GENESIS 6
6
Nihokáá' dine'é bibąąhági át'éii
1Nahasdzáán bikáa'gi diné t'óó ahayóí silį́į'go bitsi'ké nidahaazhchį́, 2áko Diyin God bits'ą́ą́dę́ę́' aye'ké danilíinii nihokáá' dine'é bitsi'ké dayiiłtsą́ągo bił danizhóní, áko t'áá bí deinízinígíí be'asdzą́ą́ ádayiilaa. 3Áko Bóhólníihii ádííniid, ShiNíłch'i Diyinii doo t'áá áłahjį' nihokáá' dine'é náyookąąh da doo, háálá ats'íís k'ehgo nitsáhákees t'éí daznízin; azhą́ ákót'ée nidi kodóó neeznádiindóó ba'aan naadiin nihwéédahaháah doo. 4Éí yoołkááł yę́ędą́ą́' nahasdzáán bikáa'gi yé'iitsoh#Num. 13:33. dahólǫ́ǫ́ nít'éé', áádóó bik'ijį' Diyin God bits'ą́ą́dę́ę́' aye'ké danilíinii nihokáá' dine'é bitsi'ké yił ahaa dahaaskaigo ba'áłchíní dahazlį́į́'; éí ałk'idą́ą́' diné ayóó ádaat'éii índa ch'ídabi'dit'áahii danilį́į́ nít'éé'.
5Áko Bóhólníihii éí doo yá'ádaashóonii ayóó át'éego bee nihokáa'gi tsi'adeesdee'go áádóó bił ádaat'íinii t'áá ałtso bijéí yee t'ááłáhígi át'éego bąąhági át'éii yaa nitsídaakeesgo yoo'į́. 6Áko Bóhólníihii éí nihokáa'gi diné ájiilaaígíí bąąh háni', índa hajéí biyi'di t'áá íiyisí háni' yiyiił'a'. 7Áko Bóhólníihii ádííniid, Diné áshłaaígíí shíni' neis'ą́; éí bąą diné áádóó naaldlooshii áádóó nidaa'na'ii índa nidaat'a'ii t'áá bił nahasdzáán bikáá' áhodeeshdįįł. 8Nidi Bóhólníihii bibee ajooba' yee Nóah yich'ooné.#Mt. 24:37; Lk. 17:26; 1Pet. 3:20.
Nóah éí tsinaa'eeł áyiilaa
9Díí Nóah ba'áłchíní náás da'ahílchíihii ádaat'é: Nóah éí diné t'áá ákogi át'éii nilį́,#2Pet. 2:5. índa bíyoołkááłdą́ą́' t'áadoo bee bik'íhót'ahígóó Nóah éí Diyin God yił yi'ash. 10Nóah haye'ké táá' há niheezhchį́: Shem áádóó Ham índa Jéífeth daolyé.
11Diyin God binááł éí nahasdzáán yíchxǫ'go bikáá'góó t'áá át'éé nít'éé' ádílááh nihinéést'e'. 12Diyin God éí nahasdzáán yiníł'į́įgo t'áá íiyisí yíchǫ' lá, háálá ats'íís k'ehgo yildahii nináneel'ą́ąjį' t'áá íiyisí nida'iisíihgo ádadoolchxǫ'. 13Áko Diyin God éí Nóah áyidííniid, Ats'íís k'ehgo yildahii nináneel'ą́ąjį' bá nihonít'i' dooleeł, háálá nahasdzáán bikáá'góó hó hwee t'áá át'éé nít'éé' ádílááh nihinéést'e', áko k'ad nahasdzáán bikáa'gi áhodeeshdįįł. 14Áko sáípres tsin bee tsinaa'eeł ádíílííł. Biyi' nidahwiisdzą́ągo ádíílííł, índa biyi'dę́ę́' áádóó bikáá'dę́ę́' łeejin dijé'ígíí bee dííjah. 15Díí bik'ehgo ádíílííł: náásee dį́įdi neeznádiindóó ba'aan ashdladiindi ké siláago#6:15 Hííbrew bizaad kúbit éí t'ááłá'ídóó ná'áłníi'go ké silá jiníigo óolyé. naaniigo tsosts'idiindóó ba'aan ashdladi ké siláago, índa dego éí dízdiindóó ba'aan ashdladi ké siláago ádíílííł. 16Índa dego nineel'ą́ąjį' éí tsésǫ' t'ááłáhídi ké siláádóó ná'áłníi'go ahéédíítsih; tsinaa'eeł booshk'iizhjígo dáádílkałgo ádíílííł; ayaaígíí áádóó ata'giígíí áádóó adeígíí biyi' nidahwiisdzą́ągo ádíílííł. 17Áko shí, t'áá shí shik'ehgo tó nahódoołkah; nahasdzáán bikáa'gi nídídzihii nináneel'ą́ąjį' t'áá bił yá biyaagi ádahodeeshdįįł, áko nahasdzáán bikáa'gi ts'ídá ałtso dadínóonééł. 18Nidi ni t'éiyá bohoníłdzilgo nił ałhadi'deesht'ááł, áko tsinaa'eeł biih díínááł, ni áádóó niye'ké áádóó ne'asdzą́ą́ índa niye'ké bida'asdzą́ą́ ałdó', éí bił yah adííkah. 19Áádóó bits'íís dahináanii nináneel'ą́ąjį' biką'ii índa bi'áadii naaki níláago tsinaa'eeł biih hidíí'ish, áko t'áá níighahgóó dahináago baa áhólyą́ą doo. 20Nidaat'a'ii ał'ąą ádaat'éii áádóó naaldlooshii ał'ąą ádaat'éii índa nihokáá' nidaa'na'ii t'áá ałtso ał'ąą ádaat'éii éí naaki níláago naa dahakáahgo dahináago íínísin dooleeł. 21Ch'iyáán ał'ąą ádaat'éii t'áá ałtso áłah ádíílíiłgo yah ahidííyééł; éí nihich'iyą' áádóó dabich'iyą' doo. 22Nóah díí bi'jiilaa; Diyin God áhodííniidígíí t'áá ałtso bi'jiilaa.#Heb. 11:7.
Currently Selected:
GENESIS 6: NVJOB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
