መዝሙረ ዳዊት 112

112

1 # መዝ. 1፥1-2፤ 119፥1-2፤ 128፥1። ሃሌ ሉያ።

ጌታን የሚፈራ፥

ትእዛዙንም እጅግ የሚወድድ ሰው ብፁዕ ነው።

2ዘሩ በምድር ላይ ኃያል ይሆናል፥

የቅኖች ትውልድ ትባረካለች።

3ክብርና ሀብት በቤቱ ነው፥

ጽድቁም ለዘለዓለም ይኖራል።

4 # መዝ. 37፥6፤ 97፥11፤ ምሳ. 13፥9፤ ኢሳ. 58፥10። ለቅኖች ብርሃን በጨለማ ወጣ፥

መሓሪ፥ ርኅሩኅና ጻድቅ ነው።

5ቸር ሰው ይራራል ያበድራልም፥

ነገሩንም በቀና መንገድ ይፈጽማል።

6 # ምሳ. 10፥7፤ ጥበ. 8፥13። ለዘለዓለም አይናወጥም፥

የጻድቅ መታሰቢያ ለዘለዓለም ይኖራል።

7ክፉ ዜናን አይፈራም፥

ልቡ የጸና፥ በጌታም የታመነ ነው።

8በጠላቶቹ ላይ እስኪኮራ ድረስ

ልቡ ጽኑ ነው፥ አይፈራምም።

9 # ምሳ. 22፥9፤ 2ቆሮ. 9፥9። በተነ፥ ለችግረኞችም ሰጠ፥

ጽድቁ ለዘለዓለም ዓለም ይኖራል፥

ቀንዱም#112፥9 ኃይልም በክብር ከፍ ከፍ ይላል።

10ክፉ ሰውም አይቶት ይቈጣል፥

ጥርሱንም ያፋጫል፥ ይቀልጣልም፥

የክፉዎች ምኞት ትጠፋለች።

Currently Selected:

መዝሙረ ዳዊት 112: መቅካእኤ

ማድመቅ

Copy

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ

ከ
{{ምዕራፍ}}
ታዋቂ የመጽሐፍ ቅዱስ ጥቅሶች