Sewe Dinge Wat Die Bybel Oor Die Huwelik SêVoorbeeld

Die huwelik is 'n opwindende en pragtige geskenk van God. Net soos alle ander areas van die lewe, sal jy situasies in die huwelik teëkom wat jou sal bangmaak. Ons belowe immers in ons troubeloftes om lief te hê in rykdom en armoede, in siekte en gesondheid. Of dit nou 'n tragedie, siekte, of onvervulde verwagtinge is, dit vat nie lank vir vrees om in jou huwelik in te sluip nie.

Paulus skryf in sy brief aan die Romeine: "Maar in al hierdie dinge is ons meer as oorwinnaars deur Hom wat vir ons liefhet" (Romeine 8:37). As jy op die Woord van God vertrou, kan jy verseker wees dat die krag van sy liefde jou sal help om jou vrese te oorkom — selfs dié wat verband hou met jou huwelik.

Wanneer probleme kom, kan jy op Christus se standvastige liefde en toewyding vertrou. Het jy pyn of nood in jou huwelik? Vind vertroosting in die Here se belofte om jou nooit te verlaat nie. Is jy ongemaklik te midde van probleme en beproewings? Weet dan dat God alle dinge ten goede laat meewerk vir dié wat Hom liefhet (Romeine 8:28).

Is dit nie ongelooflik om te weet dat sy getrouheid en genade nie die gevolg van ons liefde vir Hom is nie, maar sy liefde vir ons (Romeine 8:37)? Niks in die hele skepping kan jou skei van die liefde van God nie (Romeine 8:35).

Moenie toelaat dat jou hart ontsteld word nie (Johannes 14: 1). Wanneer twyfel en vrees in jou huwelik kom, wees lief vir jou eggenoot soos Jesus jou liefhet. Wees ten volle toegewyd aan God, en weet dat wanneer God se liefde vervolmaak word in jou, sal al jou vrese verdwyn, ongeag watter beproewing jy in die gesig staar.

Alex Ronquillo
YouVersion Ingenieur