SEMPANHNAK 7
7
Tilawi
1Noah hnenah Bawipa in, “Ning innkua in lawng songah lut tuhang ih; zaimantifangin laivum mi hmuahhmuah lakah nangmah pakhat ian i mithmuh ah midikcang isi. 2A cianghlim aih pha ramsa phunkhim songin phunkhat ah khuah sarih ṭen in lang tu; ikhalselai a cianghlimlo ramsa tu a nuu le a paa khuahkhat ṭen lek keng tuh isi. 3Vaniu khai a phunkhim in phunkhat ah khuah sarih ṭen in keng tu. Hemite tu laipua vumah a ci zaitu leh tuh i. 4Tun hnua ni sarih fangin laipua vumah ni sawmli le zan sawmli song ruahsiruai tuhai i bawnciahnak nunghing hmuahhmuah siatsuah tuh sek i,” tiin ti i. 5Cen Bawipa thupeciahnak bang rori in Noah in bawn sio i.
6Tilawi a tlung fangin Noah tu kum zaruk i. 7A nupui le a fapate le a fapa ai nupuite tu tilawi songin luat tuhin lawng songah lut tlang i.#Mat 24:38-39; Luk 17:27 8Ramsa le vaniu a cianghlim ituseh cianghlim lo ituseh a phunkhim in a nuu pakhat le a paa pakhat ṭen, 9Pathian ai thupeciahnak bangin Noah thawn lawng songah lut tlang i. 10Ni sarih hnuaah laipua vumah tilawi tlung i.
11Noah kum zaruk a khim hnua hla hnihhnak, ni hlaisarih nia ah, laipua hnia ai tipui heh nuamhmuncang in phul diamdo i; cen van dawngkham hmuahhmuah hong ai ruah khiah a bung in bung i;#2Pet 3:6 12ciatihin laivum ah ni sawmli le a zan sawmli song ruah catloin si pan thlurhthlo i.
13Ciami nia ah Noah le a nupui, a fapate pa thum Shem, Ham le Japhet le a nupuite tu lawng songah lut tlang i. 14Anite thawn hmunkhat in hampalak ramsa ituseh, innzuat sumhnam ituseh, a vak thai hmuahhmuah le vaniu hinkhim khai lut tlang i. 15Ramsa a phunkhim in, a nuu le a paa ṭen in, Noah lawng songah Pathian ai thupeciahnak bangin lut tlang i. 16Cen Noah a lut ngah fangin Bawipa in dawngkham kham sah i.
17Ni sawmli tilawi a tlung hnuaah ti tam amam in khang ai lawng heh ti vumah lang luanglo i. 18Ti tu thuk amam ai ti vumah lawng khiah lang vung i. 19Tilawi heh thuk amam manin a sang ber mualtlangta khai pil sek i. 20Cia vumah ti khiah mual phundir cungah pi kulhluan nga kai i. 21Laivum ai nunghing hmuahhmuah, minung ituseh, ramsa le vaniu ituseh, zuzit khokhuak tianin thi sek i. 22Laivum ah um ai nunhnak a naimi hmuahhmuah in thi sek i. 23Laivum ai a vak thai hmuahhmuah; minung, ramsa le vaniu a cik ber tianin Bawipa in thiruai sek i. A siatsuah lohnak tu Noah le amah thawn lawng songah umtute lek i. 24Ti heh laivum ah ni za le ni sawmnga song niam loin lawi meng i.
Currently Selected:
SEMPANHNAK 7: RZB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Zanniat Bible © Bible Society of Myanmar, 2018.
