1 & 2 Tessalonisense

1 & 2 Timoteus

Hebreërs

Galasiërs

Kolossense

Efesiërs

Filippense

1 & 2 Petrus

1, 2 en 3 Johannes

Jakobus

<div class="version vid6 iso6393afr" data-vid="6" data-iso6393="afr">
 <div class="book bk2CO">
 <div class="chapter ch1" data-usfm="2CO.1">
 <div class="label">1</div><div class="p"> 1Van Paulus, 'n apostel van Christus Jesus deur die wil van God, en van die broer Timoteus.</div><div class="p">Aan die gemeente van God in Korinte en aan almal wat aan die Here behoort in die hele Agaje.</div><div class="p"> 2Genade en vrede vir julle van God ons Vader en die Here Jesus Christus!</div><div class="s1">Danksegging na 'n moeilike tyd</div><div class="p"> 3Aan God, die Vader van ons Here Jesus Christus, kom al die lof toe! Hy is die Vader wat Hom ontferm en die God wat in elke omstandigheid moed gee. 4In elke moeilikheid bemoedig Hy ons. Daarom kan ons ook ander bemoedig wat in allerlei moeilikhede verkeer. Ons kan hulle bemoedig met dieselfde bemoediging waarmee God ons bemoedig, 5want net soos daar vir ons 'n oorvloed van lyding is ter wille van Christus, is daar ook vir ons 'n oorvloed van bemoediging deur Christus. 6As ons dus in beproewing kom, is dit dat julle bemoedig en gered kan word. As ons bemoedig word, is dit om julle te bemoedig en te versterk, sodat julle met geduld dieselfde lyding kan verduur wat ons ook verduur. 7En wat julle betref, het ons 'n vaste verwagting: ons weet dat net soos julle saam met ons deel het aan die lyding, julle ook aan die bemoediging deel het.</div><div class="p"> 8Ons wil h&#234;, broers, dat julle moet weet van die moeilikhede wat ons in die provinsie Asi&#235; ondervind het. Die swaar wat ons moes verduur, het ver bo ons kragte gegaan, sodat ons selfs die hoop om te bly lewe, laat vaar het. 9Trouens, dit het vir ons gevoel asof die doodvonnis klaar oor ons uitgespreek is. Maar dit het gebeur, sodat ons nie op onsself sou vertrou nie, maar op God wat die dooies opwek tot die lewe. 10Dit is Hy wat ons uit so 'n groot doodsgevaar gered het en ons weer sal red. Op Hom is ons hoop gevestig: Hy sal ons ook verder red. 11Daartoe werk julle mee deur vir ons te bid. So sal die gebede van baie 'n se&#235;n van God vir ons bring, en dan sal baie Hom vir ons dank.</div><div class="s1">Die verandering van Paulus se reisplan</div><div class="p"> 12Daar is een ding waarop ons trots is: ons gewete verseker ons dat ons oor die algemeen, en teenoor julle in die besonder, opgetree het met die openhartigheid en eerlikheid wat van God kom. Daarin is ons nie deur die wysheid van mense gelei nie, maar deur die genade van God. 13In ons briewe skryf ons aan julle niks wat julle nie self kan lees en verstaan nie. Ek hoop net julle sal ons eendag heeltemal verstaan. 14Tot nou toe het julle ons maar gedeeltelik verstaan. Op die dag wanneer ons Here Jesus kom, sal julle dan net so trots op ons wees soos ons op julle.</div><div class="p"> 15Dit was in hierdie oortuiging dat ek vroe&#235;r die plan gemaak het om julle te besoek, sodat julle twee keer 'n bewys van genade kon ontvang. 16Ek wou julle op die deurreis na Masedoni&#235; toe besoek en weer op die terugreis van Masedoni&#235; af, en dan met julle hulp my reis voortsit na Judea toe.</div><div class="p"> 17Was ek miskien oorhaastig toe ek hierdie plan gemaak het? Of word ek deur menslike oorwegings gelei as ek planne maak, sodat ek in een asem &#8220;ja&#8221; en &#8220;nee&#8221; s&#234;? 18So seker as God getrou is, ons woord aan julle was nie tegelyk &#8220;ja&#8221; en &#8220;nee&#8221; nie, 19want Jesus Christus, die Seun van God, wat ons, dit is ek en Silvanus en Timoteus, aan julle verkondig het, is nie &#8220;ja&#8221; en &#8220;nee&#8221; tegelyk nie. Hy is die &#8220;ja&#8221; van God, 20die &#8220;ja&#8221; op al die beloftes van God. Daarom is dit ook deur Christus dat ons tot eer van God daarop &#8220;Amen&#8221; s&#234;. 21God self het ons saam met julle op hierdie vaste grond gevestig: op Christus. God het ons vir Hom afgesonder, 22ons as sy eiendom bese&#235;l en die Heilige Gees in ons harte gegee as waarborg van wat ons nog sal ontvang.</div><div class="p"> 23Ek roep God tot getuie en staan met my lewe daarvoor in: dit was om julle te spaar dat ek toe nie na Korinte toe gekom het nie. 24Ons wil nie as heersers voorskryf wat julle moet glo nie. Julle staan immers vas in die geloof. Maar ons wil medewerkers wees om julle geluk te bevorder.</div>
 </div>
 </div>
</div>

