Jénesii̱s 46
46
Bi̱ tsꞌén jachó Jakoo̱b nangui Ejipto̱
1Kó bo̱a̱ tsꞌén na̱ꞌmii̱ Kosiee̱ jatjoni nangui Kanaa̱n nga kijíjo̱ ngayeje ni xi tjiín, kó nga jaꞌa nangui Beerseba̱ katsꞌénkꞌasꞌiee̱n kjo̱a̱tjó kui Ne xi katsꞌéndikón Isa̱ na̱ꞌmii̱. 2Kó kuí ni̱xtji̱e̱e̱n Néná tsíchji̱a̱jo Jakoo̱b, nga bi̱ katsoó:
—Jakoo̱b, Jakoo̱b.
—¡Mí ni, kꞌi̱e̱ tikòn an kꞌi̱e̱e̱! —katsó Jakoo̱b.
3-4Kósꞌe̱ Néná bi̱ katsoó:
«Án boá xi Nee̱ na̱ꞌmíi̱, ngata̱ ndakínjín má ji nga kꞌuin jí nangui Ejipto̱, ngatꞌa̱ án xí kjuínjóo̱. Án boá xi sa̱ꞌin an nga xota̱ tji̱e̱ tse̱ ngo na̱xi̱ńdá xí ꞌniú je ka̱ma. Kó ti̱ án boá xi sa̱ꞌin an nga kꞌi̱e̱ kjoéꞌe̱ nguiní ji nangui Kanaa̱n, kó nga ko̱ye jí, ki̱a̱ kꞌuijñátꞌaa̱ Kosiee̱».
5-7Kósꞌe̱ jaá Jakoo̱b asíko̱jo nga kisꞌińdoyá kui karro̱ xi katsanguiya nda̱ ree̱. Kó bo̱a̱ tsꞌén nga Jakoo̱b jatjoni nangui Beerseba̱ sꞌe̱ kijí xtji̱e̱e̱n nangui Ejipto̱, kó kijíjo̱ ngayeje xota̱ ndiꞌaa̱, ngayeje cho̱o̱ ko̱jo ngayeje ni xi kisꞌiee̱ ki̱a̱ nangui Kanaa̱n.
Xota̱ tji̱e̱e̱ Jakoo̱b ko̱jo na̱ Líaa̱
8-14Kuí bí xi̱ꞌbi̱ jaꞌeén xota̱ ndiꞌaa̱ Jakoo̱b xi nijan kijíjo̱ Ejipto̱, tjón má kꞌi̱e̱ ko̱a̱ꞌañáa̱ kui xi kamá xota̱ tji̱e̱e̱ Jakoo̱b ko̱jo na̱ Líaa̱.
Rubee̱n, kuí boá xi ndí tjoón Jakoo̱b, kó kuí bí xi̱ꞌbi̱ xi ndií Rubee̱n:
Anoo̱k,
Faluu̱,
Esroo̱n,
ko̱jo Karmii̱.
Kuí bí xi̱ꞌbi̱ xi ndií Simeoo̱n:
Jemuee̱l,
Jamii̱n,
Oaa̱d,
Jakii̱n,
Sóaa̱r,
ko̱jo Sauu̱l kui xi ndií ngo xota̱chjo̱on xi chji̱a̱ni nangui Kanaa̱n.
Kuí bí xi̱ꞌbi̱ xi ndií Lebii̱:
Nguersoo̱n,
Koaa̱t,
ko̱jo Merarii̱.
Kuí bí xi̱ꞌbi̱ xi ndií Judáa̱:
Ee̱r,
Onaa̱n,
Selaa̱,
Faree̱,
ko̱jo Seraa̱.
Ta̱nga Ee̱r ko̱jo Onaa̱n ki̱a̱ jesón nangui Kanaa̱n.
Kuí bí xi̱ꞌbi̱ xi ndií Faree̱:
Esroo̱n,
ko̱jo Amuu̱l.
