ትንቢተ አሞጽ 1
1
1በቴቁሔ በላም ጠባቂዎች መካከል የነበረ አሞጽ በይሁዳ ንጉሥ በዖዝያን ዘመን፥ በእስራኤልም ንጉሥ በዮአስ ልጅ በኢዮርብዓም ዘመን፥ የምድር መናወጥ ከሆነበት ከሁለት ዓመት በፊት ስለ ኢየሩሳሌም#ዕብ. “እስራኤል” ይላል። ያየው ቃል ይህ ነው።
2እንዲህም አለ፥ “እግዚአብሔር ከጽዮን ሆኖ ድምፁን ከፍ አድርጎ ይናገራል፤ ከኢየሩሳሌምም ሆኖ ቃሉን ይሰጣል፤ የእረኞችም ማሰማሪያዎች ያለቅሳሉ፤ የቀርሜሎስም ራስ ይደርቃል።”
ስለ ቂር
3እግዚአብሔር እንዲህ ይላል፥ “የገለዓድን ነፍሰ ጡሮች በብረት መጋዝ ሰንጥቀዋቸዋልና#ዕብ. “በብረት መንኰራኵር ረግጠዋልና” ይላል። ስለ ሦስት ወይም ስለ አራት የደማስቆ ኀጢአት መቅሠፍቴን ከማድረግ አልመለስላቸውም። 4በአዛሄል ቤት ላይ እሳትን እሰድዳለሁ፤ የወልደ አዴርንም መሠረቶች ትበላለች። 5የደማስቆንም ቍልፎች እሰብራለሁ፤ በአዎን ሸለቆ የሚኖሩትንም ሰዎች አጠፋለሁ፤ የካራን ሰዎች ወገኖችንም እቈራርጣለሁ፤ የሶርያ ሕዝብም ወደ ቂር ይማረካሉ፤”#ዕብ. “በትር የያዘውንም ከዔደን ቤት አጠፋለሁ” ይላል። ይላል እግዚአብሔር።
ስለ ፍልስጥኤም
6እግዚአብሔር እንዲህ ይላል፥ “በኤዶምያስ ይዘጉባቸው#ዕብ. “ለኤዶምያስ አሳልፈው ይስጧቸው” ይላል። ዘንድ የሰሎሞንን#“የሰሎሞንን” የሚለው በዕብ. የለም። ምርኮ ማርከዋልና ስለ ሦስት ወይም ስለ አራት የጋዛ ኀጢአት መቅሠፍቴን ከማድረግ#“መቅሰፍቴን ከማድረግ” በዕብ. ብቻ። አልመለስላቸውም። 7በጋዛ ቅጥር ላይ እሳትን እሰድዳለሁ፤ መሠረቶችዋንም#ዕብ. “አዳራሾችዋን” ይላል። ትበላለች። 8የአዛጦን ነዋሪዎችን አጠፋለሁ፤ የአስቀሎናም ሕዝብ ይጠፋለሁ፤#ዕብ. “በትረ መንግሥት የያዘውንም ከእስቀሎና” ይላል። እጄንም በአቃሮን ላይ እመልሳለሁ፤ ከፍልስጥኤማውያን የቀሩትም ይጠፋሉ” ይላል ጌታ እግዚአብሔር።
ስለ ጢሮስ
9እግዚአብሔር እንዲህ ይላል፥ “የሰሎሞን ምርኮኞችን በኤዶምያስ ዘግተዋልና፥#ዕብ. “ምርኮኞችን ሁሉ ለኤዶምያስ አሳልፈው ሰጥተዋልና” ይላል። የወንድሞችንም ቃል ኪዳን አላሰቡምና ስለ ሦስት ወይም ስለ አራት የጢሮስ ኀጢአት አልመለስላቸውም።#ዕብ. “መቅሰፍቴን ከማድረግ” ይላል። 10በጢሮስ ቅጥር ላይ እሳትን አሰድዳለሁ፤ መሠረቶችዋንም ትበላለች።”
ስለ ኤዶም
11እግዚአብሔር እንዲህ ይላል፦“ወንድሙን በሰይፍ አሳድዶታልና፥ በምድር ላይም ማኅፀንን አርክሶአልና፥ የሚዘልፈውንና የሚያስደነግጠውን#ዕብ. “ቍጣውንም ሁልጊዜ አበርትቶአልና” ይላል። በርብሮአልና፥ መዓቱንም ለዘለዓለም ጠብቆአልና ስለ ሦስት ወይም ስለ አራት የኤዶምያስ ኀጢአት መቅሠፍቴን ከማድረግ#“መቅሠፍቴን ከማድረግ” የሚለው በዕብ. ብቻ። አልመለስላቸውም። 12በቴማን ላይ እሳትን እሰድዳለሁ፤ የቅጥርዋንም መሠረቶች#ዕብ. “የባሶራንም አዳራሾች” ይላል። ትበላለች።”
ስለ አሞን
13እግዚአብሔር እንዲህ ይላል፥ “ዳርቻቸውን ያሰፉ ዘንድ የገለዓድን ነፍሰ ጡሮች ቀድደዋልና ስለ ሦስት ወይም ስለ አራት የአሞን ልጆች ኀጢአት መቅሠፍቴን ከማድረግ አልመለስም። 14በራባ ቅጥር ላይ እሳትን አነድዳለሁ፤ በጦርነት ቀን በጩኸት#ዕብ. “በአውሎ ነፋስ” ይላል። መሠረቶችዋን ትበላለች፤ በፍጻሜዋም ቀን ትናወጣለች። 15ንጉሦቻቸውን፥ አለቆቻቸውንና ካህኖቻቸውን#“ካህኖቻቸውን” የሚለው በዕብ. የለም። በአንድነት ይማርኳቸዋል፥” ይላል እግዚአብሔር።
Currently Selected:
ትንቢተ አሞጽ 1: አማ2000
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
