Matayo 28
28
Kuyuka kua Yesu ku Bakuzi nu Binsania bia Busi Bubo.
Mk. 16:1-14; Lk. 24:1-49; Yoana 20:1-23.
1Mukusila kua busi bua sabato, nindunindu mu busi butangi buizinga, Malia Magadala nu ungo Malia bendile kulola ku nsinda. 2Nu kisi kiatengiletengile bubibu; kubuno mugenzi wa Mukota agelile kutuka muigulu, nu avule, nu atukizie ikozi, nu eikede galio. 3Kilungi kietaga mikenzi, nu nsulu zage zabezaga zenga nunse. 4Nu balangi bakule boba, nu bagilimine, babede anga bakua. 5Nu mugenzi akuide bakikulu bune, Tamunakua boba; kubuno nizi buno, mukulonda Yesu, wozo watakilue ku muti wa magu. 6Nteli gano; ayukile anga buatendile. Vuazi, mulole gabezaga Mukota. 7Nu sasiazi, nu mubule beigisibua bage bune, Ayukibua ku bakuzi; alinga kumutanga ku Galela; kuko ukumuamumoneko; bubo ubunamubula. 8Basasizie kutuka ku nsinda na boba nu mbogimbogi nnene, nu basasizie kukengelesia beigisibua bage. 9Nu Yesu akulumanine nabo, abasambizizie. Nu bamukundile, nu bamukatile ku masindi, nu bamukumbamine. 10Nu Yesu ababuide bune, Tamunakua boba; endazi, mubule mibuto zane buno, bende ku Galela, kuko ukubamoneko.
11Gabezaga basenda, balangi bamozi bendile mu muino, nu babulile basankoga banene bunsania buabedeko. 12Nu gabakundamene na bakulu, nu bakalile luango, bakasile bakoloboyo falanga ningi. 13Bababuide bune, Mutende bune, Gatuabezaga tuiyombeka tulo, beigisibua bavule mu kindi, bamuibile. 14Nu ndi mukota ongua ku bubo, nu nti tuatende nage, teinyue ubabukitile. 15Bakoloboyo bakatile falanga, nu bakitile anga bubabatendile; nu basambede musagu wono ku baYuda aba nu kano kaluma.
Yesu eli mu Galela Kulaga.
Mk. 16:15-18.
16Beigisibua ikumi nu umozi bendile ku Galela, ku muiduko wababulile Yesu. 17Nu bamumueneko kuko, nu bamukumbamine; tondo bango bendezie miango. 18Nu Yesu abavuilide, ababuide bune, Nakasua buangato bunsania bua muigulu nu bua ga kisi. 19Kububo endazi mubike babilongo bansania kuba beigisibua, kubatizia muizina lia Tata, nu lia Muana, nu lia Muuza Wasililila. 20Nu kubegisia kukatizia bunsania bunamukakizizie: nu unguililazi, nabe neinyu bindi binsania, aba kuzinda kua nkiko.
Currently Selected:
Matayo 28: NTKI57
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Nouveau Testament en Kilega © Bible Society of the Democratic Republic of Congo, 1957.
