Laai die Bybeltoep afWAAG DIT! Om lief te hêVoorbeeld
Die liefde vereenvoudig
Die liefde vervul uiteindelik elke wet van God. Dit oortuig ons om alles te doen wat goed is en verbied ons om alles te doen wat boos is. Elke haatlike daad, subtiele misleiding of plan tot ontrouheid word verwerp wanneer liefde beheer in ons harte oorneem. Liefde vir God lei ons om Hom te gehoorsaam en aan Hom die regmatige, eervolle plek in ons lewens te gee. Wanneer ons dit doen, sal ons outomaties nie teen sy Naam sondig nie. Liefde vir ander verander ons gedrag ten goede en ontlont bose bedoelings namate die lig die duisternis verdring.
'n Man wat deur liefde gelei word, sal nie sy vrou of naaste bedrieg of verneder nie. Wanneer liefde ’n vrou se mond vul, moedig sy haar familie aan, in plaas daarvan om hulle af te breek. Wanneer jy op liefde fokus, sal jy van nature geduld, teerheid en vriendelikheid uitstraal. In plaas van die regte optrede en gesindheid uit jouself te probeer voortbring, moet jy die liefde toelaat om jou eerste reaksie en natuurlike ingesteldheid te word. Dan sal jy enige situasie met welwillendheid kan benader en sonder enige berou aan die anderkant uitkom.
KYK DIEPER
Lees Romeine 13:8-10 en bestudeer Paulus se verduideliking van hoe liefde al God se wette vervul.
Skrif
Aangaande hierdie leesplan
Om werklik lief te wees vir ’n ander onvolmaakte mens is nie net ’n romantiese gevoel nie, maar ’n daaglikse keuse. Wat moet jy egter doen om daagliks liefde te gee en te ontvang? Hierdie 7-dag leesplan bied vars perspektiewe en dieper studie deur vrae vir nadenke en uitdagings. Of jou huwelik aan ’n draadjie hang, of sterk en gesond is – hierdie reis is vir julle!
More
Ons wil graag Christian Art Publishers bedank vir die verskaffing van hierdie leesplan. Vir meer inligting, besoek asseblief: https://cumbooks.co.za/
