदिरजे, डेगा अर्थ डोबळे गा जागा मंडीवा होय। 34मेटे सैनिक कुनी यीशु के गन्धरस जीमू गा कटीच दवा अंगूर रेस्सो नुनू घाल्जी जीके। ताकी दिकु डीचके कासु बाकी होना घाल्जी मदत डाए। लेकिन यीशु नी डीके नुनूटे बान मेंके। 35मेटे सैनिक कुनी यीशु के क्रूस लिंजेन पेळेच्केनेच। एठा दियागा आंगीके चिराटे टुकडाटे कटींजटे चिठ्ठी येंडाटे किजेन तुनी भागो घटाऊबा। 36एठा देटेन सुबानजेडो डीचके जागली लज्जे। 37एठा दिकुनी दियागा कपरा माठान आनोवापत्रा येंडाके डा, दियागा माठान इनी ओल्के डा, “यहूदी कुरकू गा राजा यीशु होय।” 38डीका टेमो दिकुनी यीशु गा सेंग्गोन बरी चोर किंज के, म्याखोम के दियागा डाखोरया बाजू गा मेरान एठा दूसराके दियागा जेवना बाजू गा मेरान क्रूस लिंजेन पेळेच्केनेच। 39एठा हेजे सेने मिंकू कपार ओखेंजटे यीशु गा बारेन बुरा बातो लज्जे। 40एठा येटेन मंडीवाकी, कि हे मंदिर गा ओखेंज मिठाच एठा तीन दिनेन आरुमिठाच, आपना खुदके मेटे बचातिंजकोम, अगर अमा परमेश्वर गा कोण होय, मेटे क्रूस लिंजेन टे आगुरू केनेच। 41इनी का रोंगो टे मुख्यायाजक भी मूसा गा नियम इथूमिठाचकू यहूदी जुना सनाकु सेंग्गोन इकुका यीशु के मजाकटेका मंडी डा, “इनिजनी दुसराकुके बचातिंजकेकु, पेनो हेज्का बान बाचातिंजू 42इनिजनी दूसराके बचातिंजकेनेच, कुरकू जो इस्राएल देशो गा राजा एठा मसीह मेंबा होय। नका क्रूस लिंजाटे अगुरुए, म्हणजेकी आले डोगे एठा दिया लिंजेन विश्वास डोकी कि इनिज आलेगा राजा होय। 43डीचनी परमेश्वर गा लिंजेन भरोसा डोके होय, अगर देटेन इनिज्के चाहतावा होय, डो आय इनिज्के आराकेच, चोयाकी इनिज मंडीके, कि इंज परमेश्वर गा कोण होय?” 44इनी कुरकू जो इस्राएल गा राजा एठा मसीह मेंबा होय। नका क्रूस लिंजाटे अगुरुए, म्हणजेकी आले डोगे एठा दिया लिंजेन विश्वास डोकी कि इनिज आलेगा राजा होय। जो यीशु सेंग्गोन क्रूस लिंजेन पेळेचके डा। बरी आपरीधीकिंजभी यीशु गा विषय गेन बुरा बातो मंडीके।

यीशु गा जान आरा

(मरकुस 15:33-41; लूका 23:44-49; यूहन्ना 19:28-30)

