Markus 16
16
Jiiri ɓu̱ Yesu ɓar mbe Mu̱ti
(Mat 28:1-10; Luk 24:1-12; Ykh 20:1-10)
1Nu̱ Fu̱ɗar Maasi ɓu̱ Yakhudekwang peetaki, tu̱ Maryam ye Magadaliya ndu̱ Maryam man Yaqub ndu̱ Salomi a masa ɗyiku nu̱ke zhiran mu̱nkandi ma pasharan ye manvar Yesu. 2Ye fu̱ɗar nu̱ gumapaali mbu̱ qaandi mut, fu̱ɗa Laaji nu̱ dumaari ɗau fu̱ɗar a viri, tu̱ ɗu ku she ku̱jipang. 3A mbu̱ yir ku, tu̱ shi ɓalar chele ɓaanda za, “Nang ki ka tu̱paki ndogdang ɓar yerem me ku̱jipang ɗo?”
4Yang nu̱ nggu̱tki ku, tu̱ na wa tu̱pa ndogdang ɓar me ku̱jipang, wonji ɗya ndogdi gwaanji maɗyi. 5Nu̱ viki nu̱ mbu̱ ku̱jipang, tu̱ na nyakhtlir nggur kharan bu̱n zu̱ma ndu̱ lukti ɓongndi ve nda. Tu̱ tu̱k sawar ku.
6Tu̱ nyakhtlirang ze wor za, “Shi nu lazham ɓa. Tun a laɓkya Yesu ye Nazaret nu̱ katlki nda gha mu? Ai wa ji mbe mu̱ti. A nje fan ɓa. Na ma ye maa nu̱ khatlaki nda nu̱ sang. 7Yang ɗu̱ ma leendang tun a zu̱ ye nu̱ mburindakwang, kap ndu̱ Biturus, nun za ka khu̱l nu̱ Galili gume nu, tun kaɗa na nda fara ba wa nu̱ zu̱ki ye nwang.”
8Tu̱ nusukwang vi bar mbu̱ ku̱jipang yin ɗari, var wora dlu̱rti. A lazham ku. Yang nu̱ zu̱ aa nu̱m ye aaki ɓa, ku̱me a sawa ku.
Yesu wa Wut Varan ye Maryam Magadaliya
(Ykh 20:11-18)
9Nu̱ Yesu jiiki mbe mu̱ti dumaari ɗau, ye fu̱ɗar nu̱ gumapaali mbu̱ qaandi mut, tu̱ wut varan ye Maryam ye Magadaliya nu̱ Yesu fedki khu̱kheeti malkandiku mut ɓar mbe ndang. 10Tu̱ yang, ɗu̱ ta ze ndukiku nu̱ke a su̱yen ndu̱ chin zhwang, ta gwa wor mbe chiti memu̱na a ghoori ku. 11Yang nu̱ tu̱kki ku za Yesu a nje nu̱ nyifiri, yang Maryam wa na nda ndu̱ yitan, nu̱ maita ku ɓa.
Yesu wa Wut Varan ye nu̱ Mburi nda ku Rap
(Luk 24:13-35)
12Tu̱ Yesu wut varan mbu̱ shipar nggur zu̱m ye nu̱ mburi nda ku rap nu̱ke a yir mbu̱ gure ngguri. 13Yang ni nu̱ mburi nda ku rapndang zu̱ki ye ɓeenan kwang, nu̱ maita wor ku ɓa.
Tlu̱nar nu̱ Yesu Njigki ye nu̱ Mburindakwang
(Mat 28:16-20; Luk 24:36-49; Ykh 20:19-23; Tlp 1:6-8)
14Qu̱rsan, tu̱ wut varan ye gwaanggu̱m dandang sarchi nu̱ke a zu̱m ɗye zu̱mndi ku. Tu̱ wu wor ku̱me song vu̱rti zhire ndu̱ kaku̱ɗakh memu̱nar ɓaanda, nu̱ke nu̱ maita nduki nu̱ naki nda gaanje jiiri ɓaran mbe mu̱tang ɓa.
15Tu̱ ze wor tu̱k za, ɗu̱ ma aa fu̱n mbu̱ larji, tun zu̱ labar mbarkandi nang ye nduki kap. 16Njif nu̱ maitaki, tu̱ shi baptisme, ka gwa ɗanari. Yang njif nu̱ke nu̱ maita ɓa, ka kuma nda. 17Yang ɗye saiduku nang ka mbu nduki nu̱ maitaki nga. Ka fet khu̱kheeti malkandi ku ɓar mbu̱ dlu̱ma. Ka ɗu̱ma ɓalarku ndu̱ mewar me ghaiku zum zum.#16:17 Mewar me ghai ku zum zum Nu̱ zu̱ranang ɓu̱ zu̱n ɓa yang nu̱ tu̱ktan ka ɗatli. 18Ka ɗu̱ma da su̱tiku. Aa wa zu̱m ɗye taɓtiku, ɓu̱ shi aa nu̱m ye wor ɓa. Ka du̱ng khar wor nu̱ ɗyin nduki nu̱ke khatanku, tu̱ shaana.
Wa Da Yesu ma Yir Viɗi
(Luk 24:50-53; Tlp 1:9-11)
19Qu̱rse Yesu wa woɗa ɓalarang ye wora, tu̱ daa nda tu̱ ɗu̱ ndu̱ chin viɗi. Tu̱ kha gha yin bu̱n zu̱ma ɓu̱ Magham.#16:19 Ɗyin bu̱n zu̱ma ɓu̱ Magham Ye maa khar nu̱ dukki zhaaji she Magham. 20Tu̱ nu̱ mburindakwang ɗu̱ tu̱ ku̱s zu̱ labar mbarkandang nu̱ aa fu̱n. Magham a tlu̱nar su̱yen ndu̱ wora. A wut zhire ɓu̱ ɓalarang nu̱ ku̱nshe ɗye saidu ndu̱ ɗye lazham ku nu̱ke a shir mbu̱ waazu ɓalarang. Amin. (Ku̱ shi wanang.)#16:20 Ɓeena bu̱lar kharku nu̱ zhu, nu̱ sa ye mbu̱ ɓalarku na ɓa. 16:9-20.
Currently Selected:
Markus 16: ttrNT
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Nigeria Bible Translation Trust in cooperation with Wycliffe Bible Translators, Inc.
© Wycliffe Bible Translators, Inc. and
© The Nigeria Bible Translation Trust 2016
