Gɔ̃mèjèje be Xoma 10
10
Ànyigbã ji nɔ̀tɔwo
1Kpɔɖa, Nɔà be èvi ŋusù Sɛm, Cam ku Jafɛ̀t be xòmèwo ye kè. Wo jì èvi ŋusùwo na wo lè èsìɖɔɖɔ gã be ŋùgbedòmè.
2Jafɛ̀t be èvi ŋusùwo: Gòmer, Màgɔg, Màdayì, Yavàn, Tubàl Mècɛk ku Tiràs. 3Gòmer be èvi ŋusùwo: Àkenàz, Rifàt ku Tògarmà. 4Yavàn be èvi ŋusùwo: Elisà, Tarsìs, Kittìm ku Rodànim. 5So woa ji ye wo mã dùkɔ̃awo ɖo tɔ̀dòmèkɔ̃ɛ̃wo ji. Àmè sia àmè lè yebe èdù-nyigbã ji, sɔ zɔ̃ ɖo yebe dùkɔ̃ ku ègbè dodo ji, ɖo yebe hɛ̃nu nu.
6Cam be èvi ŋusùwo: Kucè, Mìsraim, Putè ku Kanàn. 7Kucè be èvi ŋusùwo: Sevà, Havilà, Sàvetà, Ràemà, Sàvetekà. Ràemà be èvi ŋusùwo: Sabà ku Dedàn. 8Kucè gbà jì Nemrɔ̀d. Àmè kè nyi àmè ɖìnyi cucugbã lè ànyigbã jia. 9E ye nyi àdèlã ɖìnyi lè àpetɔa be ŋùkɔ̀. Ènu kè na ye wo dona èlo be: “Sìgbè Nemrɔ̀d nène, àdèlã àdodoe lè àpetɔa be ŋùkɔ̀.” 10Yebe fìɔdua be èdù cucugbãwo ye nyi Babɛ̀l#10.10 Wo gbà yɔna ɛ̀ be Babilɔ̀n, kè gɔ̃mè ye nyi càkà caka àlo tìtɔ̀ titɔ. Funu ye Mawu titɔ dùkɔ̃a lè, Erɛ̀k, Àkad, èdù kèwo kpata lè Sinèa be ànyigbã ji. 11E jo lè ànyigbã ŋua ji, yì Àsur nyigbã ji eye e yì tù Ninivè be èdùa, èdù kè ɖo àya xɔ̀pe gbàjà gãgãwoa, ku Kalàh, 12èdù gãa, ku Rɛsɛ̀n kè lè Ninivè ku Kalàh dòmèa.
13Mìsraim jì àmè kèwo lè Ludò, lè Enàm, lè Lèhav ku Naftùah. 14Àmè kèwo lè àpùgo be ànyigbãwo jia, kèwo lè Kàselùah àfi kè ye Fìlistìtɔwo ku Kretàtɔwo jɔ̀ soa.
15Kanàn jì Sidɔ̀n yebe vi ŋusù cucugbã ku Hɛt, 16Yebusìtɔwo, Àmorìtɔwo, Gìrgasìtɔwo, 17Hivìtɔwo, Arikìtɔwo, Sinìtɔwo, 18Aravadìtɔwo, Semarìtɔwo, Hamatìtɔwo. E yomè a, Kanàntɔwo be hɛ̃nuwo kãkã keŋu-keŋu, 19eye Kanàn be ànyigbã kèkè so Sidɔ̀n yì Geràr lɔ̀ge kaka va ɖo Gazà, yì Sodɔ̀m ku Gòmɔrà lɔ̀ge, so Admà kudo Sèvoìm kaka va ɖo Lɛcà. 20Ekèawo ye nyi Cam be vi ŋusù kèwo bɔ̀ ɖodu lè ànyigbãwo ji ku èdùkɔ̃wo mè sɔ zɔ̃ woabe hɛ̃nuwo kudo woabe ègbèdodowo ji.
21Sɛm, Jafɛ̀t be fòfo àmègãxoa, ye jì Ebɛ̀r be vi ŋusùwo kpata be ètɔa cã. 22Sɛm be vi ŋusùwo: Elàm, Àsur, Aràpakàd, Ludò ku Aràm. 23Aràm be vi ŋusùwo: Us, Hul, Gɛtɛ̀r ku Mas. 24Aràpakàd jì Selàh, eye Selàh jì Ebɛ̀r. 25Wo jì ŋusùvi èvè na Ebɛ̀r. Cucugbɔ̃a be nyikɔ ye nyi Pɛlɛ̀g, ɖo yebe gàmè ye wo mã ànyigbã eye nɔ̀via be nyikɔ tɔ̀ Yòkatàn. 26Yòkatàn jì Alomɔdà, Sɛlɛ̀f, Hòsaràmawè, Yɛràh, 27Hadoràm, Uzàl, Dàkla, 28Ovàl, Avimàɛl, Sabà, 29Ɔfìr, Havilà, Yovàv. Ekèawo ye nyi Yòkatàn be vi ŋusùwo kpata; 30woabe nɔ̀pea so kaka Mesà va yì Sefàr, èwèzɛ̃pe be ètoa gbɔ lɔ̀ge. 31Ekèawo ye le nyi Sɛm be vi ŋusù kèwo bɔ̀ ɖodu lè ànyigbãwo ji ku èdùkɔ̃wo mè lè woabe hɛ̃nuwo kudo ègbèdodowo mè.
32Ekèawo ye nyi Nɔà be vi ŋusùwo be hɛ̃nu kèwo bɔ̀ ɖodu lè èdùkɔ̃wo mè lè woabe xòmèwo mè. So woa ji ye wo mã dùkɔ̃wo ɖo ànyigbã a ji, lè èsìɖɔɖɔ gã be yomè.
Currently Selected:
Gɔ̃mèjèje be Xoma 10: GEN
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Mina Bible © Bible Society of Togo, 2014.