Die Kwessies wat Vrouens Moet HanteerVoorbeeld

Die Kwessies Wat Vrouens Moet Hanteer: Bekommernis

Bekommernis blyk 'n natuurlike deel van die menslike toestand te wees. Ons is bekommerd oor alles; van ons kinders se toekoms tot wat ons vanaand gaan kook vir aandete. Bekommernis het die vermoë om ons te verteer. Ten spyte daarvan dien ons 'n bonatuurlike God wat ons spesifiek opdrag gegee het om nie bekommerd te wees nie.

In ons skriflesing in Matteus, vertel Jesus ons dat ons nie "... vir twee base tegelyk [kan] werk nie ..." Dan sê die volgende vers: "Daarom sê ek vir julle: Moet julle nie bekommer nie." Jesus het geweet dat die sleutel tot die stryd teen bekommernis in ons aanbidding opgesluit is.

Ons sien dieselfde konsep in Spreuke 12:25. Dit staaf die volgende feit: "Bekommernis druk 'n mens neer; 'n vriendelike woord vrolik hom op." In Hebreeus verwys dit daarna dat bekommernis die hart van 'n mens neerdruk of laat aanbid. Die vraag is: wie of wat kies ons om te aanbid?

As ons bekommerd is, het ons besluit om ons aan iets anders as die soewereiniteit van God te onderwerp. In my hart en verstand het ek God van die troon verwyder ... en myself daar geplaas.

Hoe kan ons dan die stryd teen bekommernis beveg?

• Perspektief – Ryan Leak sê: "Jy sal dit altyd moeilik vind om in die middel van 'n storm te rus, wanneer jy voel dat dit jou verantwoordelikheid is om die storm te laat bedaar." In Johannes 16:33 sê Jesus dat ons moeilikheid sal hê, maar Hy gee die versekering dat Hy alles oorwin het wat hierdie wêreld bied. Jy hoef nie bekommerd te wees nie – Hy het geweet jy sou deur moeilike tye gaan en Hy het 'n oplossing.
• Laat Hy dit hanteer – ons is dikwels bekommerd omdat ons vergeet het wat God in die verlede vir ons gedoen het. Telkemale sien ons in die Skrif dat God sy mense aansê om te onthou. Hoekom? Omdat ons geneig is om te vergeet. Die herinnering aan die getrouheid van God in die verlede, help ons om die gevoel van bekommernis in die hede te oorkom.
• Bid – Jimmy Evans het dit so gestel: "Verander jou bekommernislysie in 'n gebedslys." Bekommernis bereik niks nie, gebed verander alles. In plaas daarvan om met onsself te praat, praat met die Een wat iets daaraan kan doen.