GENESIS 14
14
Uppat nga Ar-ari makigubatda cadagiti Lima iti Labong ti Siddim. Dagiti Uppat nga Ar-ari cayawanda ni Lot. Ni Abram Ispalenna ni Lot. Ni Melquisedec bendicionanna ni Abram.
1Ket naaramid a, cadagiti al-aldaw ni Amrafel nga ari ti #Gen. 10:10; 11:2.Sinar, ni Arioc nga ari ti Elasar, ni Codor-laomer nga #Gen. 10:22.ari ti Elam, ken ni Tadal nga ari dagiti Goiim,
2A namuangayda iti gubat a maibusor ken Bera nga ari ti Sodoma, ken Birsa nga ari ti Gomorra, ken ni Sinab nga ari ti #Deut. 29:23.Adma, ken Semeber nga ari ti Seboim, ken ti ari ti Bela (nga isu Zoar).
3Amin dagitoy nagtitiponda iti lobong ti Siddim (#Num. 34:12. Deut. 3:17. Jos. 3:16.nga isu ti Taaw ti Asin).
4Cadagiti sangapulo ket dua a tawen nagservida ken Codor-laomer, ket iti maicasangapulo ket tallo a tawen immalsada.
5Ket iti maicasangapulo ket uppat a tawen, immay ni Codor-laomer, ken dagiti ar-ari a cadduana, ket rinanggasanda #Gen. 15:20.dagiti Rafaim #Jos. 12:4.idiay Astarot-carnaim, ken #Deut. 2:20.dagiti Zuzim idiay Ham, ken #Deut. 2:10, 11.dagiti Emin idiay Savecariataim,
6Ken dagiti Horeos idiay bantayda a Seir, agingga iti #Gen. 21:21. Num. 13:1, 4.Faran, nga, adda iti abay ti let-ang.
7Ket nagsublida, ket dimmanonda idiay Em-mispat (nga isu ti Cades), ket dinadaelda amin ti daga dagiti Amelecitas, ken casta met dagiti Amorreo, nga agnaed idi idiay #2 Cron. 20:2.Hasason-tamar.
8Ket rimmuar ti ari ti Sodoma, ken ti ari ti Gomorra, ken ti ari ti Adma, ken ti ari ti Seboim, ken ti ari ti Bela (nga isu ti Zoar); ket inornosda ti bacal a bumusor cadacuada idiay lobong ti Siddim;
9Maibusorda cada Codor-laomer nga ari ti Elam, ken Tidal nga ari ti Goiim, ken Amrafel nga ari ti Sinar, ken Arioc nga ari ti Elasar; uppat nga ar-ari a maibusor cadagiti lima.
10Ket ti lobong ti Siddim napno cadagiti #Gen. 11:3.palpalab-ug a nagalagalaan; ket nagtalaw ti ari ti Sodoma ken ti ari ti Gomorra, ket natnagda idiay, ket dagiti natda nagcamangda iti #Gen. 19:17, 30.bantay.
11Ket innalada amin ti #bil. 16, 21.cucua ti Sodoma ken Gomorra, ken amin a taraonda, ket napandan.
12Ket innalada met ni Lot, #Gen. 12:5.anac a lalaki ti cabsat ni Abram nga isu a nagnaed idiay Sodoma, ken ti cucuana, ket #Gen. 13:12.pimmanawdan.
13Ket immay ti maysa a nacatalaw, ket inyammona ken Abram nga Hebreo: #Gen. 13:18.daytoy nagnaed iti abay ti caroblean ni Mamre, nga Amorreo, cabsat a lalaki ni Escol, ken cabsat a lalaki ni Aner; ket #bil. 24.dagitoy addada idi a sicacanapon ken Abram.
14Ket idi nga nangngeg ni Abram a ti #Gen. 13:8.cabsatna a lalaki nacayawan, inturongna dagiti lallakina a nasursuroan, a nayanac iti balayna, tallogasut, sangapulo ket walo, ket nagcamat agingga iti #Oc. 18:29.Dan.
15Ket biningaybingayna ti buyotna a bumusor cadacuada iti rabii, isu ken dagiti ad-adipenna, ket kinabilna ida, ket kinamatna ida agingga iti Hobah, nga adda iti macatigid ti Damasco.
16Ket pinagsublina amin dagiti cucua ken casta met a pinasublina ni cabsatna a Lot, ket ti cucuana, ken casta met dagiti babbai, ken dagiti umili.
17Ket ti ari ti Sodoma napan simmabet kencuana idi nagsubli iti panangcabilna ken Codor-laomer, ken cadagiti ar-ari a kinadduana, iti lobong ti Save (#2 Sam. 18:18.nga isu a Lobong ti Ari).
18Ket ni #Heb. 7:1.Melquisedec nga ari ti Salem nangiruar ti tinapay ken arac: ket isu idi ti #Sal. 110:4. Heb. 5:6.padi ti #D. Ara. 16:17.Dios a Cangatoan unay.
19Ket binendicionanna, ket kinunana, Bendito coma ni Abram iti Dios a Cangatoan unay, #bil. 22. Mat. 11:25.agtagicua cadagiti langit ken daga:
20Ket bendito coma ti Dios a Cangatoan, a nangyawat cadagiti cabusormo ita imam. #Heb. 7:4.Ket ni Abram intedna kencuana ti apagcapullo iti isu-amin.
21Ket ti ari ti Sodoma kinunana ken Abram, Yawatmo caniac dagiti tattao, ket alaem dagiti cucua a maipaay kenca.
22Ket ni Abram kinunana iti ari ti Sodoma, #Dan. 12:7. Apoc. 10:5.Inngatoc ti imac ken Jehova, a Dios a Cangatoan unay, a makincucua iti langit ken iti daga.
23Nga awanto ti alaec a maysa a labag wenno maysa a cordon ti zapatos, wenno uray ania a cucuam, di la ket ta cunaem, Siac pinabacnangco ni Abram:
24Malacsid laeng ti kinnan dagiti bumbumaro, ken ti bingay dagiti lallaki a nakicuyog caniac, nga da #bil. 13.Aner, Escol, ken Mamre; bay-am nga alaenda ti apagda.
Currently Selected:
GENESIS 14: TB1973
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Ti Biblia © 1973 Philippine Bible Society
