OHÚTU 17

Ɔwɔicō da Ébram kóō lɛ ācɛnyīlɔ apī hɛ́ kóō wɛ ocābɔ̄ kú okónu nōó ce mla anú ā

1Eko nɛ̄ Ébram wɛ iháyí ofɛnɛ ce igwáahāanɛ ā, Óndú ā lɛ iyī nū mafú lɛ ɔ́, anɔ́ɔ ó da ɔ́ kahíníī, “Ami wɛ Ɔwɔicō nōo lɔfú fíyɛ́ dúú á. “Lɛyítáajɛ gā um cɛ́ɛ́ ká ā yɔ̄ ī yá ɔdā nōo lɛ kpaakpa eko dóódu. 2Ɔ́dāŋ nɛ̄ a le yá lɛ ā, n géē cokónu mla awɔ, géē yá ká ā le nyīla nɛ̄hi.” 3Ébram túkpɛɛ́ leyī pīya klá ajɛ, anɔ́ɔ Ɔwɔicō da ɔ́ kahíníī, 4“Ɛka nɛ̄ n gbo ga uwɔ ā yɔ̄ á. N cokónu ka a géē wɛ ádā kú aéwo alɛwa.”

5 # Uróm 4.17 Iyē kú uwɔ í gáā lé ka Ébram ɛ́ɛ́ gɛ ŋ́, amáŋ ó géē lé ka Ébrahām, ohígbū ka n le uwɔ pīya ádā kú aéwo alɛwa ɛɛ́. 6N géē kpó ayááyí alɛwa gā uwɔ nɛ̄ɛ̄nɛ̄hi nōo géē yá kéē je pīya aéwo. Ayááyí uwɔ ōhī géē wɛ aɔ́cɛ́. 7#Ulúk 1.55N géē lɛ okónu nɛ̄ n ce ga uwɔ nyā tū lɛ awɔ mɛ́mla ayááyí kú uwɔ ɛ̄cɔ̄bū, kóō wɛ okónu ō ce nōo géē yɔ̄ piyóó. N géē wɛ Ɔwɔicō kú uwɔ mɛ́mla Ɔwɔicō kú ayááyí kú uwɔ. 8#Ācot 7.5N géē je ajɛ nɛ̄ a wɛ ugbɔga anú nyā mɛ́mla odúúdú ajɛ kú Ukénan ā gā uwɔ kóō wɛ ákú uwɔ mɛ́mla ayááyí kú uwɔ igbīhi uwɔ piyóó.

9Anɔ́ɔ Ɔwɔicō da Ébrahām kahíníī, “Awɔ ā, a géē le okónu nɛ̄ n ce mɛ́mla uwɔ mɛ́mla ɛjɛ̄ɛ̄jī ayááyí kú uwɔ nēe géē wā ɛ̄cɔ̄bū ā tū. 10#Ācot 7.8; Uróm 4.11Ɛ̄nyā géē wɛ ɛka nɛ̄ um gbo mɛ́mla uwɔ mɛ́mla ipɔ́ɔma kú uwɔ ga ayááyí uwɔ, ká aá kóō lɛ ɔ́ tū á. Ɔ̄cɛnyīlɔ ká aá dóódu géē hɛ́ apī. 11Aá géē hɛ́ ufíyé kú aá, ó géē wɛ ɔdā ō cābɔ̄ mafū kú ɛka nɛ̄ n gbo mɛ́mla aá ā. 12O gbɔɔ́ ŋmá abɔ̄lɔbányā gɔbū, a géē hɛ́ ɔyínɔ̄nyīlɔ dóódu nōo wɛ ɛ̄cī ahātá apī. Ó kōō wɛ ɔfiyɛ nēé ma ɔlɛ́ uwɔ mɛ́mla ɛ̄nɛ̄ aá lá ŋmá éwɔhá wā ɔlɛ́ aá. Ɛ̄nyā géē wɛ ocābɔ̄ kú ɛka nɛ̄ n ce mɛ́mla aá ā á. 13Kwu ayí nēé ma ɔlɛ́ aá, mɛ́mla aɛ́nɛ̄ aá bī ije lá ā, é géē hɛ̄ uwā apī. Ɛ̄nyā géē wɛ ɔdōōcābɔ̄ ɔkpíyē kú aá ka ɛka nɛ̄ n gbo mɛ́mla aá géē yɔ̄ piyóó.” 14Ɔyínɔnyīlɔ dóódu nēé hɛ́ ɔ̄ apī ŋ́, é gaá je ɔ́ ka ó wɛ éyi kú ācɛ ɔlɛ́ um ŋ́, ohígbū koó lɛ ɛka kú um ā tū ŋ́.”