Kuí bí xi̱ꞌbi̱ xi ndií Isakaa̱r:
Tolaa̱,
Pubaa̱,
Joo̱b,
ko̱jo Simroo̱n.
Kuí bí xi̱ꞌbi̱ xi ndií Sabuloo̱n:
Seree̱d,
Eloo̱n,
ko̱jo Jalee̱l.
15Kantié ján kamá ngayeje xota̱ tji̱e̱ xi kisꞌiee̱ Jakoo̱b ko̱jo na̱ Líaa̱, kui xi katsen ki̱a̱ nangui Padan Araa̱n, ko̱jo ndíndee, ko̱jo ndí chjo̱ón Jakoo̱b kui xi ꞌmí na̱ Ndinaa̱.
Xota̱ tji̱e̱e̱ Jakoo̱b ko̱jo na̱ Silpaa̱
16-18Kuí bí xi̱ꞌbi̱ xi xota̱ tji̱e̱e̱ Jakoo̱b ko̱jo na̱ Silpaa̱, kui na̱ xi chji̱ni̱e̱ꞌboo̱ Labaa̱n má ra kamá, ta̱nga na̱ Líaa̱ katsjaá kjiꞌa nga ixán:
Kuí bí xi̱ꞌbi̱ xi ndií Ngaa̱d:
Sefoo̱n,
Anguii̱,
Sunii̱,
Esboo̱n,
Erii̱,
Arodii̱,
ko̱jo Arelii̱.
Kuí bí xi̱ꞌbi̱ xi ndií Asee̱r:
Imnaa̱,
Isbaa̱,
Isbii̱,
Beriaá,
Ko̱jo na̱ Seraa̱ ndichja kui jaá.
Kuí bí xi̱ꞌbi̱ xi ndií Beriaá:
Ebee̱r,
ko̱jo Malkiee̱l.
Tjiꞌún ngo kamá ngayeje xota̱ tji̱e̱e̱ Jakoo̱b ko̱jo na̱ Silpaa̱.
Xota̱ tji̱e̱e̱ Jakoo̱b ko̱jo na̱ Rakee̱l
19-22Kuí bí xi̱ꞌbi̱ xi xota̱ tji̱e̱e̱ Jakoo̱b ko̱jo na̱ Rakee̱l.
Kuí bí xi̱ꞌbi̱ xi ndií Kosiee̱:
Manasee̱,
ko̱jo Efraii̱n.
Kuí bí xi̱ꞌbi̱ ndí xí kisꞌiee̱ Kosiee̱ ko̱jo na̱ Asenaa̱t, tsa̱kji̱ín Potiferaa̱ chináꞌmii̱ nangui Oo̱n kui xi katsen nangui Ejipto̱.
Kuí bí xi̱ꞌbi̱ xi ndií Benjaa̱:
Belaa̱,
Békee̱r,
Asbee̱l,
Ngueraa̱,
Naamaa̱n,
Eii̱,
Roo̱,
Mupii̱n,
Upii̱n,
ko̱jo Aa̱rd.
Tienijón kamá ngayeje xota̱ tji̱e̱e̱ Jakoo̱b ko̱jo na̱ Rakee̱l.
Xota̱ tji̱e̱e̱ Jakoo̱b ko̱jo na̱ Bilaa̱
23-24Kuí bí xi̱ꞌbi̱ xi xota̱ tji̱e̱e̱ Jakoo̱b ko̱jo na̱ Bilaa̱, kui na̱ xi chji̱ni̱e̱ꞌboo̱ Labaa̱n má ra kamá, ta̱nga na̱ Rakee̱l katsjaá kjiꞌa nga ixán:
Ndaa̱n ko̱jo ndií kui xi kiꞌmí Usii̱n.
