SUAHTULNAK 11
11
Moses In Catawntil Thihnak Thuthan
1 Topa in, Moses lakah “Kumpi le Izipt mitei lakah bawlsiatnak pa khatno bek hengtik tuk toh ing. Mahnung ten hawhtik tuk hi. A hah ten hi ngam pen a hawlin hawlvawk nawnawm tuk hi. 2Israel tei lakah hilh inna, a innnel tei lakah na manpha sui le ngun ngen tek haw hen,” ti hi. 3Topa in, Izipt ten Israel mite cu upatzet tukin bawl hi. Moses ngen cu bawi le mipi tei muhnakah mi thupi zetin ngaisung haw hi.
4Moses in Kumpi lakah, “Topa i awnkam cu hi bangin hi. Zanngil ten Izipt mitei lakah hawh tung a, 5Izipt ngamsung a, catawntil hempoh kumpi lo le lam luahtu tuk kumpi i catawntil pepan, cang ngawinak a, nadektu salnu i capa tawntil tianin thi haw tuk hi. Ngan catawntil hempoh thi khawng haw tuk hi. 6Tumasuan a, um awng ngawlmi, mailam heiah a umleh tuk ngawl tohmi, kah le taunak cu Izipt ngam sungah dim tuk hi. 7Mahnaven Topa in Izipt mi le Israel mi cu deidan hi, tih na theihnak tukin Israel mite cu uico pa khatno hei in, ngan hihen, mihing hihen naak tukma hi,” ti hi. 8Moses in hih thute a hilh khawng ceng ten, “Na khutnuai bawi hempoh ka lakah hung haw tuk a, ka maiah lu kunin, ‘Hawh un, nangmah le na mite hawh toh un,’ a tih ten hawh tung,” ti hi. Thinuk zetin Moses in Kumpi cu taisan hi.
9 Topa in, Moses lakah “Izipt ngamsung a, nalamdang tam deuh ka bawlnak tukin kumpi in, na thu ngai tukma hi,” ti hi. 10Moses le Aaron in kumpi i maiah nalamdang hizah bawl zo haw naven kumpi i lungmu cu Topa in khohtik a, Israel miten Izipt ngam zamin, a hawh haw tuk cu phal viang ma hi.
Currently Selected:
SUAHTULNAK 11: NBF1
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Ngawm Bible © Bible Society of Myanmar, 2014.