<div class="version vid6 iso6393afr" data-vid="6" data-iso6393="afr">
 <div class="book bk2CO">
 <div class="chapter ch2" data-usfm="2CO.2">
 <div class="label">2</div><div class="p"> 1Daarom het ek besluit ek kom nie weer na julle toe as my besoek op droefheid uitloop nie, 2want as ek julle hartseer maak, wie bly dan oor om my op te beur, behalwe di&#233; wat ek hartseer gemaak het? 3Dit is waarom ek liewer aan julle geskrywe het. Ek wou nie daar kom en hartseer gemaak word deur mense wat my gelukkig moes gemaak het nie, want ek is seker daarvan dat julle almal gelukkig is as ek gelukkig is. 4Ja, met groot bekommernis en beklemming van hart, en onder baie trane, het ek aan julle geskrywe. Dit was nie om julle hartseer te maak nie, maar om julle te laat besef dat ek julle baie liefhet.</div><div class="s1">Vergifnis vir die oortreder</div><div class="p"> 5As iemand droefheid veroorsaak het, is dit nie vir my wat hy hartseer maak nie, maar vir julle almal, of, om nie te oordryf nie, ten minste 'n deel van julle. 6Vir so iemand is die bestraffing deur die meerderheid swaar genoeg. 7Nou moet julle so iemand liewer vergewe en bemoedig, anders kan hy so hartseer word dat hy heeltemal moed verloor. 8Daarom vra ek julle: Bewys liefde aan hom. 9Toe ek geskryf het, was dit juis om te wete te kom of julle aan my getrou gebly het en in alles gehoorsaam is.</div><div class="p"> 10As julle hom iets vergewe, vergewe ek hom ook. Wat my betref, as ek iets moes vergewe, het ek dit klaar gedoen om julle ontwil. Daarvan is Christus my getuie. 11Die Satan moet nie die oorhand oor ons kry nie. Ons ken sy planne maar alte goed.</div><div class="s1">Die triomf van die evangelie</div><div class="p"> 12Toe ek in Troas gekom het om die evangelie van Christus daar te verkondig, het die Here die deure vir my wyd oopgemaak. 13Tog het ek nie gemoedsrus gehad nie, omdat ek my broer Titus nie daar gekry het nie. Daarom het ek van die mense daar afskeid geneem en Masedoni&#235; toe vertrek.</div><div class="p"> 14Maar aan God die dank! Hy voer ons altyd saam in sy triomftog omdat ons een is met Christus. Deur ons versprei Hy die kennis van Christus oral soos 'n aangename geur. 15Ons is die wierook wat deur Christus vir God gebrand word, waarvan die geur di&#233; bereik wat gered word, sowel as di&#233; wat verlore gaan. 16Vir di&#233; wat verlore gaan, is dit 'n doodsreuk wat dood bring; vir di&#233; wat gered word, is dit 'n lewensgeur wat lewe wek. En wie is tot sulke dinge in staat? 17Ons, omdat ons nie is soos baie ander wat geld maak uit die woord van God nie. Ons verkondig die woord in opregtheid, in verbondenheid met Christus, in opdrag van God en in verantwoordelikheid aan God.</div>
 </div>
 </div>
</div>

2 KorintiërsVoorbeeld

Skrif

Aangaande hierdie leesplan

Verwante Leesplanne