SEMPANHNAK 8
8
Tilawi Kanghnak
1Pathian in Noah le amah thawn lawng songai a umtu ramsa hinkhim hmuahhmuah heh hih hlen i. Ciamanin laipua vumah hlivua zuangruai ai ti khiah kang betbo i. 2Lai hnia ai tipui in tilu phulhnak le vancung dawngkham hmuah pit leh sek i. Vanruah khai hang ai, 3ti kang leh rianro i. Ni za le sawmnga hnua fangin ti niam deuhdeuh ai, 4hla sarihhnak#8:4 hla sarihhnak tihnak tu ‘Tishri’ tihnak i ai September le October dung i. ni hlaisarih nia ah, lawng heh Ararat mual vumah tang i. 5Tilawi kang rianro ai hla hrahnak#8:5Hla hrahnaktihnak tu ‘Tebeth’ ti tlang ai December le January hla dung i. ni khat nia fangin mual phundir pawl dak i.
6Ni sawmli hnuaah Noah in lawng tukvirh hong ai, 7langak pakhat hlat i. Langak tu let lo i, laivum ai tilawi a kang sek hlan lo rong le ra in zuang i. 8Cen Noah in tilawi kang na hang maw ti ling nuam manin khuro pakhat hlat i. 9Ikhalselai tilawi in laivum khuk lai hlen thotho manin khuro in a khop hmun tuh tawk thil lo i. Ciamanin Noah in a kut suah ai khuro heh lawng songah khum i. 10Ni sarih a iang hnuaah khuro hlat lehthio i. 11Cia zan lam fangin khuro let ai a kahmur ah olive thinghnah hing a thiar khiah Noah in hmu i. Ciafangin ti kang ngaingai zo ihang tiin Noah in ling i. 12Cen Noah in ni sarih iang ai ciami khuro hlat lala i. Ciami khuro tu let nawn lo i.
13Noah kum zaruk le kum khat a khim kum, hla hmasaber, #8:13hla hmasabertihnak tu ‘Nisan’ ti tlang ai March le April hla dung i. ni khathnak nia ah laipua vumah ti kang sio ihang. A lawng khukhnak hong ai a sik fangin laipua ro sio hmu i. 14A hla hnihhnak, ni kul hluansarih nia ah laipua ro ngah sio i.
15Ciafangin Pathian in Noah hnenah, 16“Na nupui, na fapate le a nupuite thawn lawng songin suak tu ih. 17Ramsa hmuahhmuah, vaniu, innzuat sumhnam le a vak thai hmuahhmuah tianin fehpui tusek lai laivum ah cizai in pungzai tuseh,” tiin ti i. 18Ciatihin Noah tu a nupui le a fapate le amahte nupuite thawn lawng songin suak tlang i. 19Cen hampalak ramsa ituseh, innzuat sumhnam ituseh, vaniu le a vak thai hmuahhmuah tianin, amahte phun ṭen a burbur in lawng songin suak tlang i.
Noah In Hibawlhnak Sel I
20Cen Noah in Bawipa ca puleng tiang ai a cianghlim ramsa le vaniu khai phunkhat in pakhat ṭen pom ai mai puleng vumah Pathian ca maitai hibawlhnak sel i. 21Noah ai selhnak rimhmui heh Bawipa in a hnim fangin a thinlung in, “Minung ai thil bawnhnak manin laivum khiah cukcam tuh nawn lo ing. Minung tu a dawn lai in phat lohnak lek ruat i ti ling ing. Ikhalselai tunai bangin zaikom inkhai a nung mite cimpil tuh nawn lo ing.
22Lailung a him song hmuahhmuah,
Hlaici pawi camcu le
rongkhawm camcu um tuh i;
Khuasik le khualum,
khuafur le khuakhal camcu um tuh i,
Sun le zan um tuhai,
Zaikom inkhai bo tuh nawn lo i,” tiin ti i.
Currently Selected:
SEMPANHNAK 8: RZB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Zanniat Bible © Bible Society of Myanmar, 2018.
