GENESIS 5
5
Ádam bits'ą́ą́dóó adideezhchíinii
(1Chr. 1:1-4)
1Ádam ba'áłchíní náás da'ahílchíihii díí naaltsoos bii' baa hane'. Diyin God éí diné ájiilaadą́ą́' t'áá honáłt'éego ájiilaa. 2Biką'ii áyiilaa áádóó bi'áadii ałdó' áyiilaago#Mt. 19:4; Mk. 10:6. yik'ijisdli',#Gen. 1:27,28. áko áho'diilyaa bijį́į́dą́ą́' Ádam#Gen. 1:19. yee hóózhi'. 3Ádam jiináago neeznádiindóó ba'aan tádiin honááhaigo haye' nááhásdlį́į́'; t'áá honáłt'éego índa t'áá ájít'éhígi át'éego há náánázhchį́; éí Seth bee jíízhi'. 4Ádam hwíiníłkánígíí éí Seth há yizhchį́į́dóó bik'ijį' tseebíidi neeznádiin honináánááhaígíí biyi' haye'ké índa hatsi'ké há niheezhchį́. 5Áko Ádam hwíídíiską́ą́dóó jiináago náhást'éidi neeznádiindóó ba'aan tádiin honááhaigo dadziztsą́.
6Seth jiináago neeznádiindóó ba'aan ashdla' honááhaigo Íínas há yizhchį́. 7Seth jiináago Íínas há yizhchį́į́dóó bik'ijį' tseebíidi neeznádiindóó ba'aan tsosts'id honínáánááhaígíí biyi' haye'ké índa hatsi'ké há niheezhchį́. 8Áko Seth hwíídíiską́ą́dóó náhást'éidi neeznádiindóó ba'aan naakits'áadah honááhaigo dadziztsą́.
9Íínas jiináago náhást'édiin honááhaigo Kéínan há yizhchį́. 10Íínas jiináago Kéínan há yizhchį́į́dóó bik'ijį' tseebíidi neeznádiindóó ba'aan ashdla'áadah honínáánááhaígíí biyi' haye'ké índa hatsi'ké há niheezhchį́. 11Áko hwíídíiską́ą́dóó náhást'éidi neeznádiindóó ba'aan ashdla' honááhaigo dadziztsą́.
12Kéínan jiináago tsosts'idiin honááhaigo Mahéílalíyel há yizhchį́. 13Kéínan jiináago Mahéílalíyel há yizhchį́į́dóó bik'ijį' tseebíidi neeznádiindóó ba'aan dízdiin honínáánááhaígíí biyi' haye'ké índa hatsi'ké há niheezhchį́. 14Áko Kéínan hwíídíiską́ą́dóó náhást'éidi neeznádiindóó ba'aan neeznáá honááhaigo dadziztsą́.
15Mahéílalíyel jiináago hastą́diindóó ba'aan ashdla' honááhaigo Jííred há yizhchį́. 16Mahéílalíyel jiináago Jííred há yizhchį́į́dóó bik'ijį' tseebíidi neeznádiindóó ba'aan tádiin honínáánááhaígíí biyi' haye'ké índa hatsi'ké há niheezhchį́. 17Áko Mahéílalíyel hwíídíiską́ą́dóó tseebíidi neeznádiindóó ba'aan náhást'édiindóó ba'aan ashdla' honááhaigo dadziztsą́.
18Jííred jiináago neeznádiindóó ba'aan hastą́diindóó ba'aan naaki honááhaigo Íínak há yizhchį́. 19Jííred jiináago Íínak há yizhchį́į́dóó bik'ijį' tseebíidi neeznádiin honínáánááhaígíí biyi' haye'ké índa hatsi'ké há niheezhchį́. 20Áko Jííred hwíídíiską́ą́dóó náhást'éidi neeznádiindóó ba'aan hastą́diindóó ba'aan naaki honááhaigo dadziztsą́.
21Íínak jiináago hastą́diindóó ba'aan ashdla' honááhaigo Miithúzelah há yizhchį́. 22Íínak jiináago Miithúzelah há yizhchį́į́dóó bik'ijį' Diyin God bił joo'ashgo táadi neeznádiin honínáánááhaígíí biyi' haye'ké índa hatsi'ké há niheezhchį́. 23Íínak hwíídíiską́ą́dóó táadi neeznádiindóó ba'aan hastą́diindóó ba'aan ashdla' honááhai. 24Áko Íínak#Heb. 11:5; Jude 1:14. t'áá Diyin God bił joo'ashgo nihokáa'gi doo hwééhoozin da, háálá Diyin God nááhodiidlá.
25Miithúzelah jiináago neeznádiindóó ba'aan tseebídiindóó ba'aan tsosts'id honááhaigo Léímek há yizhchį́. 26Miithúzelah jiináago Léímek há yizhchį́į́dóó bik'ijį' tsosts'idi neeznádiindóó ba'aan tseebídiindóó ba'aan naaki honínáánááhaígíí biyi' haye'ké índa hatsi'ké há niheezhchį́. 27Miithúzelah hwíídíiską́ą́dóó náhást'éidi neeznádiindóó ba'aan hastą́diindóó ba'aan náhást'éí honááhaigo dadziztsą́.
28Léímek jiináago neeznádiindóó ba'aan tseebídiindóó ba'aan naaki honááhaigo haye' há yizhchį́. 29Éí Nóah bee jíízhi'go ázhdííniid, Díí lą́ą nideiilnishgo índa nihíla' bee yéego nideiilnishgo nihik'i hałta'go ánihidoolííł, háálá Bóhólníihii éí ni' hóyée'go yá haadzíí'. 30Léímek jiináago Nóah há yizhchį́į́dóó bik'ijį' ashdladi neeznádiindóó ba'aan náhást'édiindóó ba'aan ashdla' honínáánááhaígíí biyi' haye'ké índa hatsi'ké há niheezhchį́. 31Léímek hwíídíiską́ą́dóó tsosts'idi neeznádiindóó ba'aan tsosts'idiindóó ba'aan tsosts'id honááhaigo dadziztsą́.
32Nóah éí ashdladi neeznádiin honááhai. Áko Shem áádóó Ham índa Jéífeth há niheezhchį́.
Currently Selected:
GENESIS 5: NVJOB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Navajo Bible © 2000 American Bible Society. All rights reserved.
Bible text from the Navajo Bible is not to be reproduced in copies or otherwise by any means except as permitted in writing by American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org).