Ɔwɔicō cokónu keé ī ma Áyísīki

15Ɔwɔicō da Ébrahām kahíníī, “O ŋmá abālɔbányā gɔbū, á gaá hī ɔnyā uwɔ ka Usárāyi ɛ́ɛ́ gɛ ŋ́. Amáŋ iyē nū í wɛ Usára#fr 17.15 Usára: Ɛyí kú iyē nyā okónu Uhíbru wɛ “ɔyínɔ̄nyā kú ɔcɛ́.” 16N géē hɔ́hā ce ɔ́, ofíyɛ́ dúú ā, n géē je ɔyí ga uwɔ ŋmá iyē kú Usára. N géē hɔ́hā ce ɔ́, ó kē ī je pīya ɛ́nɛ́ kú aéwo. Ayááyí nū ōhī géē wɛ aɔ́cɛ́ kú aéwo.”

17Ébrahām túkpɛɛɛ́ leyī pīya klá ajɛ le ɛhɛ yɛ, anɔ́ɔ ó da īyīnū kahíníī, “Ɔ̄cɛ géē lɛ ɔyí eko nōó wɛ iháyí ofɛhɔ̄ glá ɛ́ɛ̄? Usára nōo wɛ iháyí ofɛnɛ ce igwó ā mɔyí glá ɛ́ɛ̄?” 18Ébrahām da Ɔwɔicō kahíníī, “Ka Íssmɛ̄lu kóō wɛ ɔyí nōo í lúgwū kú um mɛ́ɛ̄.”

19Ɔwɔicō tá ɔ̄ ohi kahíníī, “Ehée! Ɔnyā uwɔ, Usára géē ma ɔyínɔ̄nyīlɔ éyi gā uwɔ, nɛ̄ a géē hī iyē nū ka Áyísīki#17.19 “Ayísīki: Ɛyí kú iyē nyā okónu Uhíbru wɛ “ó ī yɛhɛ.” N géē gbo ɛka mɛ́mla anú mɛ́mla ayááyí nū nōo í yɔ̄ piyóó. 20N le ɛlā nɛ̄ a ka lɛyíkwu Íssmɛ̄lu ā pó ɛɛ́. N géē hɔ́hā ce ɔ́, n géē kpó ayí alɛwa mɛ́mla ayááyí alɛwa lɛ ɔ́. Ó géē wɛ ádā kú aɔ́cɛ́ igwɛ́ɛpa. N klla í yá kú ayááyí nū kéē lɛ pīya éwo nɛ̄hi. 21Amáŋ, n géē le ɛka nɛ̄ n gbo ā tū mɛ́mla Áyísīki, nɛ̄ Usára gaá ma gā uwɔ ekomā kú ɛyí ɔhá ā.” 22Eko nɛ̄ Ɔwɔicō le ɛlā ka mɛ́mla Ébrahām kwɛyí ā, ó le yɛ tá ɔkpáncō ŋmá ɛgiyí nū.

23Anɔ́ɔ Ébrahām kwú Íssmɛ̄lu, ɔyí nū mɛ́mla odúúdú aɔ́fiyɛ nēé ma ɔlɛ́ nū ā, mɛ́mla aɛ́nɛ̄ ó lá mla ije ā, ɔ̄cɛnyīlɔ dóódu nōo yɔ̄ ɔlɛ́ Ébrahām ā, anɔ́ɔ ó le uwá apī hɛ́ ícíícɛ ɔ́ɔmā ɛ́gɛ́nɛ̄ Ɔwɔicō da ɔ́ ā á. 24Ébrahām wɛ iháyí ofɛnɛ ce igwáahāanɛ eko nōó hɛ́ apī ā. 25Íssmɛ̄lu, ɔyí nū, wɛ iháyí igwɛ́ɛtá ɛ́ɛ́ nēé hɛ́ ɔ̄ apī á. 26Ícíícɛ ɔ́ɔmā ā, Ébrahām mɛ́mla ɔyí nū, Íssmɛ̄lu, le apī hɛ́. 27Odúúdú ācɛnyīlɔ kú ɔlɛ́ nū, aɛ́nɛ̄ é ma ɔlɛ́ nū mɛ́mla aɛ́nɛ̄ ó bī ije lá ŋmá éwɔhá ā, le apī kpó hɛ̄ mɛ́mla anú dúú.

Currently Selected:

OHÚTU 17: IFBCL

ማድመቅ

Copy