Matayo 14
14
Helode Ekuita Yoana Mubatizi.
Mk. 6:14-29; Lk. 9:7-9.
1Mu nkiko zezo mukota Helode ongule ku musagu wa Yesu, 2nu abuide bakambi bage bune, Wono eli Yoana Mubatizi; ayuka ku bakuzi; nu kububuno ekukita migeleko zeno. 3Kubuno Helode akatile Yoana, amukandile, nu amubikile mu kikando ku kabamba ka Helodia, mukikulu wa muto wage Filipo. 4Kubuno Yoana amubuide bune, Ku mulembe tabuakulungana kuguli kuikala nage. 5Nu Helode atundile kumuita, tondo akule musanganano boba, kubuno akengede buno abezaga mulengania. 6Tondo gabede busi bunene bua kubutua kua Helode buika, mukinga wa Helodia aminine munkantini mua bantu, nu atananizizie Helode. 7Nu Helode alumbide bune, Kinsania kiwansegage nakukasekio. 8Nu mukinga aninue na nina, atendile Helode bune, Nkase itoe lia Yoana Mubatizi ga kianzi. 9Nu mukota abede na kabebe; tondo ku kabamba ka kulumbila kuage, nu ku kabamba ka babo baliaga nabo, nu akakizizie buno akaselio; 10nu asingile muntu buno asese itoe lia Yoana mu kikando. 11Itoe liage lialusizibue ga kianzi, nu alikasile ku wozo mukinga nu aliekile ku nina. 12Nu beigisibua bage bavule nu beikile kitumba kiage nu bakiyikile; nu bendile kundula Yesu.
Yesu Ekulisia Tununu Tutano.
Mk. 6:30-34; Lk. 9:10-17; Yoana 6:1-14.
13Gongule Yesu ku mundulo wa Yoana, atukile mu buato, endile mu kalula, kutabezaga bantu; nu gongule musanganano bubuno, batukile ku mino zabo, bamuyangile na magulu. 14Nu gatukile Yesu mu buato, amonine ku musanganano munene, agukuilide kiombo, nu onezie basambi babo. 15Nu gabuabede buse muigolo, beigisibua bage bamuvuilide, nu batendile bune, Kiziki kino kili kalula, nu busi buse buida; singa musanganano, buno bende kulonda idia mu mino. 16Tondo Yesu ababuide bune, Tabanenda, bakasazi idia. 17Bamubuide bune, Tuli na tumpampa tutano nu biena bibili tugu. 18Nu Yesu atendile bune, Vuazi nabio kundi. 19Nu abuide musanganano buno, Ikalazi ga bisugu; nu akatile tumpampa tutano nu biena bibili; nu agalamine kuigulu, abisegede nu abibunguide nu abikasile beigisibua nu beigisibua babikasile musanganano. 20Nu bansania balile, nu bembukile: nu basongezie mbobu zasigalaga zizazizie nzi ikumi neibili. 21Nu babo bansania baliaga babezaga bamulume bakuka tununu tutano, tabaganzile bakikulu nu bana.
Yesu Endile Gantata ga Mazi.
Mk. 6:45-56; Yoana 6:15-21.
22Nu kazanga kongo asingile beigisibua bage buno bakimine mu buato, buno balinge kusoka ku lisilia, nuwe asigede ekulagana na musanganano. 23Nu gasilile kulagana na musanganano, abakamine ku muiduko buno asege, nu gabuabede buse muigolo abezaga kuko wenyene. 24Tondo buato buabezaga buse munkatini mua kitatenge, nu buagingilegingile nunse na bimpumi kubuno kisoa kiabezaga kinene. 25Gabasile nkungu za mulangi wa banazi mu kindi Yesu avule kubeli endaga gantata ga kitatenge. 26Nu gamonine beigisibua bage ekuenda gantata ga kitatenge bakule boba, batendile bune, Kili kilimelime; nu balalukile kubuno bakuaga boba. 27Tondo kazanga kongo Yesu ababuide bune, Kokomeziazi mitima zeinyu; nne wono; tamunakua boba. 28Nu Petelo amuakuide bune, Mukota ndi uwe wozo nkakizie nunne buno nivue gantata ga mazi. 29We amubuide bune, Vua kundi, Petelo atukile mu buato, endile gantata ga mazi, endile ku Yesu. 30Tondo gamonine ku kisoa akule boba, alingile kukoka mu mazi, alalukile bune, Mukota nonie. 31Yesu alambizie kuboko kuage, amuzanzuide, amubuide bune, Uwe musosu mu bukatizio, buni butakukatizia? 32Nu gabakimine mu buato, kisoa kiabotile. 33Nu babo babezaga mu buato bamukumbamine, batendile bune, Lebelebe, uwe uli Muana wa Kalaga.
34Nu gabasokile, babasile ku kisi kia Genesaleta. 35Nu gabamumenyine babo bantu ba kiziki kikio, basingile migenzi ku ndenge za kisi kikio, nu bamuvuilide na basambi bansania; 36bamusegile buangato bua kuitubia ku mumpimbo wa nsulu zage: nu bansania beitubizie bonezibue.
Currently Selected:
Matayo 14: NTKI57
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Nouveau Testament en Kilega © Bible Society of the Democratic Republic of Congo, 1957.