45डया टेमोन, पूरा देशोन अंधराएन एठा अंदाजोटे डया आफाई बजा टाएन थंदळके। 46तिसरा पार गा मेरान यीशु नी खाट आवाज टे हाकोटे मंडीके “एली-एली, लम्बा आवाज?” डेगा मतलब होय “हे इंजगा परमेश्वर, हे इंजगा परमेश्वर, आमनी इंज्के चोज आराकेमी?” 47जो देटेन कुरकू तलाटे अदाकु नी जो दिया मेरान टेगेनके डा। डीके बातो के आजुम्के एठा म्या बर्खिंजाटे मंडीके, “आजुमे, डीच परमेश्वर कोनेटे मंडीमिठाच एलिय्याह के हेजा मदत गा घाल्जी हाको लक्के होय।” 48दिकु तलाटे म्याखोम तुरुटो साळूप के, फोसेट के काटिच डा गेन नमुज्के, एठा लठ्ठा गा सेंडान धोटे डीके सुलूटजे। 49दूसराकु नी मंडीके, थंदळकु, डोगे एलिय्याह डीचके बबाचातिंज हेजेवा होय कि बाने। 50मेटे यीशु नी खाट आवाज टे चिल्लातिंजटे जान आराके मेना। 51खाट पारदा जो यरूशलेम गा मंदिरेन आखाके डा। जो सेबाईकु के परमेश्वर उपस्थीतीन रोराकातिंज डा। माठा टे ईटा टाएन बरी तुकडान चिराएन एठा वोटे हिलातिंज्जे एठा पाठा चिराएन। 52एठा कब्रा खुल्लायेन डा, चोटोका चोखरा कुरकू गा कोम्बोर जीटाएन मेना डा। 53एठा यीशु गोएन मिठाच जाटे जीटाएन गा बादोन डी कब्रा गा टे ओटजे डो चोखरा पूरा यरूशलेम गेन ओले, एठा घोनेच कुरकून डोएन मेना। 54मेटे म्या सेद्दी सैनिककु गा मुख्या एठा जो दियागा सेंग्गोन यीशु गा पहरा जिऊ लक्के डा, भूकंप एठा जो चोच्काभी डा, डीके धोटे भेबाव हिगराएन एठा मंडीके, “सच्चोका इनीच परमेश्वर गा कोण डा!” 55देटेन घोनेच जापाएकु जो गलील जिल्हा टे यीशु गा सेवा दडा लठ्ठा दियागा सेंग्गोन हेन डा, दिकु लेंक्कीटे दोडो लक्के डा। 56दिकु तालाटे मरियम जो मगदेला गाँव टे डा एठा याकूब एठा योसेस गा आंटे मरियम एठा यीशु मसीह गा चेलाकू जब्दी गा कोणकुटे याकूब एठा यूहन्ना गा आंटे डा।

यीशु के घागळा तिंज

(मरकुस 15:42-47; लूका 23:50-56; यूहन्ना 19:38-42)

57मेटे सिंगुरूपजे मेटे यूसुफ जीमू अरिमतियाह पूरा गा म्या डामा कोरो जो हेज्का यीशु गा चेलाकू डा, हेन डीचनी पिलातुस गा मेरान ओलेडो यीशु गा म्हाळा आसिवे। 58डीचनी पिलातुस गा मेरान ओलेडो यीशु गा म्हाळा आसिवे। एने लिंजेन पिलातुस नी जिऊ गा हुकूम जीके। 59यूसुफ म्हाळाके साटे डीचके पुलूम चद्दार डोकेनेच। 60एठा डीचनी दियागा उनाई कब्रा गेन डोकेनेच, जो डीचनी पाठान खुशीके डा, एठा कब्रा गा दारोजोन लिंजेन खाट घोटा धिकलीके डा। 61एठा मरियम जो मगदेला गाँव गा डा एठा मरियम जो सानी याकूब एठा योसेस गा आंटे दोडो लक्के डा कि डीचके डी गगाळातिंज गुफान तोटेन डोकेनेच।

यीशु गा मार्गोटो के जागली

62दूसरा दिन, चोखरा दिनके, मुख्यायाजक एठा चोटोकु फरीसि कुरकू पिलातुस टे मिलातिंजटे मंडीके। 63“हे स्वामी, आलेन यादो होय, कि डीचनी हेजा गा जीटा जीटान लाबाळ मंडीके डा, कि इंज गुजू गा तीन दिन गा बादोन इंज डबोलटे जीटाऊवा। 64इनिघल्जी अनुमति सेगे चोयाकी आलेन जरुरात होय, आफाई दिन टाएन कब्रा गा जागली होना, अगर आम एगो बाने टासो डो दियागा चेलाकू हेजेवा डो दिया गोएन कोम्बोरके चुरेवा, एठा कुरकू टे मांडे लक्के, कि देटेन गोएन मिठाच टे जीटउवा होय। मेटे तौगा धोका पेला टे भी बुरा डाऊवा।” 65मेटे पिलातुस नी दिकुटे मंडीके, “आपे अदा सैनिककुके सैय्याकु। एठा जितना आपेटे डाऊ टासो देटोका कब्र गा जागली डाए।” 66इनिघल्जी दिकुनी ओलेडो कब्र लिजेन इकुगा निशान येंडाटे मुगा दारोजो के बंदोटे सुरक्षा हारुके ताकी जेकाभी इनिके हेजा जगा टे बाकी बाबुजू। डबोलटे दिकुनी कब्र गा दोडो गा घल्जी चोटोका सैनिककुके डोकेकु।

Currently Selected:

मत्ती 27: GOKNT

ማድመቅ

Copy