Wat Om Vir Jou Kinders Te BidVoorbeeld

Wat om vir jou kinders te bid

’n Gebed om daagliks vir jou kinders te bid

Vader, ek bid vir my kinders, dat hulle sal groei in die Here en in die krag van God, dat hulle sal groei en sterk word in die Heilige Gees (Lukas 1:80; 2:40).

Stort asseblief u Gees op my kinders uit sodat hulle as profete sal optree en gesigte sal sien soos U beloof het (Handelinge 2:17).

Laat hulle toeneem in Goddelike wysheid en geestelike gesag; en laat u genade op hulle rus (Lukas 2:40).

Mag hulle verstandelik en liggaamlik groei (Lukas 2:52).

Maak hulle ’n krag in die land (Psalm 112:2).

Laat my kinders toeneem in guns by U en by die mense sodat hulle u werk en werke kan doen (Lukas 2:52).

Mag u Gees hulle bekragtig om met alle vrymoedigheid te getuig. Mag u hand genesing bring, en laat daar tekens en wonders plaasvind deur die Naam van Jesus (Handelinge 1:8; 4:29-30).

Mag u Gees met hulle saamwerk deur allerhande kragtige dade en gawes van die Heilige Gees volgens u wil (Hebreërs 2:4).

In Jesus se Naam, Amen.