መዝሙረ ዳዊት 145

145

1የዳዊት የምስጋና መዝሙር።

አምላኬ ንጉሤ ሆይ፥ ከፍ ከፍ አደርግሃለሁ፥

ስምህንም ለዘለዓለም ዓለምም እባርካለሁ።

2 # መዝ. 34፥2። በየቀኑ ሁሉ እባርክሃለሁ፥

ስምህንም ለዘለዓለም ዓለምም አመሰግናለሁ።

3 # መዝ. 48፥2፤ 95፥3፤ 96፥4፤ ኢዮብ 36፥26። ጌታ ታላቅ ነው እጅግም የተመሰገነ ነው፥

ታላቅነቱም የማይመረመር ነው።

4 # መዝ. 22፥31-32፤ 48፥14-15፤ 71፥18፤ 78፥4፤ ዘፀ. 10፥2፤ ዘዳ. 4፥9። ትውልደ ትውልድ ሥራህን ያመሰግናሉ፥

ኃይልህንም ያወራሉ።

5 # መዝ. 96፥3፤ 105፥2። የቅድስናህን ግርማ ክብር ይናገራሉ፥

ተኣምራትህንም ይነጋገራሉ።

6 # መዝ. 66፥3። የግርማህንም ኃይል ይናገራሉ፥

ታላቅነትህንም ይነጋገራሉ፥

ብርታትህንም ይነጋገራሉ።

7የቸርነትህን ብዛት መታሰብ ያወጣሉ፥

በጽድቅህም ሐሤትን ያደርጋሉ።

8 # መዝ. 86፥5፤ 15፤ 103፥8፤ ዘፀ. 34፥6፤ ሲራ. 2፥11። ጌታ ርኅሩኅና መሓሪ ነው፥

ከቁጣ የራቀ፥ ጽኑ ፍቅሩም ብዙ ነው፥

9 # መዝ. 103፥13፤ ጥበ. 11፥24። ጌታ ለሁሉም ቸር ነው።

ምሕረቱም በሥራው ሁሉ ላይ ነው።

10 # ዳን. 3፥57። አቤቱ፥ ሥራህ ሁሉ ያመሰግኑሃል፥

ቅዱሳንህም ይባርኩሃል።

11የመንግሥትህን ክብር ይናገራሉ፥

ኃይልህንም ይነጋገራሉ፥

12ለሰው ልጆች ኃይልህን

የመንግሥትህንም ግርማ ክብር ያስታውቁ ዘንድ

13 # መዝ. 10፥16፤ 102፥13፤ 146፥10፤ ሰቆ.ኤ. 5፥19፤ ዳን. 3፥33፤ ራእ. 11፥15። መንግሥትህ የዘለዓለም መንግሥት ናት፥

ግዛትህም ለልጅ ልጅ ነው።

14 # መዝ. 94፥18፤ 146፥8። ጌታ በቃሎቹ የታመነ ነው፥

በሥራውም ሁሉ ጻድቅ ነው፥

ጌታ የሚወድቁትን ሁሉ ይደግፋቸዋል፥

ያጎነበሱትንም ያነሣቸዋል።

15 # መዝ. 136፥25፤ 104፥27-28፤ ማቴ. 6፥25-26። የሁሉ ዐይን አንተን ተስፋ ያደርጋል፥

አንተም ምግባቸውን በየጊዜው ትሰጣቸዋለህ።

16አንተ እጅህን ትከፍታለህ፥

ሕይወት ላለውም ሁሉ መልካምን ታጠግባለህ።

17 # ዘዳ. 32፥4። ጌታ በመንገዱ ሁሉ ጻድቅ ነው

በሥራውም ሁሉ ቸር ነው።

18 # ዘዳ. 4፥7፤ ኢሳ. 55፥6፤ 58፥9። ጌታ ለሚጠሩት ሁሉ፥

በእውነት ለሚጠሩት ሁሉ ቅርብ ነው።

19 # መዝ. 34፥18። ለሚፈሩት ምኞታቸውን ያሳካል፥

ጩኸታቸውንም ይሰማል ያድናቸዋልም።

20 # መሳ. 5፥31። ጌታ የሚወድዱትን ሁሉ ይጠብቃል፥

ክፉዎችንም ሁሉ ያጠፋል።

21አፌ የጌታን ምስጋና ይናገራል፥

ሥጋም ሁሉ ለዘለዓለም ዓለም የተቀደሰውን ስሙን ይባርክ።

Currently Selected:

መዝሙረ ዳዊት 145: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ስለ መጽሐፍ ቅዱስ - (ካቶሊካዊ እትም - ኤማሁስ) ተጨማሪ ይወቁ

መዝሙረ ዳዊት 145

ከ
{{ምዕራፍ}}
ታዋቂ የመጽሐፍ ቅዱስ ጥቅሶች

Bible:

አማርኛ

Version: መጽሐፍ ቅዱስ - (ካቶሊካዊ እትም - ኤማሁስ) - መቅካእኤ