Kuí bí xi̱ꞌbi̱ xi ndií Neftalii̱:
Jasee̱l,
Ngunii̱,
Jesee̱r,
ko̱jo Silee̱n.
25Yito kamá ngayeje xota̱ tji̱e̱e̱ Jakoo̱b ko̱jo na̱ Bilaa̱.
26Ichítié ko̱jo tjiꞌún ngo kamá ngayeje xota̱ tji̱e̱e̱ Jakoo̱b xi jachójo̱ nangui Ejipto̱, ta̱nga kjiyaxki̱jín kꞌi̱e̱e̱ ínchjín kja̱ndaa̱. 27Ichítié ko̱jo kan kamá ngayeje xota̱ xi jachó nangui Ejipto̱ xi chji̱a̱ni xota̱ tji̱e̱e̱ Jakoo̱b, ta̱nga kjiyaxki̱ kꞌi̱e̱e̱ nga jó ndí xí kisꞌiee̱ Kosiee̱ ki̱a̱ nangui Ejipto̱.
Bi̱ tsꞌén askajin xkjín Jakoo̱b ko̱jo Kosiee̱
28Nguindiee̱ nga kjo̱tjoni nangui Kanaa̱n, Jakoo̱b katsanguiyatjón Judáa̱, tsi̱ꞌe̱ nga ko̱e̱je̱koo̱n Kosiee̱, kó ko̱síyaá kótsꞌén kjo̱chó nangui Ngosee̱n. Kó nga jachó kui nguindiee̱, 29Kosiee̱ ikꞌíjñandaa̱ ngo karro̱, kó kijíkjaꞌáyíndi̱ya na̱ꞌmii̱, nga kamábe Kosiee̱ na̱ꞌmii̱, tsanga má jachókoón, janíkjá kó achichí tsie askjandá. 30Kó Jakoo̱b, bi̱ katsoó Kosiee̱:
—Ndyikon án má xi je kamábee̱ ji xi̱ꞌin, jè be an ꞌne̱ nga tindyin ji nga̱sondie. ¡Ngotꞌe̱ ꞌne̱ nga jè ka̱ma xió ko̱ya án!
31Kósꞌe̱ Kosiee̱, bi̱ katsoó ngayeje já ntsꞌi̱e̱ ko̱jo xota̱ xi tjimájo̱ xkjín kuí jaá:
Kjuinkón má ráa̱ nda̱ ree̱, kó xiyáa̱ nga ngayeje xota̱ xingu̱i̱ án xi kisꞌińdo nangui Kanaa̱n jè jéꞌe kꞌi̱e̱e̱, kó nga kꞌi̱e̱ kꞌuíndojo̱na. 32Kó bo̱a̱ xiáa̱n nga jún cho̱tsa̱nga̱ ꞌbítji̱e̱jnú, kó nga kjindiboájo̱ yejéjnú cho̱tsa̱nga̱jnú ko̱jo cho̱yojojnú ko̱jo ngayeje ni xi tjínjnú. 33Kó kjiꞌa nga nda̱ ree̱ ku̱i̱chji̱a̱jnú, kó nga ko̱síyájnú mí xá xí niꞌánjnú, 34bo̱a̱ tꞌínjnúu̱ nga ndeskande koó ngasꞌe̱ nga cho̱ niꞌánxchájnú xikó katsꞌén xota̱ xi xchájnú, tsi̱ꞌe̱ nga ki̱a̱ ku̱i̱ndyionjnú nangui Ngosee̱n.
Kjo̱a̱a̱ nga xota̱ Ejiptoo̱ tsjájiín nga tiña ꞌbíndo nínga síndo xota̱ xi koo̱n cho̱tsa̱nga̱a̱.
Currently Selected:
Jénesii̱s 46: MAIX
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© Sociedad Bíblica de México, A. C.
Nuevo Testamento en Mazateco de San Pedro Ixcatlán, Oaxaca, México © Sociedad Bíblica de México, A.C. 2014
