GENESIS 15
15
Ti Icari ni Jehova ken Abram.
1Calpasan dagitoy a banbanag immay ti sao ni Jehova ken Abram iti maysa a parparmata, a kinunana, #Gen. 26:24. Dan. 10:12. Luc. 1:13, 30.Dica agbuteng, Abram: siac ti #Sal. 3:3; 5:12; 119:114.calasagmo ken ti #Prov. 11:18.gungonam a nawadwad unay.
2Ket ni Abram kinunana, O Apo Jehova, ania ti itdemto caniac, idinto a siac aglabasac nga awan anacco, ket ti agtagicuanto iti balayco isu ni Eliezer a taga Damasco?
3Ket ni Abram kinunana, kitaem, saannac nga iniccan iti putot: #Gen. 14:14.ket, adtoy, a ti maysa a nayanac iti balayco isu ti agtawid caniac.
4Ket, adtoy, ti sao ni Jehova immay kencuana a cunana, daytoy a lalaki saanto nga agtawid kenca; no di ket ti #2 Sam. 7:12.agtaudto iti unegmo isu ti agtawidto kenca.
5Ket impanna iti ruar, ket kinunana, Kitaem ita ti langit, #Sal. 147:4.ket bilangem dagiti bitbitwen, no mabalinmo a bilangen: ket kinunana kencuana, #Gen. 22:17. Rom. 4:18.Castanto dagiti putotmo.
6 #
Rom. 4:3; 9:22. Gal. 3:6. Sant. 2:23. Ket pinatina ni Jehova ket daytoy imbilangna kencuana a kinalinteg.
7Ket kinunana kencuana, #Gen. 11:28, 31; 12:1.Siac ni Jehova a nangala kenca idiay Ur dagiti Caldeos tapno itedco kenca daytoy a daga a tawidem.
8Ket isu kinunana, O Apo Jehova, #Gen. 24:13, 14. Oc. 6:17, 37. 2 Ar. 20:8. Luc. 1:18.Ania ti pacaammoacto nga agtawidacto iti dayta?
9Ket kinunana kencuana, Yalaannac iti bumalasang a vaca nga agtawen iti tallo, ken maysa a calding a babai nga agtawen iti tallo, ken maysa a carnero a lalaki nga agtawen iti tallo, maysa met a pagaw, ken maysa nga urbon a calapati.
10Ket isu innalana amin dagitoy, ket #Jer. 34:18, 19.pinisina ida, ket incabilna ti tunggal guddua iti sango ti cagudduana: #Lev. 1:17.ngem dagiti tumatayab saanna ida a pinisi.
11Ket bimmaba dagiti tumatayab iti rabaw dagiti bangcay, ket ni Abram binugawna ida.
12Ket idi a lumlumnec ti init, #Gen. 2:21.immapay ti nauneg a turog ken ni Abram; ket, adtoy, maysa a dackel nga alliaw a nasipnget immapay kencuana.
13Ket kinunana ken Abram, Pudno nga ammom a #D. Ara. 7:6.dagiti putotmo aggangannaetdanto iti daga a dida cucua, ket #Ex. 1:11.agservidanto cadacuada; ket parigatendanto ida cadagiti uppat a gasut a tawtawen;
14Ket dayta met a nacion a pagserviandanto, siac ocomecto: #Ex. 21:36. Sal. 105:37.ket no malpas daytoy, pumanawdanto agraman adu a sanicua.
15 #
Job 5:26. Ngem sica mapancanto a sitatalna #D. Ara. 13:36.cadagiti ammam; #Gen. 25:8.maiponponcanto iti naimbag a kinalacay.
16Ket iti maicappat a caputotan, agsublidanto ditoy: #Dan. 8:23. Mat. 23:32. 1 Tes. 2:16.gapu ta saan pay a napno ti kinadakes ti #1 Ar. 21:26.Amorreo.
17Ket naaramid a idi nacalneken ti init, ket nagsipnget, adtoy, ti maysa nga horno a siaasuc, ken maysa nga aluten a sidadarang a naglasat iti baet dagidiay a pisi.
18Iti daydiay nga aldaw #Gen. 24:7.inaramid ni Jehova ti maysa a tulag ken Abram a cunana, #Gen. 12:7; 13:15; 26:4. Ex. 23:31. Num. 34:3. Deut. 1:7; 11:24; 34:4. Jos. 1:4. 1 Ar. 4:21. 2 Cron. 9:26. Neh. 9:8. Sal. 105:11. Isa. 27:12.Iti putotmo intedcon daytoy a daga manipud iti carayan ti Egipto, inggana iti carayan a dackel, ti carayan nga Eufrates:
19Ti Cineo, ken ti Cenezco, ken ti Cadmoneo.
20Ken ti Jeteo, ken ti Ferezeo, ken dagiti Rafeo,
21Ken ti Amorreo, ken ti Cananeo, ken ti Gergeseo, ken ti Jebuseo.
Currently Selected:
GENESIS 15: TB1973
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Ti Biblia © 1973 Philippine Bible Society